ලෝකය න්‍යෂ්ටික යුද්ධයකින් බේරාගත් විරුවෙක්...

ඒ 1983 සැප්තැම්බරයේ 26 දායි.
සෝවියට් රුසියාව, ෂකාලීන් දූපත් ආසන්නයේදී, 269 ක් සහිත කොරියානු ගුවන් යානයක් , මිසයිලයකින් බිම හෙලා, සති තුනක් ගතවූවා පමණි.

රුසියානු "ඇස" නම්වූ, න්‍යෂ්ටික ප්‍රහාර, පෙර දැනුම් පාළන මැදිරියේ , ප්‍රධාන රාජකාරී නිළදරයා වූ, ස්ටැනිස්ලාවු යෙවුග්‍රෆොවිච් පෙට්‍රොව්ගේ උකුසු දෑසට දිස්වූයේ, පාළන පුවරුවෙන් නිකුත් වන්නාවූ භයානකම සංඥාවයි.

ඒ ඔවුන්ගේ පස මිතුරා වන ඇමරිකාව, ඔවුන්ගේ මිසයිලයක්, රුසියාව ඉලක්ක කොට ගුවන්ගතකර තිබෙන බවයි. ඊට ස්වල්ප වේලාවකට පසු තවත් මිසයිල පහක් එලෙසම ගුවන් ගත කර ඇති බව දනවන සංඥා ඔහුගේ දෑසට දිස්වින.

එහෙත්, ඔහු, ඔහුට නියමිත වූ රාජකාරි සීමාවෙන් ඔබ්බට ගොස් , ඔහුට ඒත්තු යන ලද, යම් සාධක අනුව, එම සංඥා වැරදි ගණයේ ඒවා බව තීරණය කරන ලදී.

එසේ නොවී , ඔහු එම සංඥා සහතික ලෙසම න්‍යෂ්ටික ප්‍රහාරයක් යැයි, ඔහුගේ ඉහළ බලධාරින්ට දැන්වූවා නම්, එවකට ඉතාමත්ම පහළ මට්ටමක තිබූ රුසියා-ඇමරිකා සබඳතා අනුව , විනාඩි දෙකකට අඩු කාලයක් තුලදී, රුසියානු බලධාරීන්ගෙන් න්‍යෂ්ටික ප්‍රහාරයකට අනුමැතිය ලැබීමට ඉඩ තිබුනු බව පසුව පැවති පරීක්ෂණ වලින් හෙලිවිය.

එසේ සිදුවූයේ නම් , මේ පෘථිවි තලය, වර්තමානයේ, මේ තත්වයේ නොපවතිනු ඇති බව නිසැකය.

මේ අසමසම තීරණයට,( තම ජීවිතය පවා අහිමිවිය හැකිව තිබූ), ලෝකයේ බොහෝ දෙනෙක් නොදත්, මේ වීර , අධිෂ්ඨානශීලී මිනිසා එළඹියේ කෙසේද?

පශ්චාත් පරීක්ෂනවලදී ඔහු ඒ තීරනයට එළඹියේ ඇයිදැයි හේතු සහගතව පැහැදිලි කලේය.
1. ඔවුනට දන්වා ඇති පරිදි, සිදුවන්නාවූ ඇමරිකානු ආක්‍රමණයක් , පළමුවෙන්ම උපරිම හානියක් කිරීමේ ඇවැසි කම නිසා, පූර්ණ ආක්‍රමණයක් මිස මිස මිසයිල් 5 ක් වැනි අසම්පූර්ණ ආක්‍රමනයක් නොව්ය හැකි වීම.

2.විනාඩි ගණනකට පසුව වුවද, භූගත රේඩාර් මධ්‍යස්ථාන වලින් එය වාර්තා නොවීම,

3.පාළන මැදිරි පද්ධතිය, ස්ථාපිත කරන ලද්දේ ඉතාමත්ම මෑත කාළයකදී නිසා, එහි නිරවධ්‍යතාවය ගැන, ඔහුට විශ්වාසයක් නොතිබීම.

කෙසේ උවද, 2013දී (එවිට ඔහු විශ්‍රාමිකයෙකි) පැවැත්වූ සම්මුඛ සාකච්ඡාවකදී ඔහු පවසා තිබුනේ, ඔහුට එම සංඥා, වැරදි සංඥා බව 100% ක් ඒත්තු නොගිය බවය.
එහෙත් තමා සතුව තිබූ සිවිල් පුරවැසි පුහුනුව, නිවැරැදි තීරණය ගැනීමට තමාව පෙලඹවූ බව ඔහු ප්‍රකාශ කරන ලද්දේය.
ඔහුගේ ‍රාජකාරි සමකාලීනයන් , සියල්ලෝම හමුදා පුහුනුව ලැබූ වෘත්තීමය සොල්දාදුවන් වන අතර ඔවුන් කවුරුන් හෝ ඒ අවස්ථාවේදී පාලන මැදිරියේ සේවයේ යෙදී සිටියේ නම්, නිසැකවම ඒ පණිවිඩය ඉහලට යනු ඇති බව ඔහු ප්‍රකාශ කරන ලදී.

ඊළඟ වැදගත්ම ප්‍රශ්ණය වූවේ, මේ සංඥා ජනනය වූයේ කෙසේද යන්නයි.
ඒ අරභයා කළ පරීක්ෂන වලදී හෙලිවූ කරුණු මෙසේ විය.
1. ඇඑජනපදයේ, උතුරු ඩැකෝටාවේ ( මිසයිල ස්ථානගත කර ඇති ප්‍රදේශය) ඉහළ අහසේ වළාකුලු මතට සහ මොල්නියා කක්ෂයන්හි (Molniya Orbit) ගමන් කරන චන්ද්‍රිකා මතටද, ඉතා විරළගනයේ ආනතියකින් (alignment) හිරුරැස් පතිත වීම නිසා මෙම සංඥා ජනනය වූ බවයි.

පසුව, රුසියානුවන්, මෙම වැරදි සංඥා නිපදවීමට හේතුවූ දෝෂ දත්තයන්, පෘථිවියට සාපේක්ෂව එක් ස්ථානයක තිබෙන්නාවූ (Geostationary) චන්ද්‍රිකා ආධාරයෙන් නිවැරැදි කරගනු ලැබීය.

මේ සිදුවීම නිසා පෙට්‍රොව් ඉතා දැඩි ප්‍රශ්න කිරීම් වලට ලක්වූයේය. ප්‍රථමයෙන්ම ඔහුව අගය කිරීමට ලක්විය.
එහෙත් පසුව උසස්වීමක් හෝ වෙනයම් ඇගයීමක් නො
බලධාරීන්ගේ නිගමනය වූයේ, පෙට්‍රොව් අගය කිරීම යනූ, මිසයිල හඳුනා ගැනීමේ පද්ධතියේ වැරදි පිළිගැනීමකට සමානවන බවයි.
එසේ වුව හොත්, ඒ පාළන පද්ධතියේ නිර්මාපකයින් වන බලගතු, බලපෑම් කලහැකි ව්ද්‍යාඥයන් රැසකට හා ඔහුගේ ප්‍රධානීන්ට දඬුවම් කලයුතු වීමයි.
මේ සිදුවීම නිසා පෙට්‍රොව්ට ලැබුනේ, ඔහු සේවය කළ ස්ථානය තරම් වැදගත් නොවන රාජකාරි ස්ථානයකට මාරුවක් පමණි.

වීය.

ඉන් පසු අප කථානායකයා , නියමිත කාළයට පෙර රැකියාවෙන් විශ්‍රාම යන ලදී.

මෙම ඇදහිය නොහැකි සිදුවීම 1990'දී ලෝකයාට නිරාවරණය වූයේ, එවකට රුසියානු ගුවන් ආරක්ෂක සේවාවේ, මිසයිල් ආරක්ෂණ පද්ධතියේ අණදෙන්නාවූ ,ජෙනරල් යූරි වොටින්ට්සෙව් (Yuri Votintsev) ඔහුගේ මතකසටහන් ප්‍රසිද්ධියට පත්කිරීමත් සමගය.

කෙසේ වුවද, ලෝකයේ වෙනත් රටවල් ඔහුගේ මේ අසමසමවූ ක්‍රියාව, අගැයීමට පසුබට නොවන ලදී.
2004 දී අමරිකාවේ සැන්ප්‍රැන්සිස්කෝ නගරයෙන් ලෝක වාසී සම්මානයද,
2006 දී, එක්සත් ජාතීන්ගේ සංවිධානයේ , ලෝකවාසී සමුහය විසින් ලෝකයේ පුරවැසියා සම්මානයෙන්ද,
2011 ජර්මනියේ බේඩන් බේඩන් නගරයේදී ජර්මන් මාධ්‍ය සම්මානයෙන්ද,
2013 දී , ජර්මනියේ ඩ්‍රෙස්ඩන් නගරයේදී ඩ්‍රෙස්ඩන් තෑග්ග නම්වූ සම්මානයෙන්ද
ඔහුගේ මේ වීර ක්‍රියාව පැසසුමට ලක්කරන ලදී.
2014 දී, මේ සිදුවීම අළලා,
The man who saved the world
නම්වූ සිනමාපටියක්ද නිෂ්පාදනය විය

අප අද මෙලෙස සිටින්නේ, ස්ටැනිස්ලාවු යෙවුග්‍රෆොවිච් පෙට්‍රොව් නම්වූ අසාමාන්‍ය මිනිසාගේ , ඒ අසමසම තීරණය නිසා නොවේදැයි කාට කිව හැකිද.....???

ලිපිය 

Upali Karunathilaka‎

CDS ගිණුමක් සාදා ගන්නා ආකාරය හා බ්‍රෝකර් සමාගමක් තෝරා ගත යුතු ආකාරය..

කලිනුත් මේ ගැන ලිව්වා.. එත් එ පොස්ට් යට ගිහින්, අලුතෙන් එන අය ආය ආය අහනව "CDS ගිනුමක් විවුර්ත කරගන්න විදිය හා ගනුදෙනු කරන ආකාරය. එ නිසා මෙ තමා අවසාන වතාව එ ගැන ලියන.

ලන්කාවෙ කොටස් වෙලද පල තුල ගනුදෙනු කරන්න අවශ්‍ය CDS ගිනුම් නොමිලේ හදා ගන්න පුලුවන් බ්‍රෝකර් ආයතන හරහා පමනයි. එ බ්‍රොකර් සමාගම් ලැයිස්තුවක්ම තියෙනව. (මේ සදහා ශත පහක් වැය කල යුතු නෑ)

මෙ බ්‍රෝකර් සමාගම් වලින් බහුතරයක් online ගනුදෙනු කිරීමේ පහසුකම් ලබා දෙනව. හැබැයි නොයෙක් සමාගම් වල එ සදහා නොයෙක් කොන්දේසි තියෙනවා.. සමහර සමාගම් ඔබ ආයෝජනය කල මුදල මත තමා තීරනය කරන්නෙ ඔබට එ පහසුකම දෙනවද නැද්ද කියන එක. (මම නම් එවැනි සමාගමක CDS ගිනුම හදන්නෙ නෑ)
තවත් සමාගම් තිබේ ඔබ ආයෝජනය කල මුදල අදාල කර නොගෙන ඔබට online පහසුකම ලබා දෙන. (අන්න එ සමාගමක් නම් හොදයි කියල හිතෙනවා)

පැහැදිලියිද සමාගමක් තෝරගන්න විදිය.

ඊලගට ඔබ කෙසේද ගිනුම හදා ගන්නෙ.. ඔන්ලයින් පහසුකම දෙන සමාගමක් තෝරගෙන ඔබ එම සමාගමට කතා කරල හෝ සමාගමේ බ්‍රෝකර් කෙනෙක් හරහා ගිනුම හදා ගන්න පුලුවන්. ඒ සදහා ඔබ ලන්කාවෙ හිටියත් එකයි නැතත් එකයි.. ඔබගෙ අයදුම්පත්‍ර තැපැල් මගින් ගෙන්වාගෙන ඔබට ගිනුම හදා ගන්න පුලුවන්. එ සදහා ආයතනයට යන්නම වුවමනාවක් නෑ.. (හැබැයි ආයතනයට ගිහින් කරොත් වැඩෙ ඉක්මන්)

CDS ගිනුම විවුර්ත කරාට පස්සෙයි ඔබ ආයෝජනය කරන මුදල බ්‍රොකර් සමාගමට දෙන්න ඕන. ඒකත් දැන් online බැන්කු පහසුකම හරහා සල්ලි බ්‍රෝකර් සමාගමේ ගිනුමට බැර කරල මුදල් බැර කරපු රිසිට් එකෙ ස්ක්‍රීන්ශොට් එකක් යවල වැඩෙ කරගන්න පුලුවන්.

මීට වසරකට එකහමාරකට පමන පෙර මම CDS ගිනුම හැදුවෙ ගෙදර ඉදන්. සියලුම ගනුදෙනු කරෙ ගෙදර ඉදන්... ඔබටත් පුලුවන්. අවශ්‍ය උවමනාව විතරයි...

විශේශ ඉල්ලීම ඔබ බ්‍රොකර් සමාගමක නියොජිතයෙක් නම්, ඔබ සමාගම ගැන විස්තර මෙම පොස්ටුවෙ සදහන් කරන්න.. ඔබට තව ගනුදෙනු කරුවෙකු ලැබේවි...

*** හොදට මතක තියා ගන්න සමාගම කුමක් වුවත් ඔබ තෝරාගන්නා බ්‍රෝකර් (නියෝජිතයා)තමයි හොද විය යුත්තෙ. රු.1000 ආයොජනය කල ආයෝජකයා වෙනුවෙනුත් තමන්ගෙ කාලය වැය කිරීමේ හැකියාවක් ඔහුට තිබිය යුතුයි. එසෙ නැති නම් බ්‍රොකර් මාරු කරන්න. මෙය මගෙ උපදෙසක්....


😁

කොටසක් මිලට ගත් පසු විකුනන්නේ කෙසේද?

 මෙම ඡායාරුපයෙන් දැක්වෙන්නේ GSF.N කියන සමාගමේ කොටස් විකුණුම් දර්ශකය (පැරණි එකක්) මෙහි රතු හා කොළ පාටින් දෙපැත්තක් තියෙනවා.

කොළ පාට පැත්තේ ඉහලින්ම තියෙනවා 1-500-30.80 කියල
රතුපාට පැත්තේ ඉහලින්ම තියෙනවා 31.60-700-1

කොළ පාට සයිඩ් එකේ ඉන්නේ ගැනුම්කරුවන්. එක්කෙනෙක් කොටස් 500ක් ඉල්ලනවා එක කොටසක් රු. 30.80 කට. එතකොට එම ගනුදෙනුවේ මුළු වටිනාකම 15400.00ක් වෙනවා. දෙවෙනි එක බලන්න දෙන්නෙක් ඉල්ලනවා කොටස් 5100ක් එකක් 30.70 ගානේ.

දැන් රතු, රතු සෙට් එක තමා සමාගමේ අයිතිකාරයෝ. එයාලගෙන් පළවෙනියටම ඉන්නේ අඩුවටම දෙන කෙනා. එයා කියනවා එක කොටසක් රු. 31.60 ගානේ මගේ ලග කොටස් 700ක් තියෙනවා කැමති නම් ගන්න. එතන වටිනාකම 22120යි රුපියල්. ඉලගට දෙන්නෙක් 31.80 ගානේ 1507ක් කොටස් විකුනනවා.

දැන් මේ විදියට දෙපැත්තට බෙදිලා ඉන්නකොට බලන්න ගැනුම් මිල 30.80යි එත් විකුනන්න කැමති 31.60 ගානේ. ශත 80ක වෙනසක් තියෙන්නේ. එක්කෝ ගැනුම් කරුවෙක් විකුණුම් කරුවාගේ මිලට කැමති වෙන්න ඕන. නැත්නම් විකුනුම්කරුවෙක් ගැනුම් කරුවාගේ මිලට කැමති වෙන්න ඕන. එහෙමත් නැතිනම් අර 0.80 අතර හිඩැසට තව ගනුම්කරුවෙක් හෝ විකුනුම්කරුවෙක් ඇවිත් මිල ගණන් ඉදිරිපත් කරන්න ඕන. අන්න ඒ විදියටයි කොටසක් විකිණිය හැක්කේ.

තව දෙයක් කෙනෙක් 500ක් විකුනනවා නම් ඔබ ඒ 500ම මිලදී ගත යුතු නැහැ. ඔබට අවශ්‍ය නම් 1ක් මිලදී ගන්න පුළුවන්.

(මාගේ දැනීමේ හැටියට ලිව්වේ. අඩුපාඩු තිබේ නම් සකසන්න. ගැටළු තිබේ නම් විමසන්න.    මා මේ පැහැදිලිකර ඇත්තේ DirectFN සොෆ්ට්වෙයා එක ගැනයි.)

වසර 27 ට පෙර අද වැනි දවසක ගැරහීම් සහ ප්‍රතික්ෂේපයන්ගෙන් පීඩිත AIDS ආසාදිත සිසුවා රයන් වයිට් , මෙලොව හැර පියා නික්මුණේය.

රයන් වයිට්

1971 වසරේ ඇමරිකාවේ ඉන්දියානා ප්‍රාන්තයේ උපත ලද රයන් වයිට් AIDS ආසාදිතයෙකු බව අනාවරණය වන්නේ 1984 වසරේ දී එනම් ඔහු දහ තුන් හැවිරිදිව සිටින විටය. ඔහු උපතින්ම හිමෝෆීලියා A ( Hemophilia A) රෝගියෙක් වූ අතර රුධිරය කැටි නොගැසෙන බැවින් සුළු තුවාලයකින් පවා නොනවත්වා රුධිරය ගලාගොස් මරණයට පත් වීමේ අවදානමක් ඇත. රයන් වෙත වරින් වර රුධිරය පාරවිලනය කිරීමට සිදුවන්නේ එබැවිනි. උග්‍ර නිව්මෝනියාව හේතුවෙන් රෝහල්ගත කර සිටියදී සිදු කළ පරීක්ෂණ වලදී ඔහුට AIDS ශරීරගත ව ඇති බව සොයා ගැනුණු අතර එයට හේතු වී තිබුණේ අසාදිත රුධිර පාරවිලයනයකි. මාස හයක කාලයක් රෝගාතුරව සහ විවේකගත ව සිටි රයන් වයිට් යළිත් තම පාසල වූ Western Middle School වෙත යන්නට තීරණය කරන විට ඔහු දහ හතර හැවිරිදි ය. නමුත් ලෝකය රයන් සහ ඔහුගේ මව සිතනවාට වඩා සංකීර්ණය.

එහි ඇති වන්නේ පාසල් පද්ධතියක් සහ දහ හතර හැවිරිදි රෝගී දරුවෙකුගේ හිමිකමක් සම්බන්ධ ද්වන්ධ යුද්ධයකි. 1985 ජූනි මස 30 වැනිදා රයන් ගේ පාසල අයත් Western School Corporation හි අධ්‍යක්ෂවරයා ඔහුට පාසලට ඇතුළුවීම තහනම් කරන අතර එය ඔහුගේ තනි තීරණයක් නොවීය. පාසලේ සිසුන් 360 දෙනාගෙන් 117 දෙනෙක්ගේ භාරකරුවන් සහ ගුරු මණ්ඩලයේ 50 දෙනෙක් ගේ අත්සනින් යුතුව රයන්ට එරෙහි පෙත්සමක් ලැබී තිබිණ. රයන්ගේ දෙමාපියන් සහ පුවත්පත්

ඔහු වෙනුවෙන් සටන් වැදුණහ. අගෝස්තු 26 පාසල් වාරය ඇරඹුණු විට රයන්ට පාසලට පැමිණ දුරකතනය හරහා ඉගැන්වීම් වලට සවන් දෙන්නට පාසල යෝජනා කළහ. නමුත් ඔක්තෝබර් 02 වැනිදා ඔවුන් තීරණය කරන්නේ රයන් පාසල් නොආ යුතු බවයි. ඉන්දියානා ප්‍රාන්ත අධ්‍යාපන දෙපාර්තමේන්තුව රයන් ව ඇතුළත් කරන්නට නියෝග කරන අතර එම නියෝගය ට එරෙහිව අභියාචනාවක් ගෙන ඒමට පාසල් බළධාරීන්ගේ කමිටුව 7-0 ක් ලෙස ඒකමතිකව තීරණය කළහ. 1986 පෙබරවාරි 06 වැනිදා එම අභියාචනයේ දී නිර්දේශ වන්නේ රයන්ගේ පාසල් ගමන පිළිබඳ තීරණය හොවාර්ඩ් නගර සෞඛ්‍ය නිළධාරියාගේ සෝදිසියකට යටත්ව සිදු විය යුතු බවයි. පෙබරවාරි 13 වැනිදා අදාල නිළධාරියා විසින් රයන් වයිට් පාසල් ගමනට යෝග්‍ය යැයි තහවුරු කළේය. ඒ සමගම පෙබරවාරි 21 වැනිදා පාසල මගින් හොවාර්ඩ් නාගරික අධිකරණය වෙත ඉල්ලුම් කෙරෙන රයන් වයිට් ට එරෙහි වාරණ නියෝගය ඉවත දැමිණ. පෙබරවාරි 21 වැනිදා රයන් වයිට් පාසල් යන විට සිසුන් 360 අතරින් 151 දෙනෙක්ම නිවසේ රඳවා ගන්නට දෙමාපියන් උත්සුක වූහ. එදිනම සවස් වරුව වන විට වෙනත් අධිකරණයක් මගින් රයන් වයිට් ට එරෙහිව වාරණයක් පනවා තිබිණ. රයන් වයිට් ට තහනම් වූ පාසලේ ක්‍රීඩාගාරය තුළ මාර්තු 02 වැනිදා වෙන්දේසියක් පවත්වන්නට යෙදිණ. ඒ වයිට් පාසලට ඒම වළක්වාලීමේ ඉදිරි නීති කටයුතු සඳහා අරමුදලක් පිහිටුවීමට ය. නමුත් අප්‍රේල් 10 වැනිදා නැවතත් මාණ්ඩලික අධිකරණය මගින් රයන් වයිට් ට එරෙහි වාරණ නියෝගය නිෂ්ප්‍රභා කළ අතර ජූලි 18 වැනි දා ඉන්දියානාපොලිස් අභියාචනාධිකරණය මේ සම්බන්ධව කිසිදු අභියාචනයක් මින් ඉදිරියට භාර නොගන්නා බවට තීන්දුවක් ලබා දෙයි.

ඒ වනවිට රයන් වයිට් ලොව පුරා ප්‍රචලිත වී අවසන් ය. මාස පහක් පමණක් ජීවිත් වේ යැයි අනාවැකි තැබූ මේ දහ හතර හැවිරිදි සිසුවා 1987 දී තමා ප්‍රතික්ෂේප කරන පාසලෙන් සමුගනී. ඔහුටම වෙන් කළ වැසිකිළි ,පාවිච්චියෙන් පසු ඉවතලන හැඳි ගෑරුප්පු භාවිතයට අණ කිරීම සහ ක්‍රීඩාගාරය භාවිතයට ඉඩ නොලැබීම වැනි දෑ නිසා රයන්ගේ පීඩනය වටහා ගන්නා දෙමාපියන් වෙනත් නගරයකට පදිංචියට යති. ඔහුව මානුෂිකව සහ ආදරයෙන් පිළි ගන්නා Hamilton Heights High School පාසලේ 1987 සිට සතුටින් අධ්‍යාපනය ලබන රයන් 1990 අප්‍රේල් 08 වැනිදා ඔහු මෙලොවින් සමුගන්නේ පාසල් උපාධි ප්‍රදානයට මාසයක් තිබියදී ය.

මයිකල් ජැක්සන් සමග

HIV පිළිබඳ දැනුවත්කම මද එම යුගයේ රයන් තමා නොකළ වරදකට ලද දඬුවම් අතිශය වේදනාසහගත ය. පුවත්පත් බෙදාහැරීමේ අර්ධකාලීන රැකියාව ඔහුට අහිමි වන්නේ රයන්ගේ බෙදාහැරීම් කලාපයේ නිවැසියන් එම සේවය අනවශ්‍ය බව දන්වා තිබූ නිසාය. AIDS වැළඳෙන්නේ සමලිංගික හැසිරීම නිසාම යැයි සිතූ සමාජයක මේ දහ හතර හැවිරිදි දරුවාගේ මුහුණටම " උඹ සමකාමියෙක් බව අපි දන්නවා" යි පවසා අපහාස කිරීමට තරම් අසල්වාසීන් නිර්දය සහ සාහසික වූහ. ආසාධිත රුධිර පාරවිලයනය හරහා ද HIV ආසාදනය විය හැකි බවත් එය ස්පර්ශයෙන් බෝ නොවන්නැකැයි ලොවට පැවසීමට රයන් ඉදිරිපත් වන්නේ මේ අමිහිරි මතකයන්ගෙන් ඉරි තැළුණු ළමා සිතක වේදනාවෙනි.

1990 මාර්තු 20 වැනිදා මේ කතාවේ කෙළවර පැමිණෙන බවට පෙරමං සලකුණු පහළ වේ. ඉන්දියානා පොලිස්හි ළමා රෝහලකට ඇතුළු කරන රයන් සීඝ්‍රයෙන් පිරිහෙමින් පැවතිණ. ඒ වන විටත් ලෝකයේම ආදරයට පාත්‍ර වී සිටි රයන් බැලීමට එල්ටන් ජෝන් සහ බොහෝ කලාකරුවන් පැමිණි අතර මයිකල් ජැක්සන් පවා ඔහු හමුවීමට එයට පෙර පැමිණ තිබිණ. රෝහල ඉතිරී පැතිර යන මට්ටමට සෙනඟ පැමිණෙයේ නොකළ වරදකට වන්දි ගෙවූ , නමුත් ජීවිතය අත් නොහර සටන් කළ මේ ළමා විරුවා හට සුබ පතන්නට ය. තමා ඔහුට ආදරය කළ බවත් මතුවටත් ආදරය කරන බවත් පවසන්නට ය. ආදරය සහ වේදනාව මැද 1990 අප්‍රේල් 08 ගත වන්නට ඉඩ නොදෙන රයන් වයිට් වසර දහ අටක් තුළ විඳි දුක්ඛ දෝමනස්සයන් හැර පියා සදාකාලික සැනසුමට පත් විය. ඔහුගේ අවමංගල්‍යය උළෙලට පැමිණි පිරිස තර මයිකල් ජැක්සන් , ඩොනල්ඩ් ට්‍රම්ප් වැන්නන්ද විය. එල්ටන් ජෝන් රයන් වෙනුවෙන් Skyline Pigeon ගීතය ගැයුවේය.

අවසන් නින්ද..

ඔබගේ දෑතින් මිදෙන්නට කාලයයි
ඉඩ දෙන්න මට - දුර ඈත ඉසව්වකට පියාපත් සලන්නට
නිල් තණ පලස මත , තුරුගොමු ශිඛර මැද
 පිපි කුසුම් ,වනස්පති දිය කඳුරු එහා කොණ
 අහස් ගං මාවත් තැනුණු - ම නිවස්නය වෙතට

Western Middle School වෙතින් කුලියාපිටිය සම්බෝධි ප්‍රාථමික විදුහලත් - ගනේමුල්ල කුඩාබොල්ලත කණිෂ්ඨ විද්‍යාලයත් දකිමි. Hamilton Heights High School පාසල වෙතින් ත්‍රිත්ව විද්‍යාලය දකිමි. රයන් වයිට් , ඔබ වෙතින් අප අත්හැරෙන සහ අත්හරිනා ජීවිතය දකිමි.

-

Sahan Kaseera Wickramasinghe

 -

මෞර්‍යය රාජ වංශයේ ආරම්භය -අමිල ලක්මාල්

මටත් හිතුණා ඉතිහාස කතාවක් ලියන්න....මගෙ ප්‍රියතම විශයක වුණ ඉන්දීය ඉතිහාසයෙන්....

පුරාණ ඉන්දියාවෙ මහා ජනපද 16ක් තිබුණා (සොලොස් මහ ජනපද )..ඒ

01.අංග
02.මගධ
03.කෂී
04.කෝසල
05.වජ්ජි
06.මලල
07.කුරු
08.පංචාල
09.වම්ස/වත්ස්‍ය
10.මච්ඡ/මත්ස්‍ය
11.අවන්ති
12.සූරසේන
13.ඡේදි
14.අෂ්මක
15.ගනධාර
16.කාම්බෝජ

මේ මහා ජනපද අතරින් බළව්තම ජනපදය වුණ මගධ ජනපදය මූලය කරගෙන ඉන්දියාවේ පහල වුණා මහා රාජ වංශයක්(ක්‍රි.පූ. 345-321)...මේ රජ වංශය "නන්ද" වංශය ලෙස ඉතිහාසය සඳහන් කරනවා...
නැගනහිරින් වත්මන් බෙංගාල ප්‍රන්තයේ සිට බටහිරින් ප්ංජාබය තෙක්ද දකුණින් වින්ධ්‍යා කඳු වැටි මායිම් වුණ නන්ද් රාජධානියේ යුධ ශක්තිය ලෙස

(චතුරංගනී සේනාව )
ඇත් - 3000
අස් - 2000
රිය(අශ්ව කරත්ත ) - 20000
පාබල - 200000 ලෙස් සඳහන් වෙනවා...

ඒ සේ වුවත් ග්‍රීක ඉතිහාසයේ ඇතැම් තැන් වල සඳහන් වන විදිහට එය
ඇත් - 6000
අස් - 8000
රිය(අශ්ව කරත්ත ) - 80000
පාබල - 200000 ක් වුණා...

නන්ද වංශයේ ධනයද අතිමහත් බව කියනවා....විශාල ප්‍රමාණයෙ ගොවි බිම් සහ වාරි කර්මාන්තයන් ද මහා පරිමාණයේ භාණ්ඩාගාරයක්ද් ඔවුන් සතු වුණා...
සංකීර්ණ රාජ සභා ක්‍රමයකින් (අමාත්‍ය වරු සහ මන්ත්‍රී වරු සහ මණ්ඩල ) ඔවු රාජ්‍ය පාලනය කර තිබෙණවා..

නන්ද වංශයේ ශ්‍රේෂ්ඨම පාලකයා ලෙස සැළකෙන් මහා පද්ම නන්දගේ සිට අකාර්යකෂම රජෙකු ලෙස සළකන ධන නන්ද තෙක් පහත රජ වරුන් විසින් රාජ්‍යය පාලනය කලා...

1.මහා පද්ම නන්ද
2.පණ්ඩුක නන්ද
3.පණ්ඩුගති නන්ද
4.භූත පාල නන්ද
5.රාෂ්ඨ්‍රපාල නන්ද
6.ගොවිශංක නන්ද
7.දශසිධක නන්ද
8.කෛවර්ථ නන්ද
9.ධන නන්ද

මේ ආරමභ වන්නේ ධන නන්ද ගෙන රාජ්‍ය පැහැරගෙන් , නන්ද වංශයේ අවසානය සනිටුහන් කරමින් , චනද්‍රගුප්ත මෞර්‍යය විසින් මෞර්‍යය රජධානිය ආරමභකිරීමෙ සහ ඊට මහත් දයකත්වයක දුන් විශ්ණුගුප්ත චාණක්‍යය ගේ කතාවයි......

නන්ද ඛාණඩය - පළමු කොටස

"ධන නන්ද" කියන්නෙ "මහාපද්ම නන්ද" අධිරාජ්‍යයාගෙ පුතුන් 9 දෙනාගෙන් කෙනෙක්...
"කෛවර්ත නන්ද"ගෙන් පසුව ධන නන්දට මගධ අධිරාජ්‍යයත් මහා විශාල ධනස්කන්ධයකුත් ලැබෙණවා....
නමටම ගැළපෙන පරිදි ධන නන්ද කියන්නෙ ධනයට පුදුම ආශාවක් දැක්වූ අයෙක්...මීට අමතරව ඔහුට තිබුණ අනෙක් ආශාව නම් සිය චතුරංගණී සේනාව දිනෙන් දින වර්ධනය කිරීම...

හැඳින්වීමේදි සඳහන් කළ ආකරයටම නන්ද රාජධානියේ හමුදාව විශාල එකක් බවට පත්වුණේ ධන නන්ද ගෙ සමයේදියි...මේ මහා හමුදාවෙ ප්‍රධානියා වුණේ "සේනාපති භද්‍රශාල්" ...

ධන නන්දගෙ හමුදාව කෙතරම් විශාලද යනු එවක ඉන්දියාව ආක්‍රමණය කළ මහා අධිරාජ්‍යයා ඇලෙක්සැන්ඩර් පවා මගධය ආක්‍රමණය් කිරීමට මැළි වෙනවා...එහෙත් ඉතිහාසයට අනුව මෙතරම් විශාල හමුදාවක් තිබුණත් ධන නන්ද් අනෙකුත් ජනපද වලට ඇලෙක්සැන්ඩර් සමග යුධයේදී උපකාර නොකළ බව පැවසෙනවා....එය ඔහුගේ ප්‍රශ්ණයක් නොවන ලෙස ඔහු සැළකූ බව කියවෙනවා...

අනෙකුත් මගධ රජවරුන් සේම ධන නන්දත් "පාඨලීපුත්‍ර" නුවරම අගනුවර කරගෙන රාජ්‍යය පාලනය කළා...ඔහුගේ ප්‍රධානතම සහ අවංකම නිලධාරියා වුණේ "මහාමාත්‍ය රාක්ෂස්"...අවසානය වන තෙක්ම ධනනන්ද සමග ඔහු සිටිනවා සහ චන්ද්‍රගුප්තට සෑහෙන සටනක් දෙන්නත් මොහු මුල් වෙනවා...ඒ ගැන මතුවට.....

විශාල හමුදාවක වියදම් දැරීමට සහ තමුන්ගෙ ධන ලෝභය නිසාම ධන නන්ද් දිනෙන් දිනම පුරවැසියන් පෙළමින් නව බදු පැණවූවා...

මෙ බදු සහ ධනනන්ද් ගෙ අහංකාරත්වය නිසාම ජනතාව ඔහු කෙරෙහි අප්‍රසාධ වුණා වගේම ඔහුගේ ප්‍රධාන අමාත්‍ය වරයා (අමාත්‍ය රාක්ෂස නොවේ ) ඇතුළු ඉහල රාජ්‍ය නිලධාරීන් සේවය අත්හැර ගිය බව සඳහන් වෙනවා....

වැඩි වන පීඩණය නිසාම පුර වැසියන් ධන නන්ද් ට විරුදුව කැරළි ගැසුවත් ඔහු කූට සහ කෲර උප්ක්‍රම වලින් ඒවා පාලනය කළා...

මෙකල පීඩාවට පත් තව කොටසක් වුණේ භාහමණයන්..එකල සමාජයේ උගත්ම කොටස වුණ භ්‍රාහ්මණයන්ට කිසිදු සැළකීමක් ධන නන්ද් ගෙන් ලැබුණෙ නෑ...ඒ වෙනුවට ඔවුන්ට නිතරම ලැබුණෙ ධන නන්ද් ගෙ අපහාස උපහාස...

මේ නිසා භ්‍රාහමණයණුත් ධනනන්ද් ට විරුදුව පුර වැසියන් කරන කැරළි වලට උපකාර කළා...
මෙකළ බමුණු සමාජයේ ප්‍රධානියෙක් තමයි "ආචාර්‍යය අජය"...මේ ආචාර්‍යය අජය කැරළි ගැසීම හේතු කොටගෙන සිරගත කිරීමටත්...ඔහුගෙ පවුළේ උදවියට නොසළකා සිටීමටත් ධනනන්ද් නියෝගයක් කරනවා...

මේ ආචාර්‍යය අජය කියන්නෙ අපෙ කතාවෙ එක නායකයෙක් වණ පසුවට විස්තර කෙරෙන "විෂ්ණුගුප්ත චාණක්‍යය"ගෙ පියාණන් බව පැවසෙනවා.....

විෂ්ණුගුප්ත ඛාණ්ඩය – දෙවන කොටස

තමුන්ට විරුද්ධව කැරළි ගැසීම නිසා ආචර්‍ය්ය අජයව සිරගත්කිරීමට ධන නන්ද කටයුතු කරනවා….මේත් සමගම පාඨලීපුත්‍ර නුවර වාසය කිරීමට නොසුදුසු තත්ත්වයක ඇති වුණ නිසා කුඩා විෂ්ණුගුප්ත් තක්ෂශීලා බලා පිටත් වෙනවා….

එකල තක්ෂශීල වල තිබුණා ලෝකයේ තිබුණ හොඳම විශ්වවිද්‍යාලයක්…අදටත් පාසැල් වලට තක්ෂිලාව, තක්සලාව කියන්නෙ මේ තක්ෂශීල විශ්වවිද්‍යාලය නිසාමයි…

විෂ්ණුගුප්ත මේ විශ්වවිද්‍යාලයෙ රාජ නීතිය හදාරනවා….වසර ගණනවකට පස්සෙ සිය අධ්‍යාපනය නිම කරන විෂ්ණුගුප්ත තක්ෂශීල විශ්වවිද්‍යාලයේම ආචාර්‍යය වරයෙකු ලෙස සේවයට බැඳෙනවා…
පස්සෙ කාලෙක මෙය තමයි “අර්ථ ශස්ත්‍ර” කියන පොත පවා ලියලා තියෙන්නෙ…

මේ අතර ඔහුට අදහසක් පහල වෙලා තියෙනවා පාඨලීපුත්‍ර නුවරත් තක්ෂශීලා නුවර වගේම විශ්වවිද්‍යාලයක් ඇතිකරවීමට…

ඒ කටයුත්ත සහ ඔහුගෙ හිතෙ තිබුණ වෙනත් විශේෂ කටයුත්තක් ඉටු කර ගැණීම සඳහා ඔහු නැවත් පාඨලීපුත්‍ර නුවරට පැමිණෙනවා..නමුත් ඔහු නොසිතූ දේවල් තමයි එහිදී සිද්ධ වෙන්නෙ…

ධනනන්ද පාඨලීපුත්‍රය අවුල්ජාලයක් කරලා ඒ වෙනකොටත්..අධ්‍යාපනයට සහ උගතුන්ට කිසිදු තැනක් ලැබුණෙ නැහැ…නිතරම ලැබුණෙ අපහාස උපහාස….

මේ කාලයේම තමයි ඇලෙක්සැන්ඩර් අධිරාජ්‍යයා ඉන්දියාව ආක්‍රමණය කරන්නෙ …හොසඳ මිත්‍රය ඒ ගැන රසවත් ලිපි කිහිපයක් ලියුව නිසා ඒ ගැන වැඩිදුර කියන්නෙ නෑ… (එම ලිපිය) 

මේ යුද්ධය මගධ රාජධානියට බල නොපෑව හේතුව මීට කලින් කිවුවා…

අනෙකුත් රාජ්‍යයන් බේරාගැණීමට නන්ද හමුදාව යෙදවිය යුතුයැයි පැවසූ යෝජනාවට ධනනන්ද් කොහෙත්ම කැමති වුණේ නෑ…සිවාධීන රාජ්‍යයන් වුණ අනෙකුත් රාජ්‍යයන්ගේ ප්‍රශ්න ඔවුන් විසින්ම විසඳා ගතයුතු බවත්..එය තමාට අයත් කටයුත්තක් නොවෙන බවත් කියන ඔහු විෂ්ණුගුප්තට අපහාස කොට මාළිගාවෙන් පන්නා දමනවා…මේ අවස්ථාවේදි විෂ්ණුගුප්ත් “කවදා හෝ උඹට වන්දි ගෙවන්න වේ යැයි “ පැවසූ බව ඉතිහාසයේ සඳහන් වෙනවා….

ධන නන්දගේ මේ අහංකාර ආකල්පය නිසාම අවට ජනපද වල රජවරුන්ද ධන නන්ද කෙරෙහි උරණ වෙනවා...එය පසුව ඔහුට විරුද්ධව චන්ද්‍රගුප්ත්ට උපකාර කිරීම තෙක්ම දුර දිග යන විරෝධතාවයක්....
කෙසේ හෝ විශ්වවිද්‍යාලයක් පිළිබඳව තම අරමුණු ඉටු නොවෙන තැණ විෂ්ණුගුප්ත රාජ්‍ය මුදා ගැණීම සම්බන්ධයෙන් ඔහුගෙ හිතේ පැලපදියම් වෙල තිබුණ අරමුණ ක්‍රියාත්මක කරවීමට මූලික් අඩිතාලම් යොදනවා….

ඔහුගේ අභිප්‍රාය වන්නෙ ධනනන්දගෙන් මගධය මුදවා එය ඔහුගෙ ගෝලයෙකු වුණ චන්ද්‍රගුප්තට ලබාදීමයි…..

මේ සඳහා ඔහු යෙදූ කූට උපක්‍රම නිසා විෂ්ණුගුප්ත “කෞටිල්‍යය” නමින් කුප්‍රකට වුණා….

විෂ්ණු ගුප්ත ඛාණ්ඩය - තුන්වන කොටස

විෂ්ණු ගුප්ත ගේ සැළසුම් ගහෙන් ගේඩි එන්නා සේ පහළ වුණ ඒවා නොවේ....
එම සැළසුම් වල ආරම්භය සිදුවුනෙ ඔහු කුඩා කල පාඨලී පුත්‍රයෙන් පලා ගොස් තක්ෂශීලාවෙහි ඉගෙන ගත් සමයේදීමයි....

චන්ද්‍රගුප්ත මෞර්ය

දවසක් තරුණ විෂ්ණුගුප්ත චානක්‍යය ගමනක් යන විට ගමක දරුවන් පිරිසක් කෙලිදෙලෙන් ගත කරනවා දකිනවා....මෙම දරුවන් රාජ සභාවක නඩු විසඳීමක් රඟ දක්වමින් සිටියා....චාණක්‍ය පසෙකට වී මේ දරුවන්ගේ ක්‍රියා කලාපයන් බලා ගෙන සිටියා...රජු ලෙස ක්‍රියා කල දරුවාගේ දේහ ලක්ෂණ,කථනය සහ බුද්ධිමත් භාවය දුටු චාණක්‍යය මේ නම් ඒසේ මෙසේ දරුවෙකු නොවන බව වටහා ගන්නවා....හීන කුලයේ මවක සමග ගමේ වැඩුන ,පියෙක් නොමැති, නෑදැයන්ගේ හිරිහැරයට පාත්‍රවූ,එඬේරෙක් වුණ මේ දරුවා චාණක්‍යය රැගෙන යනවා තක්ෂශීලාවට...

ඇතැම් තැන් වල මෙම හමු විම වෙනත් විදිහට සඳහන් වනවා..ඒ සිංහයෙක් සමග සටන් කොට සිංහයා මෙල්ල කළ දරුවෙක් චානක්‍යය විසින් රැගෙන ගිය බවට...

තවත් තැනක සඳහන් වන්නෙ චන්ද්‍රගුප්ත විසින් චානක්‍යය සොයා ගත් බවයි...ඒ නම් දිනක් චන්ද්‍රගුප්ත විශ්‍රාම ශාලාවක සිටින අතර ඒ අසලින් චානක්‍යය ගමන් කරනවා...ඒ ගමන් කරන විට තියුන් තණකොල නිසා චානක්‍යගේ නරුවත් දෙපා තුවාල ලබනවා...

චානක්‍ය එම ප්‍රදේශය පහු කොට යන්නෙ සියලුම තණකෙලා ගලවා දැමූ පසුවයි...
මේ අවස්ථාවේ චන්ද්‍රගුප්ත සිතනවා ,තමාට බාධා වන සියලු දේ උගුල්ලා දමන මේ බමුණා ගෙන් මට මහත් උපකාර උපදෙස් ලබා ගත හැකි බව.... හේ කෙසෙ වුවත් ජනප්‍රවාද වලට අනුව මේ චන්ද්‍රගුප්ත දරුවා ධන නන්දට හෝ වෙනත් නන්ද වංශිකයෙකුට දාව දාසියක කුසින් බිහිවූ දරුවෙක් බව කියැවෙනවා...
තක්ෂශීලාවට රැගෙන යන චන්ද්‍රගුප්තට චානක්‍යය විසින් රාජ නීතිය සහ නෙකුත් දහ අටක් විද්‍යාවන් හොඳින් උගන්වනවා...චානක්‍යය ගේ සැළසුම් වල මුල්ම අදියරය ඒයයි...

පාඨලී පුත්‍ර නුවර මත්පැන් සල් ,වෙළඳ සල් ආදියෙහි විවිධ වෙස් ගෙන සරමින් චානක්‍යය ධන නන්දට විරුද් අදහස් ඇත්තවුන පිළිබඳ ඔත්තු බැලිම කළ බව කියවෙනවා....මේ මගින් ඔහු ධන නන්දට විරුදු අදහස් මෙන්ම පුද්ගලයන්ද හඳුනා ගන්නවා....

චානක්‍යය විසින් රචිත "අර්ථ ශාස්ත්‍රය" ග්‍රන්තයේ ,ගැටුමු ඇති කොට රාජ්‍යයන් නෂ්ට කිරීම සම්බන්ධව පහත රීතීන් සඳහන් වෙනවා..

1.චර පුරුෂයන් සතුරු ගෝත්‍ර තුලට ගොස් ,සිත් දිනාගෙන ගැටුම් ඇති කිරීමෙ හැකියාව ලබා ගෙන මනාව සැළසුම් කොට ද්වේශය ආදී කරුණු අවුලුවා ගෝත්‍රයේ ගැටුම් ඇති කිරීම.

2.බමුණු ආචාර්යය වරුන් ලෙස වෙස් වලාගෙන ව්‍යාජ උපදෙස් මගින් ගෝත්‍ර නායකයන් අතර ගැටුම් ඇවිලවීම.

3.පූජ්‍යස්ථාන වල රන් ,රිදී ,මුදල් වැනි දෑ තබා ගෝත්‍ර ප්‍රධානින් තුළ ලොභය ඇති කිරීම.

4.සුරූපී ගණිකාවන් ටොදවා ප්‍රධානීන් වශී කරවීම සහ ඔවුන් රහස්.තැන් වලට ගෙන ගොස් මරණයට පත්කොට චෝදනාව වෙනත් ප්‍රධානීන් මත පැවරීමට සුදුසු කටයුතු කිරීමෙන් ප්‍රධානීන් අතර ගැටුම් වර්ධනය කිරීම.

5.තවුසන් ලෙස වෙස් වලා ගන්න චරපුරුෂයන් විෂ වර්ග වාජීකරණ ඖෂධ ලෙස ගෝත්‍ර ප්‍රධානීන්ට ලබා දී ඔවුන් ඝාතනය කරවීම.

6.උගත් බමුණු ආචාර්යය වරුන් ලෙස හැසිරෙන පිරිස් විසින් චන්ද්‍රගුප්ත මෞර්ය ගෙ වාසස්ථානයෙහි ඇති වෙන ප්‍රාතිහාර්යයන්...විශ්මිත දෑ පිළිබඳව ව්‍යාජ කටකතා පැතිරවීමට සැළැස්වීම..

මෙවන් කූට උපායන් නිසාම විෂ්ණු ගුප්ත චානක්‍යය "කෞටිල්‍ය" ලෙස කුප්‍රකට වෙනවා..
කල්පනා කර බලන්න..අදටත් රාජනීතිය නොහොත් දේශපාලනයෙහි ඉහත ආකාරයේ කූට උපායන් භාවිතා වෙනවා

කෞටිල ඛාණ්ඩය - හතර වන කොටස

චන්ද්‍රගුප්ත් පමණක් රාජ්‍යත්වයට සුසුස්සෙකු ලෙස සලකා ශාස්ත්‍ර ලබා දීමට චානක්‍ය අනූවණයෙක් වුණේ නැහැ....ධන නන්දගේ අවශේස බිසවකගේ පුතෙක් වුන "පබ්බත" රවටා සිංහාසනයටලොබ ඇති කරවන චානක්‍ය චන්ද්‍රගුප්ත්ට මෙන්ම ඔහුටත් මුලික ශාස්ත්‍ර ලබා දෙනවා....

දිනක් පබ්බතගේ බුද්ධිය සහ ආත්ම ශක්තිය මැනීමට , නිදා සිටින චන්ද්‍රගුප්ත්ගේ පූන නූල ,චන්ද්‍රගුප්ත් අවදි නොකර ගලවන ලෙස චානක්‍යය පවසනවා..

මෙම පූන නූල යනු බ්‍රාහ්මණයන් වම් උරයේ සිට දකුණ පසට වැටෙන ලෙස පලඳින කහ පැහැති නූලයි....
පබ්බත එය කිරීමට අපොහොසත් වෙනවා...

තව දිනක පබ්බත නිදා සිටින විට එම කාර්යයම චන්ද්‍රගුප්ත්ට පවසනවා...දෙවරක් නොසිතන ඔහු සිය කඩුවෙන් පබ්බතගේ ගෙල සිඳ පූන නූල ගලවනවා....

රාජ්‍යත්වයට සුදුසු හැඟීම් විරහත ආත්ම ශක්තිය සහ කූට බුද්ධිය චන්ද්‍රගුප්ත් ලබා ගෙන ඇති බව පසක් කර ගන්නා චානක්‍යය ඔහුට ඉතිරි ශාස්ත්‍රය ලබා දෙනවා....

නිසි කල පැමිණි විට චන්ද්‍රගුප්ත සහ රැස් කරගත් සේනාව රැගෙන චානක්‍යය සහ චන්ද්‍රගුප්ත පාඨලී පුත්‍රයට පහර දීමට යනවා...එහත් එවර ඔවුන් ලොකු අනුවණ කමක් කර ගන්නවා...
ඒ පහර දීමට පටන් ගන්නෙ රාජ්‍යයේ මධ්‍යයේ සිට වීමයි...මේ අවස්තාවෙන් නිසි ප්‍රයෝජන ගන්නා ධන නන්ද ගේ අමාත්‍ය රාක්ෂස් රාජ්‍ය මායිම් වල සිටින සේනාවන් පොළඹවමින් මධ්‍යයට පැමිණ් ගුප්ත සේනාවට වටෙන්ම පහර දෙනවා...බරපතල ලෙස පහර ලබන ගුප්ත් සේනාව පසුබසින අතර චන්ද්‍රගුප්තද රැගෙන චානක්‍ය පලා යනවා...

මේ යන අතර සෙබලුන් ඔවුන් පසුපසම පැමිණෙනවා...
ජන ප්‍රවාදයේ ඇති පරිදි එක් අවස්තාවක සෙබලෙක් ඔවුන් පසුපසම එනවිට බේරීම සඳහා අසල වූ විලකට බසින ලෙස චන්ද්‍රගුප්තට ,චානක්‍ය පවසනවා....සෙබලා එතැනට පැමිණ චන්ද්‍රගුප්ත විමසන විට චානක්‍ය විල මැද සිටින චන්ද්‍රගුප්ත්ව පෙන්වනවා.....ලෝහමය යුධ ඇදුම ඇඳගෙන විලෙහ පිහිනීම අපහසු නිසා සෙබලා යුද ඇඳුම ගලවනවා..ඒත් සමගම අසිපත උදුරා ගන්නා චානක්‍යය සෙබලා ට ඇන මරා දමනවා....
ගොඩට පැම්ණි චන්ද්‍රගුප්ත් ගෙන්පචානක්‍ය අසනවා මා ඔබව පෙන්වූ විට ඔබට සිතුනේ කුමක්ද කියා...එවිට චන්ද්‍රගුප්ත් පවසනවා මගේ ගුරුවරයා වරදක් නොකරන බව විශ්වාස කලා කියා....ඒ අවස්තාවෙ චාවක්‍යය වටහා ගන්නවා චන්ද්‍රගුප්ත යනු තමාට නැටවිය හැකි රූකඩයක් බව....
මේ අවස්තාවෙ සිදු වුන බරපතල අනුවන කම වටහා ගන්නා චානක්‍යය වඩාත් සුදුසු නව සැළසුමක් සකස් කරනවා.. 

නමුත්.නැවත පහර දීමකට ප්‍රමාණවත් තරම් සේනාවක් ඔවුන් සතු වුනේ නෑ..ඒ නිසා ඔහු ,අතීතයේ සිදු විම් නිසා ධනනන්ද සමග උරණව සිටි "පෞරවාස"(පර්වතක/පෝරස්) , ඔහුගේ සොහොයුරා සහ පුතු "මලය කේතු" සමග සංධාන ගත වෙනවා....
මේ තුන්දෙනා හිමාලය(වත්මන් හිමාචල් ප්‍රදේශ්,හර්යානා සහ ජම්මු කෂ්මීර් ප්‍රාන්ත) ප්‍රදේශයේ රාජ්‍ය කල බලවත් රජවරු පිරිසක්...
ඇලෙක්සැන්ඩර් සමග "හිඩැස්පස්" හිදී සටන් කලේ ග්‍රීකයින් විසින් පෝරස් ලෙස හඳුන්වන පෞරවාස යි....
එකල ග්‍රීකයින් විසින් හිඩැස්පස් ලෙස හැඳින්වූ ප්‍රදේශය මෙකල කෂ්මීර් ප්‍රාන්ත්යට අයත් "ජෙහෙලම්" ලෙස හඳුනාගෙන තිබෙනවා....

කෞටිල ඛාණ්ඩය - පස්වන කොටස

"පෞරවාස සහ පුත්‍රයෝ" සමග සන්ධාන ගත වෙද්දි චානක්‍යය පොරොන්දු වෙනවා මගධයෙන් යම් කොටසක් ඔවුන්ගෙ රාජ්‍යයට ලබා දෙන බවට..නමුත් ඔහු යටි සිතින් එය එසේ සිදු වීමට කොහෙත්ම ඉඩ නොතැබීමට සැළසුමක් සකස් කරගෙන සිටියා...එය ඔහු චනුද්‍රගුප්තට පවා හෙලි කලේ නැහැ...
"ඔබ ගේ රහස් ඔබගේ සිතෙහිම තබා ගන්න..නැතිනම් එවා දැන්ගත් අය විසින් යම් දිනක ඔබව විනාශ කරාවි"..

           - - චානක්‍යය -

චානක්‍ය

පෞරවාසත් චානක්‍ය පමණටම කූට පුද්ගලයෙක්...ඔහුට අවශ්‍ය වුනේ චානක්‍යයට හා චන්ද්‍රගුප්තට උපකාර කොට මගධයෙන් ධන නන්දව පහකොට නැවත් චන්ද්‍රගුප්ත සමග යුධ කොට ඔහු පරදවා රාජ්‍යත්වය තම පුතු "මලය කේතු" ට ලබා දීමයි...චානක්‍යයට මේ පැලෑන නොවැටහුනා විය නොහැකියි... මේ අලුත් සේනාවට ගුප්තගේ ඉතිරි සේනාවට සහ පාඨලි පුත්‍ර සේනාවට අමතරව "බාලික(ගන්ධාර සෙබලු)","කිර්ටා (හිමාල ප්‍රාන්ත වල සෙබලු)","පාරසික(පර්සියානු ජාතික සෙබලු)","කාම්බෝජ (වත්මන් ජිකිස්ථාන්, උස්බෙකිස්ථාන්, කිර්ගීස්ථාන් සෙබලු)" ,"ෂක (වත්මන් ඉරාන)" සහ "යවන (ග්‍රීක)" සෙබලුන් ඇතුළත් වුනා....

මෙ සන්ධානය මෙවර රාජ්‍යයේ සීමා වල් වලින් පටන් ගෙන සිමා වල සිටි නන්ද සේනාවන් බිඳ වට්ටමින් ඉදිරියටම ඇදුනා...

මෙහිදි සිදුවූ යුද්ධය ඉතා බිහිසුනුයි..
ධන නන්දගේ මහත් විශාල වූ හමුදාවට සහ රාක්ෂස ගේ උපක්‍රම වලින් බේරී යාම එතරම් පහසු දෙයක් වුනේ නැහැ...

ධන නන්දගේපාර්ශවයේ විශාල ඇත් සේනාවක් සිටිමත් ඔවුන්ටම වාසියක් වුනා..
කේසේ හෝ චානක්‍යගේ කෙක්කෙන් නැත්තම් කොක්කෙන් න්‍යායයන්ගේ පිහිටෙන් සංධාන සේනාව ධනනන්දගේ හමුදාව විනාශ කරමින් ඉදිරියටම ඇදුනා...
මේ අතර රාක්ෂස චන්ද්‍රගුප්තව මැරීමට වීවිධ උපක්‍රම යෙදුවා...

එක් අවස්ථාවක රාක්ෂස ?විෂ කන්‍යාවක් එවනවා චන්ද්‍රගුප්ත මැරවීමට..එහෙත් චානක්‍යය එය වෙන පුද්ගලයෙකු වෙත යොමු කරවනවා..ඒ ගැන වැඩි දුර මතුවට..

තවත් අවස්ථාවක රාක්ෂස උමගක් කපමින් චන්ද්‍රගුප්තගේ යුධ කුටියට යාමට සූදානම් වනවා..නමුත් කුහුඹුවන් උමගේ යම් යම් ද්‍රව්‍ය සහ උමග කපන්නන් ආහාරයට ගත් ද්‍රව්‍ය වල අවශේෂ කොටස් රැගෙන පොලොවේ එක්.තැනකින් මතු වනු දුටු චානක්‍යයබඒගැන සැක සිති සිය සෙබලුන්ට වහාම එතැන හාරා පරීක්ෂා කිරීමට පවසනවා...ඒ අවස්තාවේද දෙපිර්ස අතරේ ලෙ ගැලිමක් සිදුවුවත් නන්ද සේනාවෙ උමග කැපීමට ආ මිනිසුන් සමූල ඝාතනය කිරීමට සංධාන සේනාව සමත් වෙනවා....

මේ සංධානත් දැං කාලෙ සංධාන වලට දෙවනි නෑ නේද...දැනුත් තනියම සටන් කරන්න බැරි වුණාම අහස උසට විවිධ පොරොන්දු දීලා සංධාන ඇති කරන් පස්සෙ සටන දින්නාට පස්සෙ දිපු පොරොන්දු ඉටු කර ගන්න බැරිව සංධාන දෙදරනවා...ඒ කාලෙත් එහෙමම වෙලා තියෙනවා...

ඝට්ඨන කාණ්ඩය - සවැනි කොටස

ජන ප්‍රවාදයට අනුව ,මීට අවුරුදු ගාණකට පෙර තමාට අපහාස කොට මහමාළිගයෙන් පන්නා දැමූ අවස්ථාවෙ සිය හිස බැඳි ශිඛාව(කොණ්ඩ ගෙඩිය) ලිහා දැමූ චාණක්‍යය තමාටම පොරොන්දුවක් කර ගන්නවා..
ඒ ධනනන්ද ගෙන් රාජ්‍ය පැහැරගෙන එය චන්ද්‍රගුප්තට ලබා දී සියල්ල සමථයකට පත් කරන තෙක් නැවත් ඒ ශිඛාව නොබඳින බවට...

ඔහුගේ අභිප්‍රාය ඉටු වන ලකුණු හැම අතින්ම පෙනෙන්නට තිබුණා...
සංධාන සේනාව විසින් නන්ද සේනාව සැහෙන විනාශ කරලා නන්දයන්ව අඩපණ කරනවා...
පාඨලීපුත්‍ර නුවර මහමාලිගාවට කඩාවැදෙන සංධාන සේනාව ධන නන්දව ජීවග්‍රහයෙන් අල්ලා ගන්නවා...
ඇතැම් තැන් වල සඳහන් වන පරිදි චන්ද්‍රගුප්ත සහ සංධානය ධන නන්ද රාජ්‍යත්වයෙන් පහ කොට සුදු සළු පිළි අන්දවා තපසට යැවූ බව කියවෙනවා..
ඇතැම් තැනක කියවෙන්නෙ පසුවට ඇති විය හැකි අනතුරු නිසා චන්ද්‍රගුප්ත විසින් ධන නන්දව ඝාතනය කල බවයි....
හේ කෙසේ වුවත් ධන නන්දගේ මහ බිසව සහ දියණිය "ධූර්දරා" මේ වන විටත් මාළිගයේ තබා ගෙන සිටියා...
චානක්‍ය ගේ උපාය වුණේ "ධූර්දරා"චන්ද්‍රගුප්තට විවාහ කර දීමට...එසේ කිරීමට සැළසුම් ජ්‍යත්වය තහවුරු කිරීමටයි...
එයට කිසිසේත් ධූර්දරා කැමති වුනේ නැහැ...

සිය පියා බලයෙන් පහ කල/මරා දැමූ චන්ද්‍රගුප්ත කෙරෙහි ධූර්දරා පසු වුනෙ පිළිකුල මුසු වෛරයකින්.....
ධන නන්දව බලයෙන් පහ කලද තවමත් චන්ද්‍රගුප්ත රාජ්‍යත්වයට පත්වුනේ නැහැ...
මේ අතරෙ පෞරවාස සහ පුත්‍රයෝ සංධානයෙන් මෙන්ම පැන ගිය රාක්ෂස ගෙන්ද විවිධ අවස්ථා වලදි චන්ද්‍රගුප්ත සහ චානක්‍යයට බලපෑම් ඇති වුණා...

සංධාන ගතවීමට පෙර දුන් පොරොනදු ලබා නොදෙන තැන පෞරවාස සහ පුත්‍රයෝ චානක්‍යයට විරුදුව දුස්සංධාන ගත වෙන්න පටං ගත්තා....
හැබැයි එලි පිට නෙවේ...
මන්ද යත් ඔවුන්ට මේ වෙනකොට හොඳ අවබෝධයක් තිබුණා චානක්‍යයගෙ කුට උපායන් ගැන...
මේ අතර මෙ අයව පාලනය කරන්න චානක්‍ය උපායක් යෙදුවා...
සුරූපී ගණිකාවන් කිහිප දෙනෙක් පෞරවාස සහ පුත්‍රයෝ අතරට ඔහු විසින් දැම්මා...
අවසන මේ රජවරු ගණිකාවන්ට වසඟව කෙලි දෙලෙන් පසුවිම නිසාම ඔවුන්ගේ අභිමතාර්ථ අමතක වෙනවා...
තරුණ මලයකේතු උපරිම විනෝදයෙන් කටයුතු කලා..
මේ අතර මින් එක් ගණිකාවක් තමා පැත්තට නම්මවා ගැනීමට රාක්ෂස සමත් වෙනවා..
ඔහු මැය අතේ විෂ එවනවා චන්ද්‍රගුප්ත මැරවීමට...
වෙනත් ගණිකාවන්ගේ කියුම් සහ ඔත්තු නිසා මේ ගණිකාවගේ කටයුතු පිලිබඳ විමසිල්ලෙන් සිටි චානක්‍ය මෙය දැනගත්තත් එය වැළැක්වුවෙ නෑ...
මාලිගය තුලට විෂ රැගෙන ඒමට ඔහු ඉඩ දෙනවා...
හැබැයි විෂ පෙවීමට සළස්වන්නෙ චන්ද්‍රගුප්තට නොවේ...
පෞරවාසට...එක ගලෙන් කුරුල්ලො දෙන්නයි...
මහ හිසරදයක් වුණ පෞරවාස මිය යනවා විතරක් නෙමේ මලයකේතු රාක්ෂස කෙරෙහි වෛර බඳිනවා...(ඇතැම් තැනක සඳහන් වෙනවා මෙසේ මියගියේ පෞරවාස නොව ඔහුගේසොහොයුරා බව)
නෑ එසේ වුනේ නෑ..චානක්‍යය එසේ සිතුවත්..චානක්‍යයගේ කූට ගති දැන සිටි මලයකේතු සිතනවා අනිවාර්යෙන්ම මෙය චානක්‍යයගේ වැඩක් බව...
සිය දිවියට හානි වීමට පෙර ඔහු රාක්ෂස වෙත පලා යනවා...
හැබැයි ඔහු යන්නෙ තනියම නොවේ "භගුරායන්" කියන ඔහුගෙ මිත්‍රයෙක් එක්ක...

කවුද මේ "භගුරායන්"?!..

ඝට්ඨන ඛාණ්ඩය - සත්වැනි කොටස

පෞරවාස සහ පුත්‍රයන්ටපාඨලී පුත්‍ර මාලිගාවේ වෙන් කර තිබුණ කොටසේ ඔවුන්ට ආවතේව කරන ඔවුන් විසින් ඉහලින් විශ්වාස කල තරුණ සේවකයෙක් සිටියා...

පෞරවාස ඇතුළු පිරිසගේ සියලු කුදු මහත් කටයුතු කලේ මේ පුද්ගලයා...
වතුර උණු කරවීම..නෑවීම..බුලත් කැවීම...ආහාර පිළියෙල කිරීම..සම්බාහනය කිරීම්...වාජීකරණ ඔසු සැකසීම් ආදි මෙකී නොකී සියල්ලම කලේ මොහු...
කාලයක් යනකොට මේ පිරිස තමන්ගෙ රහස් මේ පුද්ගලයා සමග බෙදා ගැනීමට කටයුතු කලා...
ඔවුන් කිසි සේත්ම හිතුවෙ නෑ මේ පුද්ගලයා වෙන කෙනෙක් වෙනුවෙන් චරපුරුෂ කම් කල කෙනෙක් කියලා...

මෙයාගෙ නම "භගුරායන". ...මෙයාව පෞරවාස සහ පුත්‍රයන් වෙත එවන්නෙ චානක්‍යය විසින්...
පෞරවාස ගෙන් ලබා ගන්නා තොරතුරු සියල්ලම චානක්‍යය ගේ කණේ තැබීම මොහු විසින් හොඳින් සිදු කලා...
මලයකේතු මහ මාලිගයෙන් පලා යන අවස්තාවේදී සැක නැතිව භගුරායන්ව රැගෙන යන්නෙ ඒ නිසයි..
මෙසේ පලා යන මලයකේතු අමාත්‍ය රාක්ෂස සමග එකතු වෙනවා...
මලයකේතුට සමගින් තව පිරිසක් අමාත්‍ය රාක්ෂස සමග එකතු වෙනවා...
ඒ ශිවර්මන් (කුලු ප්‍රදේශයෙන්),
මේඝාක්ෂ (පාරසික),
නරසිම්හ (මලය ප්‍රදේශයෙන්/කෂ්මිර්) සහ සින්ධු සේන (සින්ධු නිම්නය)...
මේ අය සමගින් ඡේදි,ගන්ධාර,හුනාස්,කශ,මගධ ,ෂක සහ යවන සෙබල් පිරිසුත් රාක්ෂස සමග එකතු වෙනවා.....
මින් ඉදිරයට කතාවේ බොහෝ දුරට අන්තරගත වෙන්නෙ ජනප්‍රවාද...
කෞටිල්‍යයගේ අර්ථශාස්ත්‍රය...
චානක්‍යය කෂ්මිර වෙළුම...
චානක්‍යය ජෛන වෙලුම සහ
උර්දු වෙළම
විද්‍යා දත්ත ගේ මුද්‍රරාක්ෂසය යන පොත් වල අඩංගු කරුණුයි...තැන් කිහිපයකම එක් ආකාරයකින් හෝ සමාන ආකාරයකින් සඳහන් වන දෑ මෙහි අන්තර් ගත වෙනවා....
මෙසේ වීමට ප්‍රධානම හේතුව නම් මේ යුගයට අදාලව සහ චානක්‍යය සම්බන්ධව ඉන්දීය ඉතිහාසය තුළ නිසි පරිදි ලේඛණ ගත නොවී තිබීමයි..

රාක්ෂස ඛාණ්ඩය - අට වන කොටස

සියල්ල මෙස් සිදු වෙද්දී රාක්ෂස තව උපායක් යොදනවා චන්ද්‍රගුප්ත මැරීමට.....

චානක්‍යය විසින් පාඨලීපුත්‍ර මහමාළිගාවේ කොටසක්ම වෙන්කරනවා චන්ද්‍රගුප්ත වෙනුවෙන්...ඒය පිළිසකර කොට කුමාර භවන යනුවෙන් නම් කරනවා....

මේ කුමාර භවන පිළිසකර කිරීම් කටයුත්ත කල "භුවනපාල" සහ ඔහුගේ සේවකයන් හිතවත් කර ගැනීමට රාක්ෂස සමත් වෙනවා....රන්කාසි පොදි ගණනින් භුවනපාලට ලබා දුන් ඔහු පවසා සිටින්නෙ කුමාර භවනේ එක් බිත්තියක විශාල ප්‍රමාණයේ කන්නාඩියක් සවි කරන ලෙසත්....ඒ කණ්නාඩිය (ඇතැම තැනක සිතුවමක් ලෙස සඳහන් වෙනවා)පිටුපස සිය සෙබළුන්ට සැඟවී සිටීමට හැකි වන අයුරුන් සකසන ලෙසත් ...භවනපාල සිය සේවකයන් ලවා එය එසේම ඉටු කරවනවා....

රාක්ෂස තවමත් චානක්‍ය ගැන නිසි අවබෝධයක් නොතිබුණ බව මින් පැහැදිලි වෙනවා.....

චන්ද්‍රගුප්ත කුමාර භවනේ වාසය කිරීමට යාමට පෙර චානක්‍යය විසින් කුමාර භවන පිරික්සුවා...මුල් සැළසුමේ නොතිබුණ අන්දමට විශාල ප්‍රමාණයේ කණ්නාඩියක් /සිතුවමක් බිත්තියේ තිබීම ඔහුගෙ සිතේ සැක ඉපදවීමට සමත් වුණා....වහාම ඔහු සිය සෙබළුන්ට අණ කලා කණ්ණාඩිය ගලවා ඉවත් කරන ලෙස...සිදුවූ දෙය කිවයුතුද?...

කණ්නාඩිය පිටුපස සැඟවී සිටි රාක්ෂස සෙබළු සියල්ලන්ම චානක්‍යය සෙබළු අතින් මැරුම් කෑවා.....

මේ අතරෙ චානක්‍යයගේ චරපුරුෂයෙක් දන්වනවා රාක්ෂස ගෙ හොඳම හිතවතුන් තිදෙනෙක් තවමත් පාඨලීපුත්‍ර නුවර සිටින බව...මේ අය වෙන්නෙ ජෛන සාධු වරයෙක් වුණ "ජීව සිද්ධි", ලිපි කරුවෙකු වන "ශකථ දාස" , රන්කරුවන්ගේ ප්‍රධානී "චන්දන දාස" යන අයයි...මේ අතරින් ජෛන පූජක ජීව සිද්ධි චානක්‍යයගේ චරපුරුෂයෙකු බව ඔහුගේම අනෙක් චරපුරුෂයන්වත් දැන සිටියෙ නෑ..මේ ජීවසිද්ධගේ මුල් නම "ඉන්දුශර්ම"..ඔහු කිසිවෙකු විසින් නොදැන සිටි චානක්‍යයගේ හිතවතෙක්...

ජෛන සාධුවරයෙක් ලෙස වෙස් පෙරළා රාක්ෂස සමග මිතුරු වන්නෙ චානක්‍යයගෙ උපදෙස් මත.....චානක්‍යගෙ කුටිල බව කෙතෙක්ද යන්න මැන ගැනීම එයම ප්‍රමාණවත්...

රාක්ෂස බිරිඳට රැකවරණය දුන්නෙ චන්දන දාස...රාක්ෂස ගේ නිල මුද්‍රාව තිබුනේත් චන්දන දාස සතුවයි...මේ නිල මුද්‍රාව සොරා ගන්නට චානක්‍යයගේ චරපුරුෂයෙක් සමත් වෙනවා...

එසේ සොරාගත් නිලමුද්‍රාව ඔහු චානක්‍යයට ලබා දෙනවා...

චානක්‍ය වහාම ලිපියක් ලියනවා "මලයකේතුට" , ඔබ සමග සංධාන ගත වූවන් සියල්ලම ද්‍රොහින් බව පවසමින්...මෙයට රාක්ෂස මුද්‍රාව තැබූ ඔහු එය මලයකේතුට යවනවා...මේ අතර මලයකේතු ගේ කඳවුරට ව්‍යාජ පහරදීමක් සිදු කිරීමකුත් චානක්‍ය විසින් කරවනවා...රාක්ෂස හිතවත්

ලිපි කරුවා වූ "ශකථ දාස මරණයට පත් කිරීමට උපදෙස් දෙන චානක්‍ය ඔහුගේම චරපුරුෂයෙකු වූ "සිද්ධාර්ථක" ට පවසනව ලිපි කරුවා බේරාගෙන රාක්ෂස වෙතට ගෙන යන ලෙස ...සහ එහිදී රාක්ෂසට ලබා දෙන ලෙස පවසමින් නිල මුද්‍රාවත් ලබා දෙනවා.......රාක්ෂස ඛාණ්ඩය - නව වන කොටස

ශකථදාස ව බේරා ගන්නා සිද්ධාර්තක ,ශකථ දාස මාර්ගයෙන් රාක්ෂස වෙත පැමිණ නිල මුද්‍රාවත් ඔහුට ලබා දෙනවා...

මහත් සතුටට පත්වෙන රාක්ෂස මලයකේතු විසින් ඔහුට තෑගි දුන් ආභරණ කිහිපයක් සිද්ධාර්තක ට ලබා දෙනවා....

මේ අතරේ චානක්‍යයගේ තවත් චර පුරුෂයෙක් විසින් චන්දන දාසට ලබා දුන් ආභරණ කිහිපයක් ඔහු සිය ස්වාමියා මෙන්ම හිතවතා වූ රාක්ෂසට ලබා දෙනවා...

රාක්ෂස සතුටික් එය බාරගන්නෙ සිද්ධාර්තකට ආභරණ ලබා දීමෙන් ඇති වුණ අඩුව පුරවා ගැනීමටයි...
මේ අතරේ භගුරායන් තව කාර්යයක් කරනවා චානක්‍යයගේ උපදෙස් පිට..ඒ මලයකේතු ගේ සිතෙහි රාක්ෂස කෙරෙහි සැක ඇති කරවිමට කටයුතු කිරීමයි...

දිනෙන් දින මනසට දමන විස ටික ටික මලයකේතු ගෙ හිතෙ පැලපදියම් වුණා...
රාක්ෂස ගාව ඉන්න ඔවුනොවුන් වත් නොදන්නා චානක්‍යගේ චරපුරුෂයන්ගෙන් වටිනා ආරංචියක් චානක්‍යයට ලැබෙනවා..

ඒ නම් සංගීතඥයන් ලෙස රාක්ෂස ගේ චරපුරුෂයන් පිරිසක් පාඨලී පුත්‍ර මාලිගාවට පැමිණෙන බවයි...චානක්‍යය එය තම වාසියට පෙරලා ගත්තා..මේ බව චන්ද්‍ර ගුප්ත්ටද පවසා චරපුරුෂ පිරිස ඉදිරියේ ව්‍යාජ කරුණක් ඇද ගන්නා ඔවුන් වාදයට පැටලෙනවා...ඒ අවස්තාවේ අතිශය කෝප වුණ ලෙස පෙන්වන චන්ද්‍රගුප්ත පවසා සිටිනවා "ඔබ ට වඩා අමාත්‍ය රාක්ෂස මගේ පුරෝහිත වූවා නම් හොඳයි" කියා..
මේ ආරංචිය රැගත් චරපුරුෂයන් රාක්ෂස කඳවුරට යනවිට , භගුරායන විසින් විස අදහස් පොවන ලද මලයකේතු කඳවුරේ සිටිනවා..චරපුරුෂයන්ගේ හසුන්පත ලබා ගත් මලයකේතු දකිනවා චන්ද්‍රගුප්ත රාක්ෂස ගේ ගුණ වර්ණනා කල බව සහ ඔහුව රාජ සේවයට යුවද ගැනීමට සූදානම් බව...

අඬන්න හිටිය මලයකේතුගේ ඇහැට ඇඟිල්ලෙන් ඇන්නම කොහොම තියෙන්න ඇතිද?!....
මලයකේතු තිරණය කරනවා රාක්ෂස නොමැතිව චන්ද්‍රගුප්ත සමග සටන් කිරීමට..ඔහු ඒ සඳහා සුබ මුහුරුතයක් බැලීමට නියෝග කරනවා...කාටද?..
ජීවසිද්ධි ට....

චානක්‍යයගෙ චරපුරුෂයාට...
අ

න්තෝ ජටා බහි ජටා...
හැම ගැටයකම වෙලෙනවා මලයකේතු.....

රාක්ෂස ඛාණ්ඩය - දසවන කොටස

මලය කේතු ගෙ උපදෙස් අනුව මුහුර්තයන් බලන ලෙස ඇඟවූ ජීව සීද්ධි විසින් පවසා සිටිනවා යුද්ධය ඉක්මනින් ආරම්භ කල යුතු බව....

මේ අතරම ඔහු පවසා සිටිනවා පෞරවාසගේ මරණයට චාණක්‍යය කෙසේවත් වග කිව යුකු නැති බවත් එය හුදෙක් රාක්ෂසගේම වැඩක් බවත්...

ජීව සිද්ධි මේ සියල්ලම කරන්නෙ චාණක්‍යයගේ උපදෙස් පිට ...
මේ අතරතුරෙ චාණක්‍යයගේ ඊලඟ සැලසුමට අනුව රාක්ෂසගේ මුද්‍රාව තැබූ ,චන්ද්‍ර ගුප්තට ලියූ ව්‍යාජ ලිපියක් සමග සිද්ධාර්තක මලයකේතු ට හසු වෙනවා...

මෙහි සඳහන් වන්නෙ මගධයේ මහාමාත්‍ය පදවියට පත්කරන්නේ නම් පමණක් තමා රාජ සේවයට එක්වීමට කැමතිය යන්නයි...රාක්ෂස මුද්‍රාව ගත් මේ ලිපිය නිසා මලයකේතු ට ඉහවහා ගිය කෝපයක් ඇති වෙනවා...ඔහු වහාම රාක්ෂසව කැඳවනවා....

ඒ අවස්ථාවේ සිය පියාගේ ආභරණ රාකෂස පැළඳ සිටින අයුරු දකිනවා..ඔහු මේවන විටත් දන්නෙ නෑ මේ ආභරණ චන්දන දාස විසන් රාක්ෂසට තෑගි දුන් බව......පොර වාසව රාක්ෂස විසින් මැරවූ බවට මලය කේතු ගෙ සැකය සහ කොපය තව තවත් වැඩි වෙනවා....

වහාම රාක්ෂසව මරා දැමීමට උත්සාහ කලත් ඒ අවස්තාවේ භගුරායන ඉදිරිපත් වී රාක්ෂස මරා දැමීම වළක්වනවා...

එය චාණක්‍යයගේම සැළසුමක්....

රාක්ෂසගේ පක්ෂපාතීත්වය ගැන චාණක්‍යය ඉතාම පැහැදී සිටියා...ඔහු තවමත් සටන් කරන්නෙ එ වන විටත් බලයෙන් පහ කොට සිටි ධන නන්දට තිබුණු පක්ෂපාතීත්වය නිසාමයි...චාණක්‍යයගේ සිතේ රාක්ෂස මැරවීමට වඩා වෙන සැළසුමක් ඇති වුණේ මේ හේතුවෙන්....

රාක්ෂස හිතවත් පිරිසක් සහ ඉහත කොටසකදී සඳහන් කල රජ වරුන් හතර දෙනාමත් මලයකේතු අතින් ඝාතනය වෙන්නෙ මේ අවස්තාවෙදියි...
ඔවුන්ගෙ පිරිස් බලය සෑහෙන ලෙස අඩු වුණා මේ හේතුවෙන්...
කුටිල චාණක්‍යගේ නුවණ....

මේ රජවරුන් සහ පඅරිස මරා දැමීම නිසා ඉතිරි වූ පිරිසත් මලයකේතු සමග උරණ වෙනවා...

තව දුරටත් මලයකේතු සමග විසීමෙන් ජීවිත හානි විය හැකි බව සිතූ රාන්ෂස මලයකේතු අත හැර එතනින් පලා යනවා චන්දන දාසගේ මිතුරෙක් වෙතට..
ඒ මිතුරාගෙන් ඔහුට දැන ගන්න ලැබෙන්නේ රාක්ෂස සැඟවී සිටි ස්ථානය නොපැවසූ වරදට චන්දන දාසට මරණ දඬුවම නියම කර ඇති බව සහ එය පසු දින උදෑසන සිදු කිරීමට නියමිත බවත්...
මෙය ඇසූ රාක්ෂස අතිමහත් කම්පාවකට පත් වෙනවා,සිය දිවි පුදා තමා රැකීමට කටයුතු කල තම මිතුරා පිළිබඳව...
වහාම ඔහු තීරණයක් ගන්නවා....

සමථ ඛාණ්ඩය - අවසාන කොටස

පක්ෂපාතීත්වය අතින් අමාත්‍ය රාක්ෂස තමා මෙන්ම බව චාණක්‍ය මේ වන විට වටහාගෙන තිබුණා....
ඔහුට අවශ්‍ය වුණේ මේ පුද්ගලයා කෙසේ හෝ චන්‍රද්‍රගුප්ත යටතේත් මගධයේ මහාමාත්‍ය වරයා බවට පත් කර ගැනීමයි....
ඒයින් ඔහු තව දෙයක් බළාපොරොත්තු වුණා...

එකක් තවමත් චන්ද්‍රගුප්තට එතරම් කැමැත්තක් නොදැක්වූ ධූර්දරා ව විවාහයට කැමති කරවා ගැනීම...ධූරදරා පවා අමාත්‍ය රාක්ෂසට ඉතාම කැමැත්තක් දැක්වුවා මෙන්ම ඔහු සිය පියා මෙන් සැළකුවා....
අනෙක තවමත් ධන නන්දට හා රාක්ෂසට පක්ෂපාතී අයව චන්ද්‍රගුප්තගේ පාර්ශවයට නම්මවා ගත හැකි වීම....
තවද රාක්ෂසත් ඉතාම බුද්ධිමත් පුද්ගලයෙකු බව චාණක්‍යය වටහා ගෙන තිබීම....
මගධය ඉන්දියාවේ බලවත්ම අධිරාජ්‍යයක බවට පත් කරවීමේ තම වැඅයමට රාක්ෂසගෙන් සෑහෙන උපකාරයක් ලබා ගත හැකි බව දැන සිටීම....

මේ අතර,

සිය ප්‍රාණය පුදා තමා ආරක්ෂා කරීමට කටයුතු කල චන්දනදාසව බේරා ගැනීමට හැකි එකම ආකාරය තමා චන්ද්‍රගුප්ත වෙත භාර වීම බව රාක්ෂස වටහා ගන්නවා...
ඒ අනුව ඔහු හිතවතුන්ගේ බස් නො අසාම පාඨලීපුත්‍ර නුවරට පැමිණෙනවා...
ධන නන්දට වෙර කළත් අමාත්‍ය රාක්ෂසට ඉමහත් ආදරයක් දැක්වූ ප්‍රජාව ඔහු වැළැක්වීමට කටයුතු කලත් ඔහු වදකපොලට යන්නෙ තමා බිලි වී චන්දන දාසව බේරා ගැනිමටයි....
එහෙත් ඒ අවස්ථාවේ සිදු වන්නෙ නොසිතූ දෙයක් ...චාණක්‍ය සහ චන්ද්‍රගුප්ත රාක්ෂසව හොඳින් පිලිගෙන පවසා සිටිනවා තමා චන්ද්‍රගුප්ත අධිරජු යටතේ ද මහාමාත්‍ය වෙන්න කැමති නම් චන්දන දාසට සමාව දිය හැකි බව...

සිය මිත්‍රයාට ජීවිතය ලබා දිය හැකි මග වූ එයට රාක්ෂස කැමති වෙනවා....
මීට අමතරව චානක්‍යයගේම ක්‍රියා නිසා නරක පුද්ගලයෙකු වූ මලයකේතුට සමාව ලබා දෙන ලෙසත් ඔහු ඉල්ලා සිටිනවා...

තව දෙයක් නම් මේ වන විටත් චන්ද්‍රගුප්තගේ යහපත් වැඩ ගැන ඔහු පැහැදී සිටියා....
චන්ද්‍රගුප්තගේ ක්‍රියාවන් ධනනන්දගේ අදූරදර්ශී ක්‍රියා සමග සැසඳීම ඔහු කලා....
ජනප්‍රවාදයේ ඇතැමි තැනන සඳහන් වෙනවා චන්ද්‍රගුප්ත රාක්ෂසගේ ඉල්ලීම පරිදි මලයකේතුට සමාව දී නැවත මලය රාජ්‍යටම පිටත් කර හැකි බව...

තව තැනක සඳහන් වෙනවා මලයකේතු ගෙන් ඇතිවිය හැකි අනතුරු සළකා ඔහු මරා දැමූ බවට හෝ අඩපණ වීම ට යම් දෙයක් කල බවට... හේ කෙසේ වුද ජනප්‍රවාදයට හා යම් යම් ලේඛණ වලට අනුව චන්‍ද්‍රගුප්ත ;ඉන්දීය ඉතිහාසයේ බලවත්ම රාජ වංශය වූ මෞර්ය වංශය ආරම්බ කරමින් ,අධිරාජ්‍යයා ලෙස කිරුළු පලඳින්නෙ දකුණත් පසින් පුරොහිත ලෙස චාණක්‍යවද.... වමත් පසින්මහාමාත්‍ය ලෙස රාක්ෂසව ද තබා ගෙනයි...

චානක්‍ය වසර ගණනක් ලිහා දමා තිබුණු තම ශිඛාව මේ අවස්ථාවෙ බැඳි බවට ජනප්‍රවාදයේ සඳහන් වෙනවා....

ඕනෑම රටක ඊතිහාස කතාවල අන්තර් ගත වෙනවා මෙන්ම ධනනන්ද,චාණක්‍යය,රාක්ෂස සහ චන්ද්‍රගුප්ත සම්බන්ධවද අතිශයෝක්ති වර්ණනා තිබෙන බව පෙනී යනවා...හේ කෙසේ වුවද මෙසේ යම් දෙයක් සිදු වී ඇති බව වටහා ගැනීම මැනවි.....

චාණක්‍යයගේ කතාවේ අවසානයේදි අපට යමක් පැහැදිලි යෙනවා...

ඒ දෙයක් වේනම් ඒ සුදුස්සාටම ලැබිය යුතුය යන්න...තම සතුරු පාර්ෂවයේ වුවත් සුදුසුම පුද්ගලයාට මහාමාත්‍ය පදවිය දෙන්න ඔවුන් තීරණය කලේ ඒකයි...

මෑත කාලීනව නම් ඉන්දියාවේ හො අපේ රට වැනි රට වල් වල එවැනි සිදුවීම් ඉතාම විරලයි...

( නමුත් ඔබාමාගේ පළමු ධූර කාලයේ , ඇමරිකාවේ බලවත්ම රාජ්‍ය නිලධාරියා වන රාජ්‍ය ලේකම් තනතුර සිය ප්‍රතිවාදියා වුණ හිලරි ක්ලින්ටන් ට දෙන්න ඔහු පසුබට වුනේ නෑ....එය මෙතැනට අදාල නොවන බව දනිමි) විවේකය අනුව ,නැවත තව කතාවකින් හමු වීමට හැකි වේයැයි පතමි...
ලිපියAmila Lakmal

***ලෝකයේ හුදකලා වූ ගෝත්‍ර - 01***

වර්තමාන ලෝකය කොතරම් දියුණුද? අභ්‍යවකාශ ගවේෂණය, විද්‍යාව හා තාක්ෂණය, න්‍යෂ්ටික ශක්තිය සන්නිවේදනය, ආදී ලෙස සමස්තයක් ලෙස සියලු රටවල් විශාල දියුණුවක් අත් කරගෙන තිබෙනවා. එමෙන්ම රටක් ලෙස පැවැත්මට අන් රටවල් සමග නිරන්තරයෙන් ගනුදෙනු කරන්නට අපට සිදු වී තිබෙනවා.
නමුත් මේ සියලු නවීන අංගෝපාංග, පහසුකම් ගැන කිසිවක් නොදැන ශිෂ්ටාචාරයෙන් ඈත්ව ගල් යුගයේ ජීවත් වන ගෝත්‍ර මිහිතලයේ තවමත් ඉතිරිව ඇති බව ඔබ දන්නවාද?

මේ ලෝකයෙන් හුදකලා වූ ගෝත්‍ර ගැන ලිපි පෙලේ පළමු ලිපියයි.

ඉන්දියන් සාගරයේ අන්දමන් සහ නිකොබාර් දූපත් සමූහයට දූපත් 300ක් පමණ අයත් වන අතර එයට අයත් උතුරු සෙන්ටිනල් දිවයින ශ්‍රී ලංකාවට සැතපුම් 760 පමණ නැගෙනහිර-ඊසාන දෙසින් පිහිටා තිබෙනවා. වර්ග කිලෝමීටර 72ක භූමියකින් සමන්විත මේ දුපත අයත් වන්නෙ ඉන්දියාවටයි. නමුත් ඒ දූපත් වාසීන් ඉන්දියාව නම් රටක් ගැන නොදන්නා බව සහතිකයි.

ලංකාවේ නැගෙනහිරෙන් බෝට්ටුවක නැගී එහි ලඟා විය හැකි වුනත් ඔබ නැවත යහතින් පැමිණීම නම් සැක සහිතයි. ඒ මෙම දූපතේ ජීවත් වන සෙන්ටිනල ගෝත්‍රිකයන්ගේ ඔබව පිළි ගන්නේ තියුණු හෙල්ල සහ ඊතල වලින් නිසායි.. එම නිසා ලෝකයේ ගොඩ වැදීමට අපහසුම ස්ථානය ලෙසද මෙම දිවයින හඳුන්වනවා.

මේ දූපතේ ජීවත් වන සෙන්ටිනල් ගෝත්‍රිකයන් ගණන 40-500 අතර වේ යයි විශ්වාස කරන අතර මොවුන් වසර 60000කට පමණ පෙර අප්‍රිකාවේ සිට ආසියාව ඔස්සේ ඕස්ට්‍රේලියා භූමියට සංක්‍රමණය වූ මුල්ම මිනිසාගන් සෘජුවම පැවත ඒ යයි සැලකෙනවා.

වසර 10000කට වඩා පැරණි ගල් යුගයේ මිනිසාගේ ජීවමාන නිදසුනක් වන මොවුන් ගල් සහ ලී වලින් සැදූ ආයුධ සහ මෙවලම් භාවිත කරනවා.
වගා කිරීම හෝ එඬේර ක්‍රමය නොදන්නා මොවුන් දඩයම් කිරීමෙන් සහ රැස් කිරීමෙන් කුස පුරවා ගන්නවා.
පළතුරු, මාලු, මී පැණි, වල් ඌරු සහ තලගොයි මස් අනුභව කරන අතර මොවුන්ගේ වාසස්ථාන ගැන මෙතෙක් කිසිම තොරතුරක් සොයාගැනීමට නොහැකිව තිබෙනවා.

වර්තමානයේදී අන්දමන් දූපත් ආශ්‍රිතව සංචාරක කර්මාන්තය සීඝ්‍රයෙන් වර්ධනය වන අතර අසල්වැසි දූපත් වල onge සහ jarawa ගෝත්‍රිකයන් නැරඹීමට (Human Safari) දහස් ගණන් සංචාරකයන් සෙන්ටිනල් දූපත් අසල ප්‍රදේශයට පැමිණෙනවා. සෙන්ටිනල් දූපත බාහිර අත පෙවීම් වලින් සහ සංචාරකයන්ගෙන් ආරක්ෂා කර ගැනීමට ඉන්දීය රජය විසින් දූපත වටා සැතපුම් 3ක මුහුදු තීරය තහනම් කලාපයක් ලෙස නම් කර තිබෙනවා.

බාහිර ලෝකය සහ සෙන්ටිනලයන් හමු වූ අවස්ථා එතරම් සොඳුරු නෑ. 1896 දී අන්දමන් හි බ්‍රිතාන්‍ය බන්ධනාගරෙන් පැනගිය පුද්ගලයෙකුගේ සිරුර සෙන්ටිනල් වෙරළෙන් හමුවූ අතර ගෙල කපා ඊතල වලින් සිරුර සිදුරු වී තිබුණා.

2004 දෙසැම්බර් සුනාමි අවස්ථාවේ සහන කණ්ඩායම් හෙලිකොප්ටරයකින් ආහාර ද්‍රව්‍ය හෙලන්නට සැරසුණු අවස්ථාවේ යානයට ඊතල ප්‍රහාරයක් එල්ල වූ නිසා ඒ සහන මෙහෙයුම් නවතා දැමුණා.

2006දී කකුළුවන් ඇල්ලීමේ නිරතව සිටි ධීවරයන් දෙදෙනෙක් සිටි බෝට්ටුවක් නොදැනුවත්ව සෙන්ටිනල් වෙරළට පාවී ගිය අතර ඔවුන් දෙදෙනා එම දූපතේම අවසන් ගමන් ගිය අතර රජයට ඔවුන්ගේ සිරුරු සොයාගැනීමට හැකිවූයේ නෑ.

18 සියවස අග භාගයේදී බ්‍රිතාන්‍යයන් සෙන්ටිනල් ගෝත්‍රික මහලු යුවලක් සහ කුඩා ළමුන් පිරිසක් අල්ලාගෙන ඔවුන් හා මිතුරු වීමට උත්සහ කලත් මහලු යුවල මිය ගියා. බාහිර ලෝකයේ විවිධ රෝගාබාධ, විෂබීජ වලට ඔරොත්තු දීමට හැකි ලෙස ඔවුන් පරිණාමය වී නැති බව මෙයින් අනුමාන කළ හැකියි.
කුඩා ළමුන් නැවත සෙන්ටිනල් දූපතට මුදාහැරියා.

ඉන්දීට රජය සෙන්ටිනල් ගෝත්‍රිකයන් සමග මිත්‍ර වීමට උත්සහ කරන්නෙ 1964 පමණ ඈත පටන්.. 80 සහ 90 දශක වල සෙන්ටිනල් වාසීන් සමග සබඳතා ඇති කර ගැනීමට ඉන්දීය මානව විද්‍යාඥ T M Pundit මහතා උත්සහ කරා. නමුත් ඒ උත්සහයන් එතරම් සාර්ථක වූයේ නෑ. බෝහෝ අවස්ථාවලදී පර්‍යේෂක පිරිස බෝට්ටු වලින් පැමිණෙන විට ගෝත්‍රිකයන් පශ්චාත් භාගය ඔවුන්ට පෙනෙන සේ මල පහ කරන ඉරියව්වෙන් සිටියේ පිටස්තරයන්ව තමන් පිළි නොගන්නා බව හැඟවීමට යයි පන්ඩිත් මහතා පෙන්වා දෙන්නේ.

1974 දී අන්දමන් දූපත් ආශ්‍රිත Onge, Jarawa සහ සෙන්ටිනල් ගෝත්‍රිකයන් ගැන වාර්තාමය වැඩ සටහනක් කරන්න පිරිසක් උත්සහ කල අතර සෙන්ටිනල් දූපත් වාසීන්ගේ ප්‍රහාරයක් නිසා එහි අධ්‍යක්ෂකගේ කකුල අඩි 8ක් පමණ දිග හෙල්ලයකින් සිදුරු වුනා. කෙසේ හෝ ඔවුන් එම වාර්තා වැඩ සටහන නිම කළ අතර එය "man in search for man" හිසින් යූටියුබ් ජාලයෙන් ඔබට නැරඹිය හැකියි.

නවීන ලෝකය සමග ඔවුන් සබඳතා පැවැත්විය යුතුද? ශිෂ්ටාචාරගත ලෝකය සමග අත්වැල් බැඳ ගැනීම ඔවුන්ගේ පැවැත්මට කෙසේ බලපායිද?

ඔබේ අදහසත් කියන්න.

-මලිත්

හුදකලා ගෝත්‍ර ගැන ඉදිරි ලිපි කියැවීමට පහත හෑශ්ටැග් භාවිතා කරන්න.
#isolatedtribes

මෙතෙක් ලියූ ලිපි කියවන්න
#MalithWrites

"Man in Search for Man" වාර්තා වැඩසටහන - https://youtu.be/kib-Zl3dQdk

ලිපිය මලිත් සල්වතුර

PINK චිත්‍රපටයේ Jeene de Mujhe (ජීනේ දේ මුජේ - මට ජිවත් වෙන්න දෙන්න)..... ලිපිය නීල් ගුණවර්ධන

මීට දවස් කීපයකට කලින් ලෝකයම ජාත්‍යන්තර කාන්තා දිනය සැමරුවා. ඒ මාර්තු මාසේ 8 වෙනිදා. වැලන්ටයින් දිනය, මව්වරුන්ගේ දිනය, පියවරුන්ගේ දිනය, සාහිත්‍ය මාසය ඔය කොයි දිනයත්, මාසයත් වගේ ජාත්‍යන්තර කාන්තා දිනයටත් මේ වෙද්දී වෙළඳ වටිනාකමක් ඇවිත්. මම එහෙම කිව්වේ, මාසේ පටන් ගත්ත දවසේ පටන් මේ වනතෙක් අහන්න දකින්න ලැබෙන දැන්වීම් කන්දරාව නිසා. මුළු මාසෙමත් මේවා අපිට අහන්න තියෙයි. කාන්තාවටම විශේෂිතවූ ගිණුම්, කාන්තාවන්ටම විශේෂිතවූ වට්ටම්, තෑගී, විවිධ වැඩසටහන් මේ ආකාරයේ බොහෝ වැඩසටහන් ගොඩයි. මාකටින් බොහෝයි. ලාබ ලැබීමේ බලාපොරොත්තුවෙන් ඇති කරලා තියෙන ඕනෑම ආයතනයක් ඉතිං තමන්ට ලැබෙන ඕනෑම අවස්ථාවකින් ප්‍රයෝජනයට ගන්නවා තමයි කියල ඔබ හිතයි. මට හිතෙන්නේ; කාන්තාවම වෙළඳ භාණ්ඩයක කරගත් සමාජයක කාන්තා දිනය ගැන කවර කතාද කියල. ඉතිං මේ ගැන හිත හිත ඉන්නකොට තමයි ගිය සතියේ දවසක මම ‘PINK’ චිත්‍රපටය නැරඹුවේ. මගේ යාලුවෙක් කියපු විදියට මම ඒක බලන්නත් ගොඩක් පරක්කුයි. මොකද චිත්‍රපටය නිකුත් වුණේ ගිය අවුරුද්දේ සැප්තැම්බර් මාසයේ.

කොහොමහරි මේ චිත්‍රපටය මගේ හිත ඇතුලේ සංවාදයක් ගොඩ නගන්න සමත් වුණා. මාර ලස්සනයි කියන්න පුළුවන් චිත්‍රපටයක් නෙමෙයි. නමුත් මාර සංවාදයක් අප තුළම ගොඩනැගෙන, මාර පීඩනයක් හිතට එන, නමුත් අවසානය සුබ වෙච්ච චිත්‍රපටයක්. මේචිත්‍රපටයේ එන විදියට අපේ රටේ, ලෝකයේ කාන්තාවටත් අවසානයේදී හරි සාධාරණයක් ඉෂ්ඨ වෙයි කියල අපි හිටියත් ගොඩක් වෙලාවට අපිට සැබෑ ලෝකයෙදි නම් එහෙම වෙනවා පේන්නේ නැහැ. චිත්‍රපටයේ තේමා ගීතයට මගේ අවධානය යොමුවුණේ. මට හිතුණේ චිත්‍රපටයේ මුළු තේමාවම ගීතයේත් තියෙනවා කියල.

ඉතින් කාන්තා දිනය ගැන කතා කරලා පටන් ගත්තේ ‘PINK’ කියන්නේ රෝස පාට. රෝස පාට සාමාන්‍යයෙන් සංකේතවත් කරන්නේ ගැහැණියව / කාන්තාවව. චිත්‍රපටයේ තේමාවත් කාන්තාව. සමාජය කාන්තාව දිහා බලන විදිහ. ඒකට කාන්තාව වැරදි නැහැ කියන එක. ඇයටත් නිදහසක්, නිදහසේ සිටීමට, ස්වාධීනව ජීවත් වීමට අයිතියක් තියෙනවා කියල කතා කරන චිත්‍රපටයක් ‘PINK’ කියන්නේ.
‘PINK’ අධ්‍යක්ෂණය කලේ ශුජිත් සිර්කා, චිත්‍රපටය නිෂ්පාදනය කලේ රශ්මි ශර්මා, රොනී ලහිරි සහ ශිල් කුමාර් කියන නිෂ්පාදකවරු. චිත්‍රපටයේ සංගීත අධ්‍යක්ෂණය සංගීතඥයන් කීපදෙනෙක් අතින් සිදු වෙනවා. මේ ගීතයේ සංගීත අධ්‍යක්ෂණය, පද රචනය සහ ගායනය ෆයිසා මුජාහිඩ් විසින්; චිත්‍රපටයේ ප්‍රධාන චරිත රඟපාන්නේ; අමිතාබ් බච්චන්, තප්සි පානු, කිර්ති කුල්හාරි, අන්ද්රියා තාරියාන්ග් යන නළු නිළියන්. චිත්‍රපටය ගොනුවෙලා තියෙන්නේ දිල්ලි නගරය ආසන්නව තනිව ජීවත්වන තරුණියන් තුන්දෙනෙක් සහ යම්කිසි අවස්ථාවකදී ඔවුන් තම ආත්මාරක්ෂාව මත ගතිපු තීරණයක් නිසා අනෙක් පාර්ශවයේ තියෙන බලවත් කම මත ඔවුන්ට ඇතිවෙන ඉරණම සහ ඒ ඉරණම වෙනස් කරන්න උසාවියට සත්‍ය පහදලා දෙන නීතිඥයෙකු වටා. අරුතේ අරමුණ චිත්‍රපටිය ගැන කතා කිරීම නොවන නිසා මම මීට එහාට චිත්‍රපටය ගැන කියන්නේ නැහැ. කෙලින්ම ගීතයට යන්නම්. ඒත් ඔබ තවමත් නරඹා නැතිනම් ‘PINK’ නරඹන ලෙස මම ඔබෙන් ඉල්ලා සිටිනවා

ගීතය: 
Jeene de Mujhe (ජීනේ දේ මුජේ - මට ජිවත් වෙන්න දෙන්න).....

Yaar
Hat ja zara
Dekh le
Main hoon yahaan

මිතුර, මදකට පැත්තකට වෙන්න, බලන්න මෙතන මම ඉන්නා බව නොපෙනේද?

Meri zindagi hai
Yeh mera jahaan
Tu samjhe yahaan
Tu hi hai badshaah

මේ මගේ ජීවිතය, මේ මගේ ලෝකය...ඔබ හිතන්නේ මේ ලෝකයේ අයිතිකරු ඔබ කියාද?

Jeene de Mujhe
Tu jeene de
Zindagi ka jaam tu peene de

මට ජිවත් වෙන්න දෙන්න, ඔබ මට ජිවත් වෙන්න ඉඩ දෙන්න, මට ජීවිතය රස විඳින්න දෙන්න

Jaisi bhi hoon mujhko
Tu rehne de
Dil mein jo hai
Woh ab kehne de

මම මොනවගේ වුනත්, ඒ විදියට මට ජිවත් වෙන්න දෙන්න
මගේ හදවතේ ඇතිදේ මට දැන් කියන්න දෙන්න

Tujhe kya pata
Meri dil mein hai kya
Jo keh doon toh
Tham jaayega yeh sama

මගේ හදවත කියන්නේ කුමක්ද කියා ඔබ දන්නේ කොහොමද
මගේ හදවතේ තිබෙන දේ කීවොත්, ලෝකය ගල් ගැසේවි (කාලය නවතීවි)

Saath hai mere khuda
Tu samjhe khud ko kya

දෙවියන් මා සමඟයි... ඔබ කවුරුන් කියාද ඔබ සිතාගෙන ඉන්නේ

Zamaane ki parvaah
Na mujhko yahaan
Tu bhool gaya mujhse hai Yeh jahaan

මට මේ ලෝකය කියන දෙයින් වැඩක් නැත...මේ ලෝකයේ පැවත්ම මං නිසා සිදු වෙන බවද ඔබ අමතක කොට ඇත...

ගීතයේ අරුත හරිම කෙටියි. ඒත් ඒකෙන් ලොකු පණිවිඩයක් දෙනවා. මේකේ ‘මම’ කියල හඳුන්වන්නේ චිත්‍රපටයේ එන චරිතයක් නෙමේ. ‘මම’ කියල හඳුන්වන්නේ ‘ගැහැණිය’. අපි දන්නවා මේ සමාජයේ ගැහැණියකට තරුණ දියණියකට තියෙන සමාජ සීමාවන්....ඒවා බොහෝයි. දැන් දැන් වෙනස් වෙමින් යනවා වගේ පෙනුනත්. තරුණියකට කොටට ඇන්දහම පිරිමි ළමයෙක් විහිලු කලොත් වැරැද්ද කොට ගවුම ඇඳපු තරුණියගේ, කාන්තාවක් තනියම ජිවත් වුණොත් ඒක පිරිමියෙක් සමඟ ඕනෑම වෙලාවක ලිංගිකව එක්වෙන්න සුදානමින් ඉන්නවා වගේ බලන එක, මත්පැන් වගේ දෙයක් පානය කරන ගැහැණිය දිහා වපර ඇහෙන් බලන එක, රැකියාව හින්ද රෑ වෙලා නිවසට එන ගැහැණිය ගේ චරිතය අපවිත්‍ර යයි සිතන එක, මේ වගේ ගොඩක් අපේ සමාජයේ මුල් බැසගත්...කාන්තාවක් නොකළ යුතුයි කියල මුල් බැසගෙන තියෙන ආකල්ප. ඒ වගේම ඒවා පිරිමි කරනකොට ඒක බොහෝවිට ‘පිරිමිකම’ නිසා කරන වැඩක් හැටියට හඳුන්වන එක. පිරිමියාව නාවල ගෙට ගන්න විතරයි තියෙන්නේ කියන ආකල්පය.

මේ වගේ දේවල් දැන් අපේ සමාජයෙන් තුරන් වෙන්න කාලය ඇවිත්. මේ සීමාවන් මඟින් අපි රාමුකරන්නේ ලස්සනට ගෙවන්න තියෙන ජීවිතයක් කියන එක අපිට අමතක වෙනවා. ලස්සනට අඳින්න, නිදහසේ ඉන්න, කැමති රැකියාවක් කරන්න, හොඳින් කන්න බොන්න සමාජ ජීවිතයක් ගතකරන්න ගැහැණියත් කැමතියි. යම්කිසි මනුස්සයෙක් සතුටු විය යුතු, නිදහසේ සිටිය යුතු සීමාව මොකද්ද කියල තීරණය කරන්න වෙනකෙනෙක්ට නැතිනම් සමාජයට බැහැ. නමුත් සමාජය එහෙම එකක් අතට අරන් තියෙනවා. අපි ඒකට සංස්කෘතිය කියලත් නමක් දාගෙන ඉන්නවා. හැබැයි තියෙන ප්‍රශ්නේ මේ කතාව පිරිමියාට මාරුවෙද්දී වෙනස් වෙන එක.

මේ ගීතයෙනුත් කියන්නේ ඒකයි. ගැහැණියට නිදහසේ ජිවත් වෙන්න දෙන්න. ඇය ජිවත් වෙන්න ඕන විදිය මොකද්ද කියල තීරණය කරන්න ඔබ කවුද? කියන එකයි.

තව ටිකක් එහාට හිතුවොත්, ගැහැණියකට කෙනෙක් බලෙන් ලිංගික ක්‍රියාවලියක යෙදුනත් ‘දුෂණය’ වුණා කියන්නේ ගැහැණියව. එතකොට අර බලහත්කාරය කරපු කෙනා ඊට කලින් හැඟීම් සහ සිතුවිලි වලින් මානසිකව දුෂණය වෙලා. තමන්ට අකමැති කෙනෙක්ට බලහත් කාරකමක් කරපු නිසා ඊට පසුව ශාරීරිකවත් දුෂණය වෙලා කියල තමයි මට නම් හිතෙන්නේ. එහෙම බැලුවහම ගැහැණිය එක පාරක් දුෂණය වෙනකොට පිරිමියාව දෙපාරක් දුෂණය වෙනවා. බස් එහෙක යනකොට ජැක් එකක් ගහන එක, පාරේ යනකොට පිරිමි ළමයි විසිල් ගහන එක විහිලු කරන එක, රැකියාවක් ගන්න, රැකියාවේ රැඳෙන්න විවිධ ලිංගික අල්ලස් දෙන්න සිද්ධ වෙන එක, ගෙවල් වල තමන්ගේ ස්වාමියාගේ අතින් හිංසනයන්ට ලක්වෙන එක....මේ හැම එහෙකටම ගැහැණිය මුහුණ දෙන්නේ කැමැත්තකින් නෙමේ. මේවා ලොකු පීඩනයක් ඒවාට ලක්වෙන කෙනාට සහ ඒවා අහන්න දකින්න ලැබෙන අයටත්. මේවාට එදිරිව නිතිය ඉස්සරහට ගියත් බොහෝවිට වැඩක් වෙන්නේ නැහැ. සහ හිංසනයන්ට ලක්වූ කාන්තාවන් ගැන තරුණියන් ගැන සමාජයේ තිබෙන ආකල්ප හේතුවෙනුත් මේවා නීතිය ඉදිරියට යන එකත් සිදු වෙන්නේ බොහොම අඩුවෙන්. යුක්තියට ගරු නොකරන නීතියක් බොහෝවිට ප්‍රායෝගිකව උපයෝගී වන රටක, වින්දිතයාට සාධාරණය ඉෂ්ඨ නොවෙන අවදියක අපි ඉන්නේ.

මම මේක කියවන මේ සමුහයේ සහෘදයින්ගෙනුත් ඉල්ලන්නේ....හැමවෙලේම හිතන්න...... මේ ප්‍රශ්නය සංයුක්තව බැලුවහොත් අපට තේරුම් ගත හැකියි, කාන්තාවකට කාන්තාවක් වුනු නිසාම සමාජයෙන් පීඩාවක් තියෙන බව වගේම, පොදු වේ සමාජයේ ආර්ථික සමාජ පීඩනයට පුරුෂයාද හසුවී ඇතිවග. ඉතින් ඔහු මේ පිට කරන්නේ ඒ පීඩනය වෙන්න පුළුවන්. රැකියාවක් නැති තරුණයා බෝක්කුව උඩ, මහපාරේ නිකරුනේ කාලය ගත කරන එක, තෘප්තිමත් නැති ලිංගික ජිවිත ඒ තෘප්තිය විවිධාකාර තාවකාලික ක්‍රම වලින් හොයන එක, තමන්ට අහිමිවූ බලය දුර්වලයාට පෙන්වන එක, වගේ කරුණු මේ පිටුපස තියෙන්න පුළුවන්. මේවාට විසඳුම් ද අපි සෙවීමට පෙළඹී ඇත්තේ තනි තනිව නිසා බොහෝවිට අපිට හමු වන්නේද තාවකාලික විසඳුම්. නමුත් අප කළ යුත්තේ සැවොම එකතුවී මෙවැනි අවභාවිතයන් සමාජයෙන් තුරන් කොට දැමීමයි.
මොහොතක් සිතන්න .......ඔබට මේ ලෝකය තුළ නිදහසේ ජීවත්වීමට කොපමණ අයිතියක් ඇතිද...එම ප්‍රමාණයේම අයිතියක් අනෙකාටද ඇති බව.

ලිපිය නීල් ගුණවර්ධන

ඇමරිකානු හමුදා විසින් දකුණු වියට්නාමයේ මී ලායි (My Lai) හි නිරායුධ වැසියන් සමූල ඝාතනය කරනු ලැබීය...

වසර 49 කට පෙර අද වැනි දවසක
-------------------------------------------------------
මේ සිදුවීම ඉතිහාසයට එක්වන්නේ වියට්නාම යුද්ධයේ සාහසිකම සංහාරය ලෙසිනි. කාන්තාවන් ළමුන් , බිළිඳු දරුවන් ඇතුළුව ඝාතනය වූ සංඛ්‍යාව 347 ක් යැයි ඇමරිකානු රජය ඇස්තමේන්තුගත කළ ද වියට්නාම රජය පවසන්නේ මී ලායි සහ මී කේ ගම්මාන දෙකෙහිම ජීවිත 504 ක් විනාශ වී ඇති බවයි. ඇමරිකානු සොල්දාදුවන් විසින් එම නිරායුධ සිවිල් ජීවිත වනසාලූයේ තුවක්කුවෙන් සහ වෙඩි උණ්ඩයෙන් පමණක්යැයි විශ්වාස නොකරන්න. දූෂණයට ලක් වූ , සමූහ දූෂණයට ලක් වූ කාන්තා සිරුරු සහමුලින්ම විනාශ වන තුරුම ඇමරිකානු වෛරය වියට්නාම ස්ත්‍රී සිරුර තුළින් ප්‍රසාරණය වී තිබිණ.

මේ දැක්වෙන්නේ ඒ ඉතිහාසගත සහ අනුවේදනීය ඡායාරූපයයි. තම කුස පෙදෙස තද කරගෙන හඬන රතු පැහැ ඇඳුමකින් සැරසුණු වැඩිමහලු කාන්තාවත් අනෙක් දරුවන් භීතියෙන් තැතිගන්නායුරු දකින්න. ඒ සංත්‍රාසජනක මොහොතේ සියල්ල පසෙක ලා තම ඇඳුමේ ගැලවුණු බොත්තම් සකසන දරුවා වඩාගත් කාන්තාව දෙස බලන්න. මේ සේයාරුවට මොහොතකට පෙර බලහත්කාරයෙන් බොත්තම් ගලවා දැමුණු ඇගේ ආත්මය , යළි බොත්තම් ලා සැණින් තිබූ පරිදිම පිළිසකර වේයැයි ඒ තීරණාත්මක , අවසාන මොහොතේ පවා ඇය සිතන්නට ඇත. එනුමුදු සියල්ල විසඳුණේ වෙඩි උණ්ඩයකට අවැසි පරිද්දෙනි. සේයාරුව ගෙන මොහොතකට පසුව මේ සියලුම පිරිස් සමූල ඝාතනය වූ බැවින් ඔවුන් තම දුක සඟවාගෙන සදාකාඉල්ක ඉතිහාසය පත්ලේ වැළලී ගියහ.

යුද්ධාධිකරණයේ දී චෝදනා ලබන ඇමරිකානු සොල්දාදුවන් විසි හය දෙනා නිදහස් විය. ලුතිනන් විලියම් කැලී පමණක් නිරායුධ වියට්නාම වැසියන් විසි දෙදෙනෙක් ඝාතනය කළ වරදට ජීවිතාන්තය දක්වා සිර දඬුවම් ලැබීය. නමුත් ඔහු වසර තුන හමාරක නිවාස අඩස්සියෙන් පසු නිදහස ලබා නිදහස් පුරවැසියෙක් ලෙස අදටත් සිවිල් සමාජයේ සැරිසරන්නේය. විලියම් කැලී 2009 වසරේදී මී ලායි සංහාරය පිළිබඳ තම කණගාටුව පළ කරමින් සමාව ඉල්ලුවේය. අවසානයේ මෙසේද පැවසීය. " මා මෙය කිවයුතුමයි. මම දෙවැනි ලුතිනන් වරයා වශයෙන් මගේ අණ දෙන නිලධාරියාගෙන් අණක් ලැබුවා. මම අමන ලෙසින් එය ඉටු කළා"

මී ලායි හි දී කාන්තාවගේ බොත්තම් ගලවන්නේ කාමාතුර ඇමරිකානු සොල්දාදුවන් ය. හයක් හතරක් නොදන්න නොදරුවන් ඇතුළු කාන්තාවන් , සිවිල් වැසියන් මරා දමන්නට අණ කරන්නේ විලියම් කැලීය. ඒ ඔහුට එසේ කරන්නට ඉහළින් එන අණ නිසාය. රණ බිමෙන් ඔබ්බට ඔබත් මමත් ජීවත් වන ලෝකය මෙයට වඩා සුන්දරයයි ඔබ සිතනවාද ? කාන්තාව කෙරෙහි මෙයට වඩා වූ ගෞරවනීය කියවීමක් ඇත්තේ යැයි ඔබ විශ්වාස කරන්නේද ?

එක් පසෙක ලෝක කාන්තා දිනය වෙනුවෙන් පණිවුඩ තබන , මර හඬ තලන , ලිබරල් අදහස් වපුරන කාන්තාවන්ය. නමුත් තමන්ට නොරිසි පුද්ගලයෙකුට පහර දෙන්නට වුවමනා වූ විට ඔවුන්ගේ පළමු කාර්යය වන්නේ විරුද්ධ පාර්ශවයට අදාල කාන්තාවන්ගේ බොත්තම් ගැලවීමය. ඇමරිකාවට සිටියේ මිනිසෙකුගේ අණ පරිදි මිනිස් ජීවිත සංහාරයක යෙදෙන තවත් මිනිස් හමුදාවකි. අපට සිටින්නේ එක් කාන්තාවකගේ ශුද්ධවන්තභාවය පහදනු පිණිස තවත් කාන්තාවකගේ බොත්තම් ලෝකයා හමුවේ ගලවන්නට ඉදිරිපත් වන කාන්තා හමුදාවන් ය.

මී ලායි වල කාන්තාව ඒ මරණීය මොහොතේ පවා තම ගැලවුණු බොත්තම් සකසන්නට තැත් කරන්නීය. නමුත් අප සිටින්නේ තම ජීවිත තුළ ගැලවුණු , ගැලවෙමින් පවතින බොත්තම් සහ බොත්තම් කාස නොදකින අනුන්ගේ බොත්තම් කාස වලින් ඔවුන්ගේ නිරුවත සොයන , ඇඟිලි දිගු කර ලොවට පෙන්වන සමාජයකය. මිත්‍රවරුනි , ස්ත්‍රියගේ ගෞරවය කෙළසන්නේ තුවක්කු බයිනෙත්තු රැගත් ඇමරිකානු පිරිමින්ම පමණක් යයි සිතන්නේ නම් එය වැරදි වැටහීමකි.

-

Sahan Kaseera Wickramasinghe

 -

මහා ඇලෙක්සැන්ඩර්ගේ ඉන්දියානු ආක්‍රමණය

තාමත් අඩු වැඩිවශයෙන් යුද්ධ යන නිසා තවත් යුද්ධ කතාවක් ලියන්න හිතුනා. අද ලියන්නේ ලෝක ඉතිහාසයේ හිටපු පොරක් ගැන. ඔහු මහා ඇලෙක්සැන්ඩර් 
කතාව පටන් ගන්නෙ මීට අව්රුදු දෙදාහකට පමණ පෙර ග්‍රීසියට උඩින් තියෙන මැසිඩෝනියාව කියන කුඩා රාජ්‍යයේ. මෙහි හිටපු පිලිප් නම් රජ්ජුරුවෝ තමන්ගේ පුතු ඇලෙක්සැන්ඩර්ව පුරුදු කරනවා අනාගත යුද්ධයකට. ඔහු අව්රුදු 14දී තම පියාගේ අශ්වාරෝහක සේනාවෙ ජෙනරාල් වරයෙක් වෙනවා. 16දී සේනාවෙ මහ සේනාදිපති වෙනවා. තම පියාගේ අබිරහස් මරනයෙන් පස්සෙ රජ වෙන ඇලෙක්සැන්ඩර් එවකට බෙදී පැවැති ග්‍රිසිය එක්සත් කරනවා.
ඊටපස්සෙ ඔහුගේ අවදානය යොමු වන්නෙ නැගෙනහිරට.එවකට ලෝකයේ විශාලතම අදිරාජ්‍ය් වන්නෙ පර්සියාව. වසර දහස් ගනනක් තිස්සෙ ග්‍රිසිය පර්සියාවෙන් බැටකනවා. නමුත් කුඩා ඇලෙක්සැන්ඩර් මේ සුවිසාල අදිරාජ්‍ය් දනගස්සනවා. පර්සියාව අවසායේදී ග්‍රිසියට යටත් වෙනවා.

අව්රුදු 26ක කිරි කොල්ලෙක් කාලේ ඇලෙක්සැන්ඩර් එවකට ඇතිවුනු විශාලතම අදිරාජ්‍ය් පාලනය කරනවා. එක පැත්ත්කින් මද්‍යදරනීය මුහුදු අනික් පැත්තෙන් හින්දු කුශ් කදු වැටිය. මීට පෙර කවුරුත් මෙහෙම දෙයක් දැකලා තිබ්බෙ නැහ.මද්‍යදරනීය මුහුදේ වෙලද නාවික බලයේ තනි අයිතය ඔහුට. පෙරඅපර දෙදිග යාකරන වෙලද මද්‍යාස්තාන සියල්ල ඔහුට යටයි.
දනයෙන් හා බලයෙන් ඔහු හරියට අපි සුරන්ගනා කතාවල කියවන එකෙක් වගේ. අපි වගේ අයට ඔය වගේ life එකක් වැඩිත් එක්ක. නමුත් ඇලෙක්සැන්ඩර්ට මදි.

ඉතින් අව්රුදු 28දී ඇලෙක්සැන්ඩර් තම සේනාවත් එක්ක අලුත් වීර චාරිකාවක් පටන් ගන්නවා අලුත් යටත්විජිතයක් හොයා ගෙන. මෙවර ඔහුගේ ඉලක්කය ඉතා සමුර්දිමත් දේශයක්, අපේ අසල්වැසි ලොකු අයියා, ඉන්දියාව



ඇලෙක්සැන්ඩර් ලොක ඉතිහාසයේ හොදම ජෙනරාල් කෙනෙක් වෙන්න බලපාපු එක හෙතුවක් ඔහුගේ හමුදාව.
අද කාලෙට සාපේක්ෂව ගෝත්‍රික උනාට මීට වසර දෙදාහකට පෙර කාලේ සලකද්දි මේක පුදුම විදිහට technically advance හමුදාවක්.
සේනාවේ ඉදිරිපෙළ සමන්විත උනේ ගන body amour එකකින් සැරසුන පාබල සේනාංක වලින්.(heavy infantry ) ඔලිම්පික් දුවපු හර්කියුලීස් ගැන අකිලීස් ගැන කතා කියපු ග්‍රීකයන් හොද fit ජාතියක්. ඉතින් මේ සෙනාඔකයේ හිටියේ හොද හැඩිදැඩි අය.

ඔවුන්ගේ අවිය පලිහ සහ සෙරිසා නම් අඩි දහාටක් දිග හෙල්ල.
ඔවුන් සටන් කලේ රූපයේ විදිහට phalanx එකක් වගේ. ඉස්සරහ අය හෙලි ඉදිරියට පිටිපස්සේ අය angle එකට්. ඉස්සහ අයගේ පලිහ වල් overlap වෙලා ඔවුන් ආරක්ෂා කරනවා. ඊට අමතරව පටිපස්සෙ angle වෙච්ච් හෙලි ඊතල පහර වලින් ඔවුන් ආරක්ෂා කරනවා. මේක නිකන් ඉස්සරහට යන්න ගියාම බුල් ඩෝසරය්ක් වගේ.




ඉස්සරහින් කොච්චර හයිය උනත් දෙපැත්ත මේ සෙනාන්ක වල දුර්වලයි. ඇයි flexible නැහැන. ඉතින් සේනාවෙ දෙපැත්තෙ හිටියේ ග්‍රීක හමුදාවෙ ප්‍රබම අවිය. අවුන්ගෙ අසරුවෝ. (Heavy cavalry) .මේක ඇලෙක්සැන්ඩර් විසින් පුද්ගලයකවම මෙහෙයවපු බලකායක්. ඇලෙක්සැන්ඩර් ගෙ Companion cavalry එක ලොක ඉතිහාසයේ බිහිවෙච්ච් හොදම අශ්වාරෝහකයන් ලෙසයි හැදින්වෙන්නෙ.


Heavy infentry එක මගින් පොඩි කරන සතුරාව cavalry මගින් වට කරල තලන එක තමයි ඇලෙක්සැන්ඩර් කරන්නෙ.



ඊට අමතරව ඔවුන්ට ඉන්නවා light cavalry එකක්. මේ ගොල්ල horse archers ලා. ගොඩක් speed. අපේ පාතාලේ බයිසිකල් අයියලා වගේ hit and run ගේම් ගහන්නෙ. මීට අමතරව සේනාව පිටිපස්සේ ම light infantry එකක.

මේ හමුදාව ඉන්නෙ peak එකේ. ඔවුන් අව්රුදු ගානක් එකට fight කරපු අය. කන්නෙ බොන්නෙ පුහුනුවෙන්නෙ එකට.
අනෙක ඇලෙක්සැන්ඩර් කියන්නේ අනික් ජෙනරාල් වරුන්ට සාපේක්ෂව වෙනස. ඔහු හමුදාවෙ ඉදිරිපෙළ ඉදලා සටන් කරපු කෙනෙක්. ඔහු තමන් මෙහෙයවන්නෙ රජ්ජුරුවෝ නිසා නෙවෙයි සේනාවෙ දක්ශතම සෙනවියා නිසා බව ඔහුගේ හමුදාව දැනන් හිටියා. ඉතින් සේනව ඔහුට සැලකුවේ දෙයියොන්ට වගේ.

ඉතින් මෙවැනි හමුදාවක් එක්ක කයිබර් දුර්ගය හරහා ඇලෙක්සැන්ඩර් ඉන්දියාවට එනව

ඉන්දු ගග තරනය කරන ඇලෙක්සැන්ඩර් වර්තමානයේ තක්ශිලාවට පැමිනෙනවා. තක්ශිලාව පාලනය කරන්නෙ අම්බි කියන රජ්ජුරුවෝ. යුද්ධ කරල ඉල්ලන් කන්නෙ නැතිව ඔහු යටත් වෙනවා. ඇලෙක්සැන්ඩර් තක්ශිලාව තමන්ගේ බලකොටුව කරගන්නවා.

ඔහුගේ ඊලඟ ඉලක්කය වර්තමාන පන්ජාබ් ප්‍රාන්තයේ ජහහෙලම් ගග. නමුත් මේ ගග ලෝක ඉතිහාසයේ ප්‍රසිද්ධ වෙන්නෙ හිඩැස්පස් ගග කියල. ඇලෙක්සැන්ඩර් මේ ගගේ මුල් ඉවුරේ කදවුරු බැදගන්න්නවා. එහා ඉවුරේ ඉන්නෙ පෝරියස් කියල රජකෙනෙක්. ඔහුට විශාල හමුදාවක් තියෙනවා. ඔහු නම් යටත් වෙන පාටක් නැහැ.



මෙතැනදී ඇලෙක්සැන්ඩර් ලොකු අමාරුවක වෙටෙනවා. මොකො ඉස්සරහට යන්න නම් ගග තරනය කරන්න ඕනේ. නමුත් එහෙම කලොත් එහා ඉවුර රකින පෝරියස්ගේ දුනුවායන්ට ගේමක් නැතිව සේනාව විනාශ කරන්න පුලුවන්. අනික දැන් ඉන්දියාවෙ මොසම් වැසි පටන් අරන්. කාන්තාරවල යුද්ධ කරල පුරුදු සේනාව අහනවා මේ මොන මගුලක්ද කියල.
තමන්ගේ සතුරාව පුදුම කරවලා නිරුපද්‍රිතව එහා ඉවුරෙන් මතුවෙන්නෙ කොහොමද.

ඔන්න දැන් තේරේවි ඇලෙක්සැන්ඩරට ලෝක ඉතිහාසයේ මෙච්චර තැනක් ලැබෙන්නෙ ඇයි කියල

මෝසම් වැසි පටන්ගෙන ගග දෙගොඩ තලා යනවා. දැන් ගේම තමයි සතුරාට නොදැන එහා ඉවුරට යන්නෙ කොහොමද කියල. ඇලෙක්සැන්ඩර් ගහනවා සුපිරි ප්ලෑනක්.

මුලින්ම ඔහු තමන්ගේ යටත්විජිතයන්ගෙන් විශාල ආහාර තොගයක් ගෙන්වා ගෙන ලොකු කදවුරක් ගහනවා. මේකෙන් ඔහු අගවනවා හතුරාට තමන් මෝසම් ඉවරවෙනකම් හදිසියක් නැහැ එගොඩ වෙන්න කියල.

අනික හැමදාම ඇලෙක්සැන්ඩර් රෑට තම මුලු සේනවම ඇරගෙන ගග දිගේ ඉහල පහ යනවා. ඔහු cross කරයි කියල බයේ පෝරියස් තමන්ගේ සේනවත් අරන් එහා ඉවුරේ ෆොලො කරනවා. නමුත් cross කරන්නෙ නැහ. ටික දවසක් මේක වෙන්ව පෝරියස් හරකා වගේ follow කරනවා නමුත් වෙන දෙයක් නැහ. ටික දවසකින් මිනිහට වැඩේ එපා වෙනවා. ඉතින් මිනිහ කරන්නෙ follow කරන එක පැත්ත්කින් තියෙල ගග දිගට watch post හදනවා. අනෙක ග්‍රීක කදවුරේ හැමදාම රෑට මහ සදදෙන් පාටි.

ඇලෙක්සැන්ඩර් මේ කරන්නෙ තම සේනව උඩ පල්ලෙහෙ යන එකයි රෑට කදවුරේ ඇසෙන සද්දයයි සතුරාට සාමාන්‍ය දෙයක් කියල හුරුකරවන්න. ඒක වෙනවා.

නමුත් එක රැට කුනාටුවක් මැද්දේ ඇලෙක්සැන්ඩර් තමන්ගේ සේනාවෙ කොටසක් අරගෙන cross කරනවා. මේ cross ,karanne පෝරියස්ගේ කදවුරට දකුනින්. නමු සේනාවෙ සැලකිය යුතු පිරිසක් තාම කදවුරේ.
ටික වෙලාවකින් පෝරියස්ට ආරන්චිය එනවා. මිනිහ වැටෙන්නෙ ලොකු අමාරුවක. ඇයි තමන් ඉස්සරහ කදවුරේ සේනවක් තාම ඉන්නවා. 

ඔහු දන්නෙ නැහැ cross කරේ ප්‍රදාන හමුදාවද කියල. ඔහු කදවුරේ ඉන්නෙ ප්‍රදාන හමුදාව වුනොත් පෝරියස් cross කරපු උන්ට ගහන්න ගියාම ප්‍රදාන හමුදාව ගේමක් නැතිව cross කරලා ඉන්දියන් කාරයොන්ට පිටිපස්සේන් ගහනවා. මේකට කියන්නේ pinning force එකක් කියල

ඔන්න පෝරියස් දෙලොවක් අතරේ තනි වෙලා. ඇලෙක්සැන්ඩරගේ ප්ලෑන් එක සුපිරි .

ඔන්න පෝරියස් stress එක මැද්දේ තමන්ගේ පලමු වැරැද්ද කරනවා. ආවාසනාවට ඒක් ඔහු කරන අවසාන වැරැද්ද නෙවෙයි

පෝරියස්ට තිතාගන්න බැහැ ප්‍රදාන හමුදාව cross කරපු සෙට් එකද තමන් ඉස්සරහ ඉන්න සෙට් එකද කියල.
මහාබාරතය බලලා ඉන්ණ අය දන්නවා ඇති ඉන්දියානු ච්තුරන්ගනී සේනාගැන. ඔවුන්ගේ strength එක යුද අත්තු සහ අස් රියවල්.

ඉතින් cross කරපු සේනාවට පහරදෙන්න පෝරියස් තමන්ගේ පුතා යටතේ තිබෙන chariots ටික යවනවා
මේ වෙලාවේ රැයක් පුරා මහා ගගක් cross කරල ඇලෙක්සැන්ඩර් හොදටම හැක් වෙලා ඉන්නෙ. ඔහු දකිනවා ඉදිරියට එන සේනවා. ඔහුගේ මුවට හිනාවක් එන්න ඇති. හොදටම වැහැල මඩ වෙච්චි ගන් ඉවුරකදි තමන්ට පහර දෙන්න එන්නෙ මොනාද? බරින් වැඩි chariots.


ඔහු අන දෙනවා තමන්ගේ horse archers ලට. මේ අය බරින් අඩුයි. මාර speed . One shot one kill. මඩගොහොරුවක කෙරෙන සටනකදි මේ වගේ fast unit එක්ක හැරෙන්නවත් බැහැ ඉන්දියානු chariots වලට. මඩේ ගිලුනු කරත්ත වල ඉන්දියාන් කාරයෝ ග්‍රීක ඊතල වලට ගොදුරු වෙන්නෙ duck hunt game එකේ වගේ.
පලමු සටනේදී පෝරියස්ට තමන්ගේ පුතාවයි chariots ටිකයි දෙකම නැතිවෙනවා. නමුත් ඔහු ගාව තියෙනවා ඇලෙක්සැන්ඩර්ව පුදුම කරන්න දෙයක්......

පැරනි ලෝකයේ යුද්ධ ටැන්කිය.... යුද්ධ ඇත්‍තු

පෝරියස් පොඩි රජෙක් කියෙන කතව බොරුවක් . ඔහුගේ පාබළ සේනාංකය පනන් දහසක් පමණ. ඇලෙක්සැන්ඩර්ගේ පාබළ සේනාංකය විසිදහසක් උනට්ග් ඒකෙන් කොටසක් ගගෙන් එහා. නමුත් ඇලෙක්සැන්ඩර්ගේ අශ්වාරෝහකයන් අසම සමයි. ඉතින් ඇලෙක්සැන්ඩරට ඕනැ මේ සටන පාබල හමුදා සටනකට වඩා අසරු සටනක් කරන්න. නමුත් ප්‍රශ්නය ඉන්දියානු අලි.

ඇලෙක්සැන්ඩර් තරම් යුද්ධ පිටියක් කියවන්න පුලුවන් පොරක් හිටියාද කියල සැකයි. ඔහුට තේරෙනවා මේක තිරිසනුන්ගේ යුද්දයක් කියල. සටනේදී තිරිසනුන් හැසිරෙන්න මිනිස්සු වගේ නෙවෙය. මිනිස්සුන්ට තෙලක් ගහල මොරාල් අප් කරල යවන්න පුලුවන් සත්ත්න්ට එහෙම බැහැ. සත්තු වේදනාවට සන්වෙදි, ඔවුන් අනතුරට බයයි. හැම වෙලාවෙම අනතුරක් මග හරින්න බලන්නෙ.

ඇත්තුන්ගෙන් වඩා හානි වෙන්නෙ තමන්ගේ මිනිසුන්ට වඩා අශ්වයින්ට බව ඔහුට වැටහෙනවා. අස්වයො අලින්ට බයයි. අලින්ගේ ගදට අප්‍රියයි. ඉතින් තමන්ගේ අශ්වයෝ ඉන්දියන් අලින්ගන් ඈත් කරල තියෙන තාක් තමන්ගේ පන බේරෙන බව ඔහුට වැටහෙනවා.

ඔහු ඉස්සරහ ඉන්නවා ඉන්දියානු හමුදාව. ඉදිරියෙන් දැවැන්ත අලි. කදුවගේ. ප්‍රච්න්ඩත්වයෙන් මොරදෙනවා. ඔවුන්ගේ දසුන වගේම ශබ්දය පවා බයන්කරයි. ඊට පිටිපස්සේ 50000පාබල හමුදාවක්. දෙපැත්තෙ අසරුවෝ.

තමන් කරන්න ඕනේ මොකකද කියල වැටහෙන්න ඇලෙක්සැන්ඩර්ට යන්නෙ සුලු මොහොත්‍යි

ඇලෙක්සැන්ඩර් අනදෙනවා ඔහුගේ horsemen archers ලාට පෝරියස්ගේ left flank එක ආරක්ෂා කරන අශ්වාරෝහකයන්ට පහරදෙන්න. උන්ගේ hit and run technique එක නිසා left flank එකේ අසරුවෝ උන් පසු පස්සෙ එලවනවා. නමුත් අල්ලගන්න බැහැ. ඒකෙන් වෙන්නෙ ඔවුන් ප්‍රදාන ඉන්දියානු හමුදාවෙන් වෙන් වෙන එක. දැන් ඇලෙක්සැන්ඩර් තමන් විසින් මෙහෙයවන සුපිරි අශ්වාරෝහකයන් යොදාගෙන වෙන් වෙච්ච් අයට පහර දෙනවා. ඇලෙක්සැන්ඩර් විසින් මෙහෙයවන්නෙ තමන්ගේ සේනාවෙ වම් අන්තය ආරක්ෂා කරන අශ්වාරෝහක සේනාංකයයි.
 

පෝරියස්ට තේරෙනවා තියෙන්නේ left flank එකට කෙලෙවෙනවයි කියල. ඔහු කරන්නෙ තමන්ගේ right flank එක ආරක්ෂා කරපු අශ්වාරෝහකයන් ඒකෙන් අයින් කරල left flank එකේ උදව්වට යවනවා.

මෙන්න මේක තමයි ඇලෙක්සැන්ඩර් බලාගෙන් හිටපු දේ. ඔහු බලාපොරොත්තුවෙන් හිටියා පෝරියස් මේ ගොන්කම කරයි කියල. දැන් right wing එක අනාරක්ෂිතයි.

ඇලෙක්සැන්ඩර්ගේ ‍right wing එක ආරක්ෂා කරන අශ්වාරෝහකයන් ගේමක් නැතුව සේනාව් පිටිපස්සේන් එන්වා. දැන් වෙලා තියෙනවා පෝරියස්ගේ මුලු අශ්වාරෝහකයන් ඔක්කොම ප්‍රදාන සේනවින් වෙන්වෙලා ඇලෙක්සැන්ඩර්ගේ සුප්‍රකට අසරු සේනාංකය විසින් වට කරලා තියෙන්නේ. ඊට පස්සෙ වෙච්ච් දේ ගැන කියන්න ඕනැ නැහැනේ. 

අසරුවෝ විනාශ උනාට පස්සෙ ඉන්දියානු හමුදාවෙ පැති දෙක හා පිටි පස්ස අනාරක්ෂිතයි. 

මෙන්න ඇලෙක්සැන්ඩර්ට ඕනෙ කරන යුද්ධය. අශ්වාරෝහකයො ඉන්දියානු හමුදාවට කඩාවදින්නෙ යක්කු ටිකක් වගේ.

නමුත් තාම යුද්ධය ඉවර නැහැ. ආසියෝ ටික තාම ඉන්දියාන් කාරයෝ ලග

තමන්ගේ දල ඇතුන් යොදාගෙන ඇලෙක්සැන්ඩර්ගේ අසරුවෝන්ට පහර දුන්නා නම් අශ්වයෝ සටන් බිම අතහැරලා දුවනවා. එහෙම උනානම් ඇලෙක්සැන්ඩර්ට ගෙදර යන්න වෙන්නෙ පෙට්ටියක. අවසනාවට පෝරියස්ට ඕක තෙර්න්නෙ නැහැ. ඔහු අන දෙනවා තමන්ගේ ඇත්තුන්ට ඇලෙක්සැන්ඩර්ගේ heavy infantry එකට පහර දෙන්න. (මතකනේ දෙවැනි කොට්සේ හිටිය ඉත්තෑවා)

හිතන්න එදා ඇලෙක්සැන්ඩර්ගේ front line එකේ හිටිය එකෙක්ට පේන්න ඇත්තේ මර හඩදීගෙන තමන්ට ගහන්න එන සද්දන්තයෝ.

නමුත් ඇලෙක්සැන්ඩර්ගේ හමුදාව වසර ගානක් යුද පිටියේ ලේ හලපු හා ලේ හොල්ලපු අය. ඔවුන් හිතන්නේ ඇලෙක්සැන්ඩර් දෙවියෙක් කියල. තම අදිරාජ්‍ය වෙනුවෙන් මැරෙන්න තමයි ඔවුන් හීන දකින්නේ. (තෙලේ තරම තමයි). 

ඉතින් අලින්ට වෙන්න්වෙ මහා හෙලි ගොඩකට පහර දෙන්න. මුල් ටිකේ ඇත්තු කාගෙන යන්න ඇති. නමුත් එක පේලියක් වටෙද්දි තව හෙලි පේලියක් ඊට පස්සෙ තව පේලියක්. ඊටපස්සෙ තව පේලියක්. මේ මොන මගුලක්ද කියල අලින්ට හිතෙන්න ඇති. වෙනදාට ඔවුන්ට මෙහෙම resistance එකක් එන්නෙ නැහැ. ඒ අතරේ ඇලෙක්සැන්ඩර්ගේ light infentry එක ඊතල , ජවලින් වර්ගයේ හෙලි හා කැටපොල වලින් අලින්ට හා ඇත්ගොව්වාන්ට පහර දෙනවා.විශෙශ්යෙන් අලින්ගේ ඇස් වලට. ටික වෙලාවකින් අලින්ට වැඩේ එපා වෙනවා. ඔන්න තිරිසන් ගති එනවා. ඉස්සරහට ගියොත් වේදනාව. පස්සෙ එච්චර අවුලක් නැහැ .

ගොඩක් අලි මැරෙනවා light infantry ප්‍රාහාරයෙන්. ඉතිරි අලි ටික ආපහු හැරිලා දුවනවා. අවාසනාවකට ඒ දුවන්නෙ තමන්ගේ සේනාව උඩින්.

දැන් ඉන්දියානු හමුදාව තුන්පැත්තකින් අශ්වාරෝහකයන් ගෙන් වටවෙලා ඉස්සරහින් පාබළ සේනාංකයෙන් වටවෙලා. වැඩේ තවත් දෙල් වෙන්න අර ගගෙන් එහා පැත්තෙ හිටපු සෙට් එක ඔන්න එගොඩ වෙලා එනවා වැඩෙට සෙට්වෙන්න.
උඩ ඉදලා බැලුවොත් බලන කෙනෙක්ට මේක පේන්නෙ දැවැන්ත මලපුඩුවක් වගේ. මේ මල පුඩුව මැද්දේ ඉන්දියානු හමුදාව කෑලි වලට කැපෙනවා. එහෙම කැපෙන්න කැපෙන්න මලපුඩුව තවත් තද වෙනවා.
දවල් වෙද්දී යුද්ධය ඉවරයි. ඇලෙක්සැන්ඩර් පවා තුවාල වෙලා. පන පිටින් අල්ලාගත් පෝරියස් ඇලෙක්සැන්ඩර් ගාවට ගේනවා. කොච්චර මෝඩයෙක් උනත් නිර්භීත කම අතින් පෝරියස් අසම සමයි.
මෙතන තමයි අර සුප්‍රකට සන්වාදය වෙන්නෙ

ඇලෙක්සැන්ඩර් - මන් උබට කොහොමද සලකන්න ඕනැ
පෝරියස්- මට රජෙක්ට වගේ සලකපන්
ඇලෙක්සැන්ඩර් පෝරියස් ගැන ඉතා පැහැදෙනවා. කතාව පෝරියස් ඔහුගේ ප්‍රාදේශීය පාලකයෙක් උනා කියල.

මේ වෙද්දී ඇලෙක්සැන්ඩර්ගේ හමුදාවට එපා වෙලා ඉන්නෙ. ලොක්කගේ හීනේ පස්සෙ ගියොත් උපයා ගත්ත දන සම්බාරය තියෙද්දි නිකන් මැරිලා යන්න වෙන්නෙ. අනික ගෑනු ගමේ මොනා කරනවාද දන්නෙ නැහැ. ඔවුන් ඇලෙක්සැන්ඩර්ට කියනවා ආපහු ගිහින් ජොලියේ ඉමු කියල. ඇලෙක්සැන්ඩර්ටත් තේරෙනවා දැන් අති කියල. උතුරු ඉන්දියාවෙ මගදයට ඉහල කොටස තම අදිරාජ්‍ය් වෙනුවෙන් ආරක්ෂා කරගන්න ඇලෙක්සැන්ඩර් ආපහු මව් රට කරා යනවා.

මේකෙදි ලස්සම වැඩේ මගදයෙර්. මේ වෙද්දී පාලනය කරන්නෙ නන්ද රාජ වන්ශය. ඔවුන්ගේ හමුදාව සුවිශාලය. ඇත්තුම දෙදාහක්. නමුත් ඇලෙක්සැන්ඩර් කොච්චර දුර්වල වෙලා වෙදි උනත් ඔහුගේ පාලනයේ පැවති උතුරට පහර දෙන්න තරම මගදයට ගටක් එන්නෙ. නැහ. කොටින්ම එම ප්‍රහාරය එල්ල වෙන්නෙ ඇලෙක්සැන්ඩර් මැරිලත් අව්රුදු ගානකට පස්සෙ. එතකොට නන්ද රාජ වන්ශයත් ඉවර වෙලා
මේ සටන පෙරඅපර දෙදිග යා කරපු දෙයක්. පහු කාලීනව කුශාන සමයේ බිහිවෙච්ච් බුදු පිලිම. ග්‍රීක පෙරදිග සමබනදවලට මුල මෙතැන.

නන්ද රාජවංශය වැටුනට පස්සෙ රජවන මගදයේ විශිශ්ඨතම රජු වුනචන්ද්‍රගුප්තට තෙරෙනවා වුර්තීමය හමුදාවක වැදගත්කම. ඔහු තමාගේ සේනව reform කරද්දි මේ සටන ආදර්ශයට ගන්නව. ඊට ප්ස්සෙ ඉන්දියානු හමුදාවල chariots සෑහෙන්න අඩුවෙනවා.

එතකොට අපේ වීරයාට මොකද වෙන්නෙ.

ආපහු යන ගමනේදි ඇලෙක්සැන්ඩර් මෙසපොටේමියාවට එනවා එහෙදී ඔහුට මැලේරියාව වැලදෙනවා.
ලොව විශාලතම තනි අදිරාජ්‍ය් ගොඩ නගපු විශිශ්ඨතම රනශූරයා අව්රුදු 32දී අවාසනාවනත විදිහට මිය යනවා.

මේ ලෝකෙට පාලකයා වෙච්ච්

ඔහු තම මල ඇදදී ඉල්ලිමක් කරනවා. ඔහුගේ මලකද ගෙනියද්දි අත්දෙක දෙපැත්තටම දාන්නත් පාර දෙපසම රන් කාසි අතුරන ලෙසත්

" එවිට ලෝකයා දැනගනිවී ලෝකයේ පාලකයාට ආපහු යද්දි මොකුත් ගෙනියන්න බැරි උනා කියල "

කව්ද දන්නෙ සමහරවිට උතුරු ඉන්දියානු බුදුදුහමේ අබාශය ඔහුට ලැබෙන්න ඇති.
ඇලෙක්සැන්ඩර්ගේ මරනයෙන් පස්සෙ ඔහුගේ අදිරාජ්‍ය් කෑලි කෑලි වලට කැඩෙනවා. එච්චර විශාල අදිරාජ්‍යක් පාලනය කරන්න පුලුවන් තරම් පව්‍රශයක් පුද්ගලයෙක් ආයේ බිහිවෙන්නෙ නැහැ.
ඔබට ඇලෙක්සැන්ඩර්ගේ බුද්දිමත් බාවය බලන්න ඕනැ නම්, පලවෙනි ගල්ෆ් යුද්ධයෙ ground war plan එක study කරන්න. අව්රුදු 2000ට පස්සෙත් ඔහුගේ battle plans හරි ප්‍රායෝගිකයි.

ලිපිය Hosanda Weerasekera‎