ටෝපිඩෝ - Torpedo

ටෝපිඩෝවක් යනු සබ්මැරීනයක නෞකාවක හෝ ගුවන් යානයක සිට දියත් කල හැකි දිය යට, ගමන් කරන, පුපුරන සුලු අවියකි. එය යුද නැව්, වෙළෙඳ නැව් හා සබ්මැරීන වලට එරෙහිව භාවිතා කිරීම සඳහා ඇති ප්රධාන නාවික ආයුධයකි. සැඟවූ ආයුධ ගබඩා, වරාය වැනි ස්ථාවර ඉලක්ක වලට එරෙහිව ද භාවිතා කළ හැක.

නැව් වලට එරෙහිව භාවිතය සඳහා විශේෂයෙන් නිර්මාණය කර ඇති ටෝපිඩෝ සාමාන්යයෙන් ඉලක්කය වෙත ජල මතුපිටට ආසන්නයෙන් ගමන් කරයි. නමුත් සබ්මැරීන එරෙහිව භාවිතය සඳහා විශේෂයන් නිර්මාණය කර ඇති ටෝපිඩෝ වලට අඩි 2,500 (760m) පමණ වන ගැඹුරක ඉලක්ක වලට පහර හැක.
බොහෝ ටෝපිඩෝ නාවික සැතපුම් 40-50 ක පමණ වේගයෙන් ගමන් කරනවා. ඇතැම් පැරණි ඒවා යාර 2000 ටත් අඩු දුරක් (1800 m) ගමන් කිරීමට සකසා තිබුණද සමහර රොකට් සහාය ලබන ටෝපිඩෝ වලට සැතපුම් 10ක පමණ දුර ඉලක්ක වෙතද යාමේ හැකියාවක් ඇත.
ටෝපිඩෝවේ ඩෙටනේටර් පද්ධතියක්, මඟ පෙන්වීම් පද්ධති සහ පචාලන පද්ධති සමග පුපුරන ද්‍රවය අඩංගු වේ.
එක්සත් ජනපද නාවික හමුදාව විසින් භාවිතා කරන ටෝපිඩෝ අඩි 8 සිට 21 දක්වා දිගු වන අතර එහි විෂ්කම්භය අඟල් 10 සිට 21 දක්වා වේ. ඔවුන්ගේ බොහෝ ටෝපිඩෝ සාම්ප්රදායික පුපුරණ ද්රව්ය අඩංගු 120-1,800 kg දක්වා පරාසයක අවි ශීර්ෂ රැගෙන යයි.
ටෝඉඩෝවක පුපුරා යාම සඳහා විවිධ ක්‍රම ඇත. සමහරක් වැඩකරන්නෙ නැවේ වානේ කොටස් වල විද්‍යුත් චුම්බක ක්ෂේත්රය සංවේදනය වන විට පුපුරන ආකාරයටය.

දෙවන ලෝක යුද්ධයෙන් පසුව, ඉලෙක්ට්රොනික සංවේදන සහ ක්රියාකාරී මග පෙන්වීම උපකරණ වැඩි වැඩියෙන් ටෝපිඩෝ නිර්මාණය භාවිත කරන ලදී. ටෝපිඩෝ හරහා යැවිය හැකි න්‍යෂ්ටික යුධ ශීර්ෂ ද දියුණු කරන ලදී.

ලිපිය 

කවිඳු පතිරණ

See Translation

ලෝකයා ඔබ සිනහවද්දී ඔබසමග සිනාසෙයි. නමුත් ඔබට හඩන්නට සිදුවන්නේ තනිවමය.....

කෝ ඇල්ලුවද? කෝ හොරු? හූ හූ..උඹලට බෑ.....කියා බයියන් කෝචොක් දමද්දි....නොසිතූ වෙලාවක FCID ය එල්ල කළ ප්‍රහාරයෙන් බයියන් අන්ද මන්ද වී ඇති බවක් පෙනෙයි...

පෞද්ගලිකව මට අවුරුදු 22කදී රූපවාහිනී නාලිකාවක් තබා ඉන්දියාවට යාමට ගුවන් ටිකට්පතක් ගැනීමට හැකියාවක් නොතිබුණි.. මගේ සොයුරු නාවුක හමුදා හෝ යුද හමුදා මිතුරන්ටද එසේමය.

පළවෙනි සරල කාරණාව තමා දරුවන් වරදට පෙළඹූවේ තාත්තලා බාප්පලා බවය. එය වත්මන් ජනාධිපතිවරයාටද අදාළය. දහම් සිරිසේන බබෙකු නොව මිනිසෙකු කළ හොත් සිරිසේන මහතාට අනාගතයේදී අඩන්නට සිදු නොවනු ඇත....

වර්තමානයේ බලයේ නාමයෙන් කරන අයථා ක්‍රියා බොහෝ සෙයින් අඩුය. රනිල්ට, මෛත්‍රීට ඕනෑතරම් විවේචන එල්ල කළ හැකියාවක් ඇත.. දහම් සිරිසේනත්, චතුරිකා සිරිසේනත් තම ඇගිල්ලේ තරමට ඉදිමිය යුතුය. නැතහොත් ඔබලා අඩද්දි කදුළු පිසින්නට කිසිවෙකු නැතිවනු ඇත...

ලෝකයා ඔබ සිනහවද්දී ඔබසමග සිනාසෙයි. නමුත් ඔබට හඩන්නට සිදුවන්නේ තනිවමය.....

ලිපිය මනෝරම වීරසිංහ

පියාඹන යුධ ටැංකිය නොහොත් MI-24.

MI-24 අප සැවොම අසා ඇති හෙලිකොප්ටර් යානයකි.ඒ මෙරට සිවිල් යුධ සමයන්හිදී පාබල හමුදාවන්ට මින් ලබා දුන් අනගි සහයෝගයයි.. විශේෂයෙන්ම මානුෂීය යුධ සමයෙහි දි මින් ලබා දුන් දායකත්වය සුළුපටු නැත.
1995 වර්ෂයේ ආරම්භ කල මෙම බලඝණයට මේ වන විට අවුරුදු 20ක සේවා ඉතිහාසයක් ඇත.2009දී ජනාධිපති වර්ණ ප්‍රදානයටද පාත්‍ර විය.

සෝවියට් නිශ්පන්දයක් වන මෙය attack helicopter හා transport යන ඝන දෙකටම අයත් වේ.මගින් අට දෙනෙකුට මෙහි ගමන් කිරිමේ පහසුව ඇත. 1972දී සේවා සඳහා එක් වු යානය මේ වන විට රටවල් 34කට අධික ගුවන් හමුදාවන්ට තම සේවය සපයනු ලැබේ.

සීතල යුධ සමයේ නිර්මාණය වන මෙම යානය American Bell UH-1 "Huey" යානය පාදක කොට නිර්මාණය වී ඇත. වේගය 208 mph (335 km/h) වන අතර මෙහි පෙති(wingspan) 5ක් ඇත.පෙත්තක දිග 17.3 m කි.දිගින් 57' (18 m)ක් වූ යානය (Engine type)Turboshaft එන්ජිමකින් සමන්විත වේ. යානයේ බර (Empty)8,500 kg වේ. යානයේ වටිනාකම US$ 12 million පමණ වේ.දැනට යානය Mil Moscow Helicopter Plant හි අංගනයේදි නිෂ්පාදනය කෙරේ.මේ වන විට මෙම කාණ්ඩය යටතේ Mi-24 HIND හ Mi-25 HIND D, Mi-35 HIND E හෙලිකොප්ටර් යානාද නිපදවේ.

12.7-mm 4x Barrel Machinegun, 30-mm Twin Barrel Cannon, 750 - 1x twin 30-mm gun, හෝ 1,470 - 12.7-mm 4 barrel turret gun, 2-12 - AT-2C or AT-6C Spiral ATGMs, 2-4 - 80-mm S-8 rocket pods (20 ea.), 2-4 - 57-mm S-5 rocket pods (32 ea.), 940 - GSh-23L twin 23-mm MG pods, 4 - 250-kg bombs FAB-250, 2 - 500-kg bombs රැඳවිය හැකිය.තවද අතිරේක 500L තෙල් ටැංකියක්ද මෙයට සවි කළ හැකිය.තවද MI-24හි විශේෂිත අවි ලෙස Turret-mounted 4-barrel 12.7-mm Gatling type machinegun, 57-mm rockets, AT-2C/ SWATTER ATGMs, Anti-Tank Guided Missiles යානයේ රැඳවිය හැකිය.

 මෙම යානය සම කළ හැක්කේ UH-60 Black Hawk, AH-64 Apache, Mangusta A129 යන හෙලිකොප්ටර් වලට පමණි.සාමාන්‍යයෙන් HIND යානා භාවිතා වනුයේ daytime මෙහෙයුම් සඳහා පමණි.නමුත් රාත්‍රි හා අයහපත් කාළගුණ තත්ත්වයන්ට උචිත පරිදි වැඩි වැඩි දියුණු කල යානාද ඇත.

ලිපිය කවිඳු පතිරණ

පරණ කතා අලුත් වෙන හැටි

ඔය පරණ බණ කතාවක් තියෙනවා. ඒකෙ හැටියට ඒ කාලෙ ඉන්න මිනීමරු දුෂ්ඨ නපුරු හොර දෙටුවෙක්ව රාජපුරුෂයො අල්ලලා හිර ගෙට දානවා. ඉතිං මෙයාව බලන්න එයාගෙ අම්මා යනවා බත් මුලක් එහෙම බැඳ ගෙන. ඒ වෙලාවෙ මේ හොරා තමුං ගෙ අම්මට රහසක් කියන්න තියෙනවා කියල ළඟට කතා කරනවා. කතා කරලා අම්මා ලඟට ආවාම වෙන්වෙලා යන්නම එයාගෙ කනෙං හපනවා

පස්සෙ රාජපුරුෂයො මේ හොරාගෙං ඇහුවාම ඇයි එහෙම කලේ කියලා එයා කියනවා මම මුල්ම දවස් වල හොරකං කරන කොට දුෂණ කරන කොට මිනිස්සුන්ට ගහන කොට මරණ කොට මගේ අම්මා මට අනුබල දුන්නා මිසක් මට ඒවායේ ආදීනව කියා දීලා මාව ඒ වගේ වැඩ වලිං නවත්තන්න උත්සාහ කලේ නෑ. එදා අම්මා එහෙම කියා දුන්නා නං අද මට මේ හිර කූඩුවෙ ලගින්න වෙන්නෙ නෑ. අන්න ඒ නිසයි මම අම්මගේ කණ හැපුවේ කියලා

ශිරන්ති මැඩම් එහෙම ඒ පැත්තෙ බලන්න යන්න හිතා ගෙන ඉන්නවද දන්නෙ නෑ නේහ්

ලිපිය

Ravisha Thilakawardana

Heartless

When I say “my little world’, you will not have any idea, how small it is….. I shouldn’t have used the word world, because it is so tiny just like me. Walking was my last interest out of my daily activities. I have a small stretch to walk and it probably would be the only stretch I’m walking forever on a road. It was not an interesting pathway. All along, there stood the lifeless houses… I wouldn’t say homes, because I never heard laughter. May be there were humans, but I never noticed because I never saw them living. To me they existed..... But I had few friends, waiting to see my glimpses. They knew me as much as I knew them. We had one thing in common… that was love and understanding.

When I open the shut gates to start my routine walk, they wait for me….as if I will never be able to find my other corner without them…. One would come along with me and the other go bit fast to clear my way. She knows how small steps I make to go forward, so she waits half way turning back until I reach her. I used to talk to the fellow walker. She understood all my words. She never came closer to me. She knew that all I loved was never closer to me. I never touched them or cuddled them. I couldn’t do it. Both of them were like the road I walked, full of dust. They didn’t expect anything in return for escorting me. But enjoyed the lavish creamy bowl of milk I used to give. I never made it a must. My two homeless friends understood my love for them and our relationship was in perfect harmony. It was beyond conditions, beyond just love for dogs.

This practice became a ritual and then a habit. And I enjoyed it very much. This particular evening I took my usual turn. They are there for me. I didn’t see any difference on that day. For a long time I didn’t see any change in the days that come and go.. I didn’t feel the difference of night and day. My life didn’t move it was still just like my mind. I was physically moving with my walking aids, but I was extra slow…. My two companions were ready as usual. One in front suddenly made a stop and brought my attention to thing has fallen far corner of the road. I didn’t pay serious attention kept on moving, but my friends didn’t move an inch. They were looking at me and the fallen thing on the road. They pleaded me to come. I couldn’t refuse. So I moved that way. Closer I reached towards the object I knew it was something red and it had life.

I was curious…. The blood was coming out of it. I knew what it was since I have done science. It was a heart. A pounding heart, yet bleeding… I was in doldrums … then I realized I was not breathing. I felt real empty just like the day I found myself left alone. I saw my own heart trying hard to breathe. It was never easy. I want it to be lifeless as soon as it can be… I knew I cannot fix it back. I left my own heart to die and I moved forward.
There after my two friends didn’t recognize me and never accompanied …. They knew I was heartless….

 Writer Himashi DE Silva

අප්පච්චි...

අප්පච්චී ...මගෙ ළඟින් නොහිටියත්
ඈත දුරක ඉඳ සුසුම් හෙලන වග
පායන ඉර හඳටත් වැඩියෙන් අද
දන්නවානෙ නුඹ ගැන මං හොඳටම ...

සිඟිති අතින් එල්ලීගෙන පාරක
අතොරක් නැතිවම කතා ගොතන්නට
හැන්දෑ යාමේ කළුවර එද්දී
අහසේ තරු මල් ගණන් කරන්නට...

විදුමව් තුරුලේ අබිසෙස් ලැබු දින
දෙනෙතින් කඳුලක් තුටින් හෙලන්නට
මා යන මග තොට රැකවල් සදමින්
මහ සවියක් වී අසල රැඳෙන්නට....

වාරු නැති දෙපා පැකිලී යද්දී
වැටෙනු නොදී වත්තම් කරගන්නට
අප්පච්චී නුඹෙ අඩුව දැනෙයි මට
වෙනදාටත් වැඩියෙන් සිත දැවෙමින...

සංකල්පනාව Anudhi Ranmuthu 

අඳුරු කුටිය තුල - වෙනත් කියවීමක්

අඳුරු කුටිය තුල - දොරඟුලු ලාගෙන ගයන ගීතිකා - යදින යාතිකා දෙවියන් හට නෑසේ... ඒ...දෙවියන් හට නෑසේ මගේ මේ අර්ථකතනයේදී දෙවියන්ව සමාන කරනවා සාර්ථකත්වය, එහෙමත් නැතිනම් මිල මුදල් වලට, අඳුරු කුටිය ලෙස අපේ හදවත,සිතුවිලි. "මට නැහැ, මම දුප්පත්, මම අසාර්ථකයි, කියල සිතමින් කොච්චර දෙවියන්ට කතා කරත් එය සාර්ථක නැහැ. සාර්ථකත්වයට එය ඇහෙන්නේවත් නැහැ.. පොළව කොටන තැන - පාර තනන තැන ගිනියම් අව්වේ - මහ වරුසාවේ දෙවියෝ වැඩ ඉන්නේ... දෙවියෝ වැඩ ඉන්නේ... යමක් අවශ්‍ය නම් අනිවාර්යෙන් අපි මහන්සි වෙන්න ඕනේ. අවුව වැස්ස නොබලා සාර්ථකත්වය පසුපස හඹා යා යුතුයි. අන්න එතකොට දෙවියෝ ඉන්නවා.. බලන් කඩතුරා හැර දෑසේ.. බලන් කඩතුරා හැර දෑසේ.. දෑස විවර කර බලන්න ඒ ගැන.. සිනිදු සුනැති සළු සිරසින් හැරදා දූවිලි මඩ වැහි හිරිගත පළදා දෙවියන් රුව දක්නට හැක්කේ... ආ...ආ...ආ....ආ........... සාර්ථකත්වය ලබන්න සිනිදු ඇදුම් ඇගලාගෙන බබාලා වගේ ඉදල බැහැ. දුවිල්ලට හුරු වෙන්න ඕනේ, දාඩිය දාන්න ඕනේ. අන්න එතකොට දෙවියන්ව බලා ගන්න හැකියි :) අඳුරු කුටිය තුල....// කුසුම් සඳුන් දුම් සුවඳින් වැලකී ගතනැඟි දාදිය සුවදින් සැරසී දෙවියන් හා එක්විය හැක්කේ... ආ...ආ...ආ....ආ........... දෙවියන් හා එක්වෙනකොට සුවදින් එක්වෙන්න අපහසුයි, දාඩිය සුවද එක්ක දෙවියෝ දකින්න පහසුයි. ඒ කියන්නේ ඉතින් මහන්සි වෙයල්ලා කියල තමා.. :) අඳුරු කුටිය තුල....// ගායනය - ටී. එම්. ජයරත්න සමග අයිවෝ ඩෙනිස් සංගීතය - ප්‍රේමසිරි කේමදාස පද රචනය - ප්‍රේමදාස ශ්‍රී අලවත්ත

ලේ වැකි ඇත් දළ විනාශ කළාට ලෝක ජනමාධ්‍යවල ප්‍රශංසාව

අැත් දළ විනාශ කිරීම විෙදස් මාධ්‍ය වාර්තා කර තිබූ අන්දම

නීති විරෝධී ඇත් දළ වෙළෙඳාම සම්බන්ධයෙන් සමාව අයැදි ලොව පළමු රට බවටත් තමන් භාරයට පත් ඇත් දළ තොගයක් මේ අන්දමින් ප්‍රසිද්ධියේ විනාශ කළ පහළොස්වැනි රට බවටත් මේ සමඟ ශ්‍රී ලංකාව පත්විණැයි ‘නැෂනල් ජියොග්‍රැෆික්’ සහ තවත් වෙබ් අඩවි මෙන්ම මාධ්‍යයද වාර්තා කළේය.

නීති විරෝධී මෙන්ම ලේ වැකි ඇත් දළ ජාවාරමට ඉඩ නොතබන බව ලෝකයට කියාපාමින් ශ්‍රී ලංකා රේගුවේ අත්අඩංගුවට පත් ඇත් දළ 359ක් ගාලු මුවදොර දී ප්‍රසිද්ධියේ විනාශ කළ පුවතට ජාත්‍යන්තර මාධ්‍ය ද ප්‍රමුඛත්වයක් ලබා දුන්නේය.

පළමුව ටොන් 100ක ධාරිතාවකින් යුතු ඇඹරුම් යන්ත්‍රයක් මඟින් ඒවා තලාදමන ලද අතර පසුව කාර්මික උඳුනක පුළුස්සා දැමීම සිදුවිය. එසේ කිරීමට ප්‍රථම විනාඩි 2ක නිහැඬියාවක් පවත්වා නිකරුණේ සිය ජීවිතවලින් වන්දි ගෙවූ මේ දැවැන්තයන්ට ගරු කෙරිණි. ‍ෙබෟද්ධ,හින්දු, කතෝලික හා ඉස්ලාම් ආගමානුකූව චාරිත්‍ර පවත්වා පුණ්‍යානුමෝදනා කිරීමද සිදු විය.

කෙන්යාවේ සිට ඩුබායි දක්වා ප්‍රවාහනය කරමින් තිබියදී මෙම ඇත් දළ තොගය රේගු භාරයට ගැනුණේ මීට සිව් වසරකට පමණ එපිටදීය. කෙන්යාවේ සිට රැගෙන යන බව සඳහන් වුවද ජාන විද්‍යාත්මක පරීක්ෂණවලින් හෙළිදරව් වූයේ ඒවා ටැන්සානියානු ඇතුන්ගේ බවයි.

නීති විරෝධී ඇත් දළ වෙළෙඳාම සම්බන්ධයෙන් සමාව අයැදි ලොව පළමු රට බවටත් තමන් භාරයට පත් ඇත් දළ තොගයක් මේ අන්දමින් ප්‍රසිද්ධියේ විනාශ කළ පහළොස්වැනි රට බවටත් මේ සමඟ ශ්‍රී ලංකාව පත්විණැයි ‘නැෂනල් ජියොග්‍රැෆික්’ සහ තවත් වෙබ් අඩවි මෙන්ම මාධ්‍යයද වාර්තා කළේය. බෞද්ධ ආගමික වතාවත් ඉටු කළ ඕමල්පේ සෝභිත හිමියන් ගේ ප්‍රකාශය “නැෂනල් ජියොග්‍රැෆික්” වාර්තා කර තිබුණේ මෙලෙසය.

“මේ ඇතුන් එක්තරා පුද්ගලයන් පිරිසකගේ ක්‍රෑරත්වයේ ගොදුරු බවට පත්වී තිබෙනවා. නමුත් සමස්ත මිනිස් සංහතියම මේ අපරාධයේ වගකීම භාරගත යුතුයි. අපි මේ අහිංසක ජීවිත විනාශ කර ඇත්තේ මේ ඇත්දළ ලබාගැනීමටයි. මේ ගැන අපි මේ අහිංසකයන්ගෙන් සමාව ගත යුතුයි.”

විනාශ කරන ලද ඇත් දළ තොගය ටොන් 1.5ක් බරැති ය. එහි වටිනාකම ඇ. ඩො. මිලියන 3ක් පමණ වේ. මෙවැනි ඇත් දළ අත්අඩංගුවට ගත් පසු විහාරස්ථානවලට ලබාදීමේ පිළිවෙතක් තිබුණද යළිත් ඒවා තුන්වෙනි පාර්ශ්වයක් හරහා ජාවාරම්කාර වෙළෙඳ පොළට එක්වෙතැයි විරෝධයක් තිබූ බව ද එම මාධ්‍ය වාර්තාවල දැක්විණි.

ශ්‍රී ලංකාවද වඳ වී යාමේ තර්ජනයට ලක්වූ වනජීවී හා වෘක්ෂලතා විශේෂ අන්තර්ජාතික වෙළෙඳාමට යොදාගැනීමට එරෙහි අන්තර්ජාතික සම්මුතියට (CITES) අත්සන් තබා ඇති රටකි. යම් හෙයකින් එවැන්නක් සිදු වුවහොත් එය එම සම්මුතිය උල්ලංඝනය කිරීමක් ද වේ. ඒ අනුව ඒවා විනාශ කිරීමට ගත් පියවර දෙස් - වි‍ෙදස් පරිසර සංවිධාන හා පරිසරවේදීන්ගේ අගැයීමට ලක්ව ඇත.

ඉකුත් සිව් වසරක කාලසීමාව තුළ ගබොස්, පිලිපීනය, අමෙරිකාව, චීනය, ප්‍රංශය, චැඩ්, බෙල්ජියම, හොංකොං, කෙන්යාව, ඉතියෝපියාව, එක්සත් අරාබි එමීර් රාජ්‍ය, කොංගෝ ජනරජය, මොසැම්බික් සහ තායිලන්තය යන රටවල් මෙලෙස අත්අඩංගුවට ගත් ඇත් දළ තොග විනාශ කළ අතර දැන් ශ්‍රී ලංකාව ද ඒ අතරට එක්ව සිටී.

ගාලු මුවදොර දී ඇත්දළ තොගය විනාශ කිරීමේ අවස්ථාවට සාක්ෂිකරුවකු ලෙස CITES මහ ලේකම් ජෝන් ස්කැන්ලන් ද සහභාගි විය. එහිදී ඔහු ඊට තමාට ඇරියුම් කිරීම ගැන ශ්‍රී ලංකා ජනාධිපතිවරයාට ස්තුති කළේය. ඉකුත් දෙවසර තිස්සේ අප්‍රිකා, නැගෙනහිර හා අග්නිදිග ආසියා, යුරෝපා, මැද පෙරදිග හා උතුරු අමෙරිකා රටවලින්ද මෙලෙස ඇත්දළ තොග අත්අඩංගුවට ගෙන රාජසන්තක කළ බවද ඔහු එහිදී පැවැසීය. රාජසන්තක කළ ඇත්දළ තොගයක් මේ අන්දමින් විනාශ කළ පළමු දකුණු ආසියාතික රට ශ්‍රී ලංකාව බවද පැවසූ මහ ලේකම්වරයා මෙවැනි අවස්ථාවක ආගමික වතාවත් ඉටුවූයේ පළමු වතාවට බවද කියා සිටි‍ෙය් එය ඉහළින්ම අගය කළ යුතු අවස්ථාවක් බව පෙන්වා දෙමිනි.

පූජ්‍ය සෝභිත හිමියන් බුදුවදන් මෙ‍ෙනහි කරමින් මෙම අහිංසකයන්ගේ මතු අත්භවය වඩා යහපත් එකක් වේවායි කළ ප්‍රාර්ථනය ද නැෂනල් ජියොග්‍රැෆික් වාර්තා කළේය.‍

‘ගාඩියන්’ පුවත්පතේ වෙබ් සංස්කරණය රේගු අධ්‍යක්ෂ උදයන්ත ලියනගේ ගේ ප්‍රකාශයක් උපුටා දක්වා තිබිණි. එම ඇත්දළ තොගය අතර කුඩා ඇත් පැටවුන්ගේ දළ පවා තිබෙන බව ඔහු පවසා ඇත. “මේකෙන් අපි පෙන්නුම් කරන්නේ ලේ වැකි ඇත්දළවලට වටිනාකමක් නැති බවයි. මේ විදිහට ඇත්දළ කපා දැම්මට පස්සෙ මේ සතුන් මැරෙන්න කලින් සතියක් විතර වේදනා විඳිනවා...” යනුවෙන් ද ඔහු පවසා තිබේ. ඇතුන් ඝාතනය කර ලබා ගන්නා දළ හැඳින්වීමට මේ ජාවාරමට එරෙහි ක්‍රියාකාරීන් භාවිත කරන යෙදුම “ලේ වැකි ඇත් දළ” යන්නය. ඇත් දළ තොගය ප්‍රවාහනය කරමින් තිබුණේ දෘඪ ප්ලාස්ටික් අපද්‍රව්‍ය යන ලේබලය යටතේ බවද රේගු අධ්‍යක්ෂවරයා මෙහිදී සඳහන් කර තිබිණි. ඒවා රාජසන්තක කිරීම සිදුවූයේද සම්මුතිය ඔස්සේ යමිනි.

නීතිවිරෝධී ලෙස ජාවාරම්වලට යොදාගන්නා මෙවැනි ඇත් දළ ඖෂධ වර්ග නිෂ්පාදනයට හා විසිතුරු භාණ්ඩ නිෂ්පාදනයට යොදා ගැනේ. සම්මුතියට අනුව එවැනි භාණ්ඩ හා ද්‍රව්‍ය වෙළෙඳාම ද තහනම් ය.

ශ්‍රී ලංකා අලින් අතර දළ ඇතුන් සිටින්නේ අල්ප ප්‍රමාණයකි. අලි ඇතුන් කෙරෙහි ශ්‍රී ලාංකිකයන් තුළ ගෞරවයක් ද පවතින අතර අලි ඇතුන්ට නීතිමය රැකවරණයක්ද තිබේ. කෙසේ වෙතත් අලි - මිනිස් ගැටුම හේතුවෙන් මෙරට අලින් 200ක් පමණ වාර්ෂිකව මිනිසුන් අතින් මරණයට පත්වන අතර අලින් පහරදීම හේතු කොටගෙන 50 දෙනකු පමණ මිය යන බවද ගාඩියන් වාර්තාවේ සඳහන් විය.

මීට පස් වසරකට ඉහත දී කරන ලද ගණනයන්ට අනුව මෙරට අලි ගහනය 7000ක් පමණ බව පැවසේ. එම සංඛ්‍යාව පෙරට වඩා අඩුවීමකි. විසිවැනි සියවස මුල් භාගයේදී මෙරට අලි ගහනය වාර්තා වූයේ 12000ක් වශයෙනි.

ශ්‍රී ලංකාව මෙම ඇත්දළ තොගය විනාශ කිරීමට ගත් පියවර මඟින් තමන් (CITES) පවුලේ සාමාජිකයකු බව ලොවට පෙන්වීමට හැකි වූ බව ශ්‍රී ලංකා රේගුවේ හිටපු නියෝජ්‍ය අධ්‍යක්ෂවරයකු වන සමන්ත ගුණසේකර මහතා පැවැසී යැයි ද නැෂනල් ජියොග්‍රැෆික් වාර්තා කෙළේය. ඔහු වැඩිදුරටත් කියා තිබුණේ එම පණිවිඩය ශ්‍රී ලාංකිකයන්ට ‍ෙමන් ම සමස්ත ලෝකයට ම රැ‍ෙගන යා යුතු බව ය.

ශ්‍රී ලංකාව ඇත් දළ ජාවාරමට සම්බන්ධ ප්‍රධාන හවුල්කරුවකු නොවේ. එහෙත් ඉන්දීය සාගරය හරහා නීතිවිරෝධී ලෙස ඇත් දළ ප්‍රවාහනය කිරීමේදී ජාවාරම්කරුවන් ශ්‍රී ලංකාව අතරමැදි රටක් ලෙස භාවිත කරයි. ශ්‍රී ලංකාව කාර්යබහුල නාවික ගමන් මාර්ගයක පිහිටා තිබීම ඊට හේතු වී තිබේ. වනජීවී අධීක්ෂණ කණ්ඩායමක් වන TRAFFIC මඟින් ශ්‍රී ලංකාව මේ ජාවාර‍ෙම් අතරමැදි රටක් ලෙස භාවිත කරමින් ඇති බව 2014 වසරේදී අනාවරණ කළේය. 2015 අප්‍රේල් මාසයේදී තායිලන්තය නීතිවිරෝධී ලෙස ප්‍රවාහනය කරමින් තිබූ ඇත් දළ මෙට්‍රික් ටොන් 3.1ක තොගයක් අත්අඩංගුවට ගැනීමට සමත් විය. එයද ශ්‍රී ලංකාව, මැලේසියාව හා සිංගප්පූරුව හරහා ප්‍රවාහනය කරමින් තිබූ බව හෙළිදරව් කෙරිණි. ඇත්දළ කෙන්යාවෙන් ලබාගත් ඒවාය. ඇත්දළ ජාවාරමේ ප්‍රධාන භූමිකාවක් ඉටුකරන්නකු බවට පත්ව සිටි හොංකොං ඇත්දළ වෙළෙඳාම තහනම් කිරීමට පියවර ගත්තේ මීට දින කිහිපයකට ඉහතදීය.

ප්‍රවාහනයේදී අතරමැදි රාජ්‍යයක් ලෙස මෙන්ම සිල්ලර වෙළෙඳ මධ්‍යස්ථානයක් ලෙස ද හොංකොං රාජ්‍ය මෙම ජාවාරමේදී භාවිත වේ. ලොව අන් කිසිදු රටකට වඩා ඇත් දළ වලින් කළ නොයෙක් භාණ්ඩ එහිදී මිලදී ගැනීමටද හැකියාව තිබිණි. ඇත් දළ වෙළෙඳාම තහනම් කරමින් හොංකොං රජය ප්‍රකාශ කළේ, තර්ජනයට ලක්ව ඇති ශාක හා සත්ව විශේෂ නීතිවිරෝධී අයුරින් වෙළෙඳාම් කරන්නන්ට එරෙහිව දැඩි ලෙස නීතිය ක්‍රියාත්මක කරන බවය‍. එම දඩ මුදල් විශාල ලෙස ඉහළ දැමීමට ද කටයුතු කර ඇත. මෙහිදී ලෝක වනජීවී අරමුදල (WWF) ද පුළුල් කාර්යභාරයක් ඉටු කළේය. මීට ඉහතදී, එනම් 2015 සැප්තැම්බරයේදී චීන ජනාධිපති ෂී ජින් පිංග් සහ අමෙරිකා ජනාධිපති බැරක් ඔබාමා ද තම රටවල වාණිජමය වශයෙන් ඇත් දළ අලෙවිය නතර කිරීමට පියවර ගන්නා බව කියා සිටියහ.

ලොව ව්‍යාපාරික දැවැන්තයකු වන රිචඩ් බ්‍රැන්සන් මීට දින කිහිපයකට පෙර නීතිවිරෝධී ලෙස රයිනෝ අං වෙළෙඳාම් කිරීමට එරෙහිව අදහස් දක්වා තිබිණි. 2014 දී දකුණු අප්‍රිකා‍ෙව් පමණක් අං ලබාගැනීම සඳහා මරා දමනු ලැබූ රයිනෝසරයන් සංඛ්‍යාව 1200කට අධිකය. ඔ‍ෙබ් නියපොතුවල ඇති දේට අමතර යමක් රයිනෝ අංවල නැතැයි සඳහන් දැන්වීම් ව්‍යාපෘතියකටද ඔහු එක්වී සිටී. රයිනෝසරයන් හා අලි ඇතුන්ගේ ඉරණම ඛේදනීය ලෙස තීරණය වීමට එම සතුන්ගේ අං සහ දළ පිළිබඳ ගොඩනැඟි මිත්‍යා විශ්වාස ප්‍රධාන හේතුව බවට පත් වී ඇත. ඒවා යොදා ගනිමින් කළ හැකි වෛද්‍ය ප්‍රතිකාරයක් නැති බව පරිසරවේදීහු අවධාරණය කරමින් සිටිති. CITES මහ ලේකම් ස්කැන්ලන් ගාලු මුවදොරදී කළ ප්‍රකාශයක් ඇසුරින් NEWS MAX.COM වෙබ් අඩවිය වාර්තා කර තිබුණේ ලොව පුරා වාර්ෂික නීතිවිරෝධී වනජීවී වෙෙළඳාම ඇ. ඩො. බිලියන 20ක් පමණ වන බව ය. එම ගණන් බැලීමට දැව සහ සාගර සම්පත් අයත් නොවේ. එහි වැඩිම කොටසට හිමිකම් කියන්නේ ඇත් දළ සහ රයිනෝ අං වෙළඳාමය.

ලෝකය විද්‍යාව හා තාක්ෂණය අතින් කොපමණ ඉදිරියට ගමන් කර ඇතත් මිත්‍යා විශ්වාස ද තවමත් වැඩෙමින් පවතී. අයථා ලෙස මුදල් ඉපැයීමේ සහ විශාල ලෙස ලාබ ඉපැයීමේ මාර්ග කරා පුද්ගලයන් යොමුවීම තවත් ප්‍රවණතාවකි. මේ සියල්ල ඇත් දළ ජාවාරමට හේතු බවට පත්වී ඇත.

නිසැක වශයෙන් ම මෙවැනි ජාවාරම් මනුෂ්‍ය සංහතියටම නිගාවෙකි. මිහිමත සෙසු ජීවීන්ගේ පැවැත්මට ඇති අයිතිය කෙළෙසීමකි. එබැවින් ඊට එරෙහිව නැඟී සිටීම සෑම යහපත් මනුෂ්‍යයකුගේම පරම යුතුකමකි.‍

ධම්මික සෙනෙවිරත්න

නිදහස් අදහස් - ලංකාවේ මාද්‍ය නිදහස

ඕනෑම පුද්ගලයෙකුට නිදහස් අදහස් ප්‍රකාශ කිරීමේ හා එය ප්‍රචාරනය කිරීමේ අයිතිය ශ්‍රීලoකාවේ ආන්ඩුක්‍රම වියවස්තාවේ 14 (1) a ඔස්සේ සහතික කර දී ඇති අයිතියක්.එසේ ඒ අයිතිය බාවිතා කරමින් තොරතුරු රටට ප්‍රචාරනය කරනා ආයතන මාද්‍ය ආයතන වන අතර මීට අමතරව ස්වාදීනව විවිද වූ මාද්‍යයන් බාවිතා කරමෙන් තොරතුරු ජනතාවට හෙලි කරන්නන්ද සිටී. ජනතාව අතරට වඩාත් සන්වේදී වූ ජනතාව වෙනුවෙන් කැපවෙමින් එකී අයිතිය බාවිතා කරමින් ජනතාවට තොරතුරු සැපයූ මාද්‍යකරුවන්ද මේ අතර ඇත.

මෙසේ තිබියදීත් ලoකාවේ මාද්‍ය නිදහසට විවිද රජයන් හා සන්විදාන විසින් විවිද බලපෑම් කරනු ලැබ තිබෙන්නේ ඉතාම සොචනීය අයුරිනි.
බාදා රහිත නිදහස් අදහස් ප්‍රකාශනයේදි එසේ සිදුකල මාද්‍යවේදීන්ට හිරිහැර බලපෑම් අඩන්තේට්ටම් පැහැරගැනීම් සහ මරාදැමීම් අතීතයේ පටන්ම ලන්කාවේ ක්‍රියත්මක උනු බව නොරහසක්. මෙය වැඩිපුරම ක්‍රියාත්මක වූයේ යුදමය වාතාවරයන සහ ඊට පෙර පැවති බීශන කාල වකවානුන් වලදීය.

1989 ජූලි 23 වෙනිදා ජනතා විමුක්තිපෙරමුන විසින් ගාතනය කල ස්වාදීන රූපවාහිනි සබාපති තේවිස් ගුරුගේ මහතා ඉන් කෙනෙකි.
1989 ජූලි 31 වෙනිදා හෝමාගම තම නිවසේදී ජවිපෙය විසින් ඝාතනය කෙරෙනු ප්‍රේමකීර්තිද අල්විස් නම් වූ ශ්‍රී ලoකා රූපවාහිනී සන්ස්තාවේ ක්‍රියාකාරී අසහය මාද්‍යවේදියාද ඒ අතරය.
ඉන් නොනැවතී 1990 පෙබරවාරී 18 උදෑසන අප අතරින් බලහත්කාරයෙන් ඉවත් කෙරුනු රිච්ඩ්ද සොයිසාද ඒ අතර සිටී.සන්නද්ද පිරිසක් විසින් වැලිකඩවත්තේදී පැහැර ගැනුනු ඔහු මොරටුව කොරල වැල්ලේදි නිසල සිරුර මේ පොලෝ තලයට දිය කලේ තවත් මාද්‍යකරුවෙකුගේ ජනතා අයිතිය උගුරුදන්ඩ සහ හිස පසාරුකරගෙන යන වෙඩි පහරකින් උදුරාගැනීමෙන් පසුවයි.
එයද ජවිපයේ උදුරා ගැනීම පොතට එකතු උනු සපරාදී කලු පැල්ලමකි.
රොහන කුමාර නම් වූ සටන පුවත්පතේ සිටි සන්ස්කාරකවරයා 1999 සැප්තෙම්බර 7 වෙනිදා පැගිරිවත්තේදී වෙඩිපහරකින් මෙලොවින් සමුගන්නේ වෙඩිපහරේ බලය එකල පාලනයේ සිටි චන්ද්‍රීකා බන්ඩාරනායක කුමාරනතුන්ග හට උරුම කරමින්
තිනමුරුසු පුවත්පතේ සන්ස්කාරක නඩරාජා ,
සිරස රූපවාඅහිනියේ ඉන්දික පතිනිවාසන් ,
ස්වාදීන රූපවාහිනියේ අරුන ප්‍රියන්ත
ගුවන්විදුලිසන්ස්තාවේ ඇන්තනී මරියඩාස්
වීරකේසරී පුවත්පතේ නිමල්‍රාජන්
වීරකේසරී පුවත්පතේ අරියතුරෙව් නඩේදාසන්
තිනමුරුසු පුවත්පතේ සින්හදාසන්
විජය ප්‍රකාශන සමාගමේ චායාරූප ශිල්පී ලන්කා ජයසුන්දර
ඇතුලු බොහොමයකට ජීවිතයෙන් වන්දිගෙවන්නට වෙන්නේ චන්ද්‍රිකාබන්ඩාරනායක පාලන සමයේය. 1999 -2005 කාලය අසූව දසකයට පසු මාද්‍යවේදීන්ට නරකම කාලය කීවොත් එය නිවැරදි වන්නේ ඒ කාලය තුල අපතරින් සමුගත් මාද්‍යසගයන් ප්‍රාමනය නිසාමය.
2005න් අනතුරුව බොහෝ විට මෙරට අතුරුදහන්වන අප අතුරුන් සමුගන්න බොහෝ මාද්‍යවේදීන් බෙදුම්වාදී කොටිසන්විදානයේ බෙදනය වූ ක්‍රියාකාරී කොටස් සමග යම් යම් සබදතාවයන් පැවැත්වූවන් වීම සුවිශේශී ලක්ශනයක්.
ටැමිල් නෙට් හී සිවරාම්
නිදහස් මාද්යවේදි සෙල්වරාජ් සහ සින්න දොරේ ,
සුඩර් ඔලී පුවත්පතේ සිගිති රාජ් ,
උදයන් පුවත්පතේ සුරේශ් කුමාර් සහ රන්ජිත් කුමාර් ,
සත්දින පුවත්පතේ සම්පත් ලක්මාල් ,
නමතු එලනාඩු ප්‍රකාශක ශිවමහරාජ් ,
බෝහො කතා බහට ලක් උනු නීලම් පුවත් පතේ චන්ද්‍රබෝශ් ද ,
උදයන් පුවත් පතේ රජීව් වර්නන් ,
චලරාම් සගරාවේ සහදේවන්
වැනි අය ඇතුලත් වෙනවා. මේ බොහොමයක් බෙදුම්වාදී කොටිසන්විදානය සමග මතවාදී ගැටුම් සහ සන්විදාන අතර සම්බන්දතාවයන් පැවැත්වූවන් ලෙස කරුනු සොයාගත හැකිවෙනවා.
මේ කාලයේදීම යාපනයේදී ගාතනය කෙරෙනු නිවුස් ෆස්ට් වාර්තාකර දේවකුමාරන් ව ඝාතනය කෙරෙන්නේ කොටිසන්විදානය විවේචනය කිරෙම නිසා එම මිලේච්ච සන්විදානය විසිනි.
සිරස රූපවාහිනියේ රශ්මි මොහමඩ් මේජර් ජෙනරාල් ජනක පෙරේරා ඉලක්ක කෙරුනු කොටි මරාගෙන මැරෙන ප්‍රහාරයක් නිසා සමුගන්නේ එක්සත් ජාතික පක්ශ අනුරාදපුර පක්ශ කාර්යාලයකදී. ඒ 2008 ඔක්තොම්බර් 8 වෙනිදා.
2009 ජනවාරී තවත් 8 වෙනිදාවකම අප අතුරුන් සමුගත් සන්ඩේ ලීඩර් කතෘ ලසන්ත වික්මතුන්ගයන්ද සිටින්නේ නිදහස් මාද්‍ය අයිතිය සුරැකීම ගිලිහුනු ලන්කා ඉතිහාසයේ කලු පැල්ලම් අතීතයේමය.

කෙසේ නමුත් මේ ලoකාවේ ගාතනය වූ සියලූම නිදහස් මාද්‍යය වේදීන් නම් නොවේ.

1981 ජූනි 3 වෙනිදා නවරත්නම්ගේ සිට 114කට අදික ගාතනය වූ මාද්‍යවේදීන්ගේන් කීපදෙනෙක් පමනී.

දේශපාලන බලපෑම් , ත්‍රස්තවාදී බලපෑම් වැනි හස්තයන් හමුවේ සහ මිලේච්ච කොටින්ගේ ක්‍රියාකාරකම් නිසා අප අතරින් වෙනු වූවන් ගනන ලියනුයේ ලoකා ඉතිහාසයේ අදුරු දුක මුසු පැල්ලම්ද සමගින්ය.

රටක ආන්ඩුවක් රජයක් රටේ ජනතාවට මාද්‍ය කරුවන්ට නිදහසේ එකී ක්‍රියාව කරගෙන යෑමට අවස්තාව ලබාදීම සහ ආන්ඩුක්‍රමවියවස්තාවේ සදහන් එකී අයිතියන් ඔවුනට ලබාදීම ,
ආන්ඩුවක , රජයක ජනහිතවාදී බව සහ ප්‍රජාතන්ත්‍රවාදය උපරීමය පෙන්නුම් කරනා ලක්ශනයකි.

පාලකයින් සහ මැර බලයෙන් ක්‍රියාකාරී මාද්‍ය සගයන් මර්දනය කිරීම වෙනුවට ,ඔවුන්ගේ ජනහිතකාමී අදහස්වලට සවන්දෙමින් ජනතාවට සත්‍යදැනගැනීමට ඇති අයිතිය සහ එසේ මෙහෙවර කරනා මාද්යවේදීන් සමග එකමුතුවීම ඔවුන් ආරාක්ශා කිරීම ජනතාවගේ , සහ පාලකයින්ගේ බගකීමක් වන්නේ ඒ හෙයිනි.

ලිපිය නිදහස් අදහස්

ගීයක් රස විදිමු..

මගේ හිතේ ලියවුනු ගීත ගොන්නෙන්.... ගීතයක් ගැන තේරුම ලියනවට වඩා ඒ ගීතය රසවිදින්න හිතුනා මට
මේ මම විදී ගීතය පද රචනය කරලා තියෙන්නේ චිත්‍රපටියකට ( දෑස නිසා)....මුල් ගායනය අමරදේව මාස්ටර් කියලා සදහන් වෙලා තිබුණා..... චිත්‍රපටිය බලපු කෙනෙකුටනම් හිතෙයි මුළු කතාවම මේ ගීතය තුල තියනවා නේද කියලා...
ඔව් ඒක එහෙම්මම තමයි කියලා මටත් දැන් හිතුනා... මොකද මම ඒක දැන ගත්තේ අද... මගේ මිතුරෙක් මේ ගීතයේ පසුබිම ගැන පැහැදිළි කල නිසා......
නිසදැස් කවියට මම ආදරය කලානම් මට ඒ ආදරය ඇති කලේ ඔහුයි..... ඔහු තමයි මේ ගීතය රචනා කරලා තියෙන්නේ..... ඒ තමයි සේකර......

මම මේ ගීතය ඇසුවේ සුනිල් එදිරිසිංහයන්ගේ හඩින්.... අපි එතුමාගේ ගී ගැන කතා කලා .... සේකරයන් ගැන සුනිල් එදිරිසිංහයන්ගේ ගීත ගැන අපි හෙටත් කතා කරයි.... හැමදාම කතා කරයි.... මොකද එහෙව් ගීත සාහිත්‍යක් ආය බිහි නොවන නිසා .... ඒක තමයි කටුක වුනත් ඇත්ත...
ඉතින් මේ ගීතය ගැන කියනවනම් මම මේ ගීතයේ ආසම කොටස..... මුලින්ම කියන්නම්

දෑසට නොපෙනෙන ඝන නිල් අඳුරේ
ඔබේ හදින් මා දෙස බැලුවා
දෑසට නොපෙනෙන මා හද පතුලේ
සුන්දරතාවය ඔබ දුටුවා
මිනිසුන්ව හදුනා ගන්න ඕනේ හදවති කියලයි මට හිතෙන්නේ..... ආදරයේදී විශේෂයෙන්ම..... ඒ නැතත්.... මිනිසුන් මිනිසුන්ව හද පත්ලෙන්ම දකිනවානම්.... බාහිර රුපය මතින් මිනුම් දඩු නොදා.... මේ ලෝකය කොතරම් ලස්සන වෙයිද...
කෙනෙකු තම ආදරවන්තිය මේ විදියට දකිනවනම්..... ඇයව මේ විදියට දැනෙනවානම්..... ආදරය කරණ අයගේ ඇස් වලින් උණු කදුළු වෙනුවට හැමදාම සතුටු කදුළු ගලාවි....
සීතල දිය පිරි සුනිල විලයි....
ඒ විල මැද ඔබ සුවඳ මලයි ....
ගිමන් නිවාලන සුළං රැලක් වී
ඔබේ සිනා මට පවන් සලයි.....
සමහර ප්‍රශ්න ඉදිරියේදී අපිට හිතෙනවා අපේ ජිවිත අපෙන් මිදිලා ඈතට පලා ගිහින් කියලා.... එත් එහෙම අඩියකට වැටිලා ඉන්න වෙලාවක.... අපිට අහඹුවක් ලෙසින් කෙනෙක් ජීවිතය අරන් අවොත්.... අලුතින් ජිවිතයක් දුන්නොත්... ඒක හරියට.... සිතිජ ඉම වගේ...... අහසයි පොළවයි එක්වන බලාපොරොත්තුව හැමදාම තියන තැන ඒක නේද..... හෙටක් ගැන සිහිනයක් හදවත ඉපදීප සාදාරණයි නේද?
අසරණ වී මා ජීවිත කතරේ
අන්ධකාරයේ සැරිසැරුවා
ඔබේ නිහඬ නෙත ඈත සිතිජයෙන්
උදාවෙලා මට අත වැනුවා
ඔබ නොසිතු මොහොතක ඔබ ආදරය කරපු කෙනා පෙරලා ඔබට එයාගේ ආදරය ප්‍රකාශ කලොත් ....එයාගේ ආදරය පිදුවොත්....( ආදරය මට නොයිඳුල් කුසුමකි පිදියම යුත්තාටම පිදිය යුතු...) ඔබට මොනවගේ හැගීම දැනෙයිද.... දැනෙන්න ඇතිද.... මටනම් හිතෙන්නේ මට දැනෙන හැගීම මේ ගීතයේ අන්තිම පද ටිකේ ලියවිලා කියලා...

ඔබේ කුසුම ඔබ දෝතින් අරගෙන
ආදරයෙන් මා වෙත පිදුවා
ඒ මොහොතෙම තව සිය දහසක් මල්
මා වට කර හැමතැන පිපුණා

මේ මම මේ ගීතය විදින විදිය.... ඔබ මීටත් වඩා ලස්සනට විදින්නවා ඇති.... දැනගන්න ආසයි ඔබටත් මේ ගීතය ගැන හිතට දැනෙන දේ...

ඉතින් එපමණයි....

සීතල දිය පිරි සුනිල විලයි....
ඒ විල මැද ඔබ සුවඳ මලයි ....
ගිමන් නිවාලන සුළං රැලක් වී
ඔබේ සිනා මට පවන් සලයි.....

අසරණ වී මා ජීවිත කතරේ
අන්ධකාරයේ සැරිසැරුවා
ඔබේ නිහඬ නෙත ඈත සිතිජයෙන්
උදාවෙලා මට අත වැනුවා

දෑසට නොපෙනෙන ඝන නිල් අඳුරේ
ඔබේ හදින් මා දෙස බැලුවා
දෑසට නොපෙනෙන මා හද පතුලේ
සුන්දරතාවය ඔබ දුටුවා

ඔබේ කුසුම ඔබ දෝතින් අරගෙන
ආදරයෙන් මා වෙත පිදුවා
ඒ මොහොතෙම තව සිය දහසක් මල්
මා වට කර හැමතැන පිපුණා

ගී පද :- මහගම සේකර
ගී තනුව :- රෝහණ වීරසිංහ
ගායනය :- සුනිල් එදිරිසිංහ

ලිපිය Himashi DE Silva

ඉතිහාසය ගැන ඕල්ටනේටිව් කියවීමක්...

(ඉපැරණි අනුරාධපුර නගරය අසල පුරා විද්‍යා කැණීමකදී කළයක තිබී මෙම තල්පත හමුවී ඇත.එම තල්පත ''චිත්ත දැහැමිදැස් කෙළඹි පුත්‍ර වෙත'' ලෙස සඳහන්ව මුද්‍රා තබා තිබුණි.නව කාලයට අනුව මෙහි භාෂාව සකස්කළවිට සඳහන්ව තිබුණේ මෙසේය..)

මා හිතවත් චින්තන ධර්මදාස හිතවත.

මා මෙය ලියන්නේ මාගේ රාජකීය දෛවඥයින්ට අනුව මාගේ චිත්තය සහස්‍ර ගණනාවකට වුවද පසු හඳුනාගන්නේ ඔබ පමණක්ම බව දැනගත් පසුවයි.එළෑර හා යුද්ධ කිරීමට සිදුවූ ප්‍රධාන කාරණාව ඔබගේ කාලය වන විට කිසිවකු නිසි අයුරින් දැන නොගෙන සිටිනු ඇති බව මම දනිමි.

එළාර රාජ්‍ය කරන සමයේ හෙතෙම කේරළය හා සම්බන්ධතා පැවැත්වීමට කටයුතු යුදුණහ.අපගේ දකුණින් යන වෙළෙන්දන් හට සම්බාධක පනවා පසුව කිසිවකුට ඉසිළිය නොහැකි දරුණු පියවරක් ගත්හ.හාල්,එළවලු,ඇඟලුම් වලට සම්බාධක පැනවූවා නම් ඉවසීමට තිබුණි.නමුත් මොහු අප රටේ වැවෙන ත්‍රෛලෝක විජය කොළ වෙනුවට කේරළයෙන් එය අපනයනය කිරීමට කටයුතු කර තිබුණි.

මේ නිසා ඔහුගේ රාජ සභාවේ සිටි බොහෝ සිංහලයින් නොසන්සුන් වී මාගේ චරපුරුෂයින් වී ද්විත්ව නියෝජිතයින් කරගැනීම එතරම් අපහසු නොවුණි.කේරළයෙන් අඩමස්සකට (අද කාලේ රු. 2.50ට විතර..)විකිණිය හැකි වූ නිසා මුළු ලංකාද්වීපයේ වටිනා සළකුණක් වූ ත්‍රෛලෝකවිජය නැත්තටම නැතිවී යාමේ අවදානමට නිසා මට ඔහු හා යුධ වැදීමට සිදුව තිබුණි.මෙය ලියන්නේද එළාරගේ පෞද්ගලික මඩිස්සිලයක සඟවා තිබූ කේ. ත්‍රෛ. ධූමය ආශ්වාසයෙන් බවත් දත යුතුය.මෙය මළ ජරාවකි එබැවින් තොපලාගේම අනාගතය වෙනුවෙන් අපගේ උරුමය රැකගැනීමට මට වෙන කළ යුතු දෙයක් තිබුණේ නැත...

දැන්වත් කේ. ත්‍රෛ. භාවිතය නැවැත්වීමට මම මෙයින් උපදෙස් දෙමි.නැත්තන් හෙළ-විකල්ප ප්‍රාඥයින්ට පවා රෙද්ද නැතිවන ආකාරයේ සංවාද විසංවාද තොප කිරීම ඉතාමත් නොහොබි.මදුරුනාශක මැහිතෙල් දමන ඔය මළ ජරාව නවත්වා ගණන් වැඩි වුණත්,සොයාගැනීමට අපහසු වුවත් ලෝකල් (මෙම වචන සාමාන්‍ය ව්‍යවහාරය අනුව වෙනස් කර ඇත..) පමණක්ම භාවිතා කරන්නේනම් මැනැවැ..
එමෙන්ම මේ ලියමන දුටු පසු තොප මා වර්ණනා කරන වගද දනිමි..
මෙයට ඔබගේ නිගා දු. ගැමු(අවසන් අකුර කාලය හා හඳුනාගත නොහැකි වන සේ දුර්වර්ණව තිබුණි..)

ලිපිය

Prabhath Withanage

බොදුබල සේනාව සහ ඥානසාර හිමියන්

හිටපු ජනපති මහින්ද රජපක්ෂ මහතාගේ පරාජයට සම්පූර්ණ තීරනාත්මක සාදකය වූයේ ඔබ වහන්සේගෙ හලාල් විරෝදී ව්‍යාපාරය කිවහොත් නිවෑරදිය.මුස්ලිම් ප්‍රජාවේ බහුතර කැමැත්ත හිමිව තිබූ මහින්ද බලවත්ව නැගී සිටින අවස්තාවක හිටි හැටියේම ආරම්භ වූ ඔබ සන්විධානය ඒ සදහා ගෝඨාභය මහතාගේ සෘජු නායකත්වයෙන් පිහිටු වූ සන්ධානයක් ලෙස මුස්ලිම් ප්‍රජාව වෙත හුවා දක්වමින් සන්නිවේදනය කරමින් මහින්ද මහතාගේ ජයග්‍රහනයේ තීරනාත්මක සාදකයක් වූ මුස්ලිම් චන්ද විනාශ කිරීමේ කූට උපක්‍රමය සාර්ථක කරගෙන ඔහුව ජනාධිපති දූරයෙන් පන්නා දැමීමේ පලමු මෙහෙයුම ඉතා සාර්ථක කර ගන්නා ලදී.

සිරිසේන ජනාධිපති වූ පසු හා එ.ජා.ප.ය බලයට පත් වූ විට මීයට පිම්බා වැනිව නිහඩ වූ ඔබ වහන්සේ සිරිසේනගේ හමුවීමෙන් පසුව මහින්ද හා ගොඨාභය විරෝධී දෙවන මෙහෙයුම අද ඉතා සාර්ථකව ආරම්භ කර ඇති බව පෙනේ.

ගොඨාබය මහතා දේශපාලනයට පිවිසෙන්නට ඔන්න මෙන්න තියා ඔබලාගේ දෙවැනි මෙහෙයුමේ කූටප්‍රාත්තියට පත් ඔබ වහන්සේගේ සහ සිරිසේන රනිල් හවුලේ මෙම නාටකය දිහා මොලයෙන් කල්පනා කිරීම සිතු කල යුතුව ඇත.

මෙම නාටකයට රජයේම ඉතා පලපුරුදු ඉත්තන් වූ සන්ද්‍යා එක්නැලිගොඩ හා ඥානසාර හිමියන් හදිසියේම හොදින් පන පොවමින් සිටියි.

ඔවුන් මේ අවබාවිත සිදු කරන්නේ ගෝඨාබය හා මහින්ද මහතාගේ රට ජාතිය පිලිබද ඇති ආදරය හා ආකල්පයම බව තේරුම් ගත යුතුය.
මහින්දගේ හා ගෝඨාබයගේ ජාතික හැගීම ඔවුනටම විරුද්ද්ව පාරා වලල්ලක් කරවීම සදහා වූ මෙම ක්‍රියාමාර්ගයට දෙවන වරටත් අසු නොවීමට අප වගබලා ගත යුතුවේ.

උසාවියේදී මෙලෙස අශෝභන ලෙස හැසිරෙන්නෙකුට අත්වන ඉරනම මෙය බව නොදැන සිටින තොත්ත බබෙකු ලෙස ඥානසාර හිමියන් කටයුතු කලේ නම් ඔහු මෙවැනි බොදු බල සන්දානයකට නයකත්වයට කිසිසේත්ම සුදුසු අයෙකු නොවේ.

එබැවින් මේ නාටකයේ ස්වභාවය මුලදීම අප හදුනා ගත යුතු වේ. මෙය හුදෙක්ම මහින්ද හා ගෝඨාබයගේ කිතුනු හා මුස්ලිම් චන්ද ඉලක්ක කරගෙන නොර්වේ හා රනිල් සිරිසේන හවුල විසින් උවුන්ට අවශ්‍ය කාර්ය ඉටු කරන්නා වූ ඉත්තන් බව අපහසුවෙන් උනත් වටහාගෙන කටයුතු කල යුතුවේ.
ඔබ හා මා තවත් ජාති ආලය නාමයෙන් මෙවැනි පරගැති රූකඩ වලට හසු නොවී සිටීම වටී.

මා ඉතා හොදින් ප්‍රත්‍යක්ශ කල කාරනාවක් වේ එයනම් මෙම බොදු බල සේනා ආරම්බයේදී ඔවුන්ට සෘජුව සම්භන්ධ වී මිනිස් බලය ප්‍රදර්ශනය කිරීමට එක්වූයේ ජ.වි.පෙ. සාමාජිකයින් බව.අප මෙය දෙස බලා එදා සතුටු වූයේ ඔවුන් හොද ගමනකට එක්වූවා යැයි සිතාය නමුත් මේ පිටුපස ඇත්තේ අසීමිත වූ මහින්ද විරොධය බව පසක් වන විට සියල්ල් සිදු වී හමාරය.

නැවත වරක් මොවුනට නොරැවටී නව නායකත්වය නව පක්ශය හා එක් රොක් වී අපි නව ගමන ආරම්බ කිරීමට පෙල ගැසෙමු.

ලිපිය Sameera Senanayake

අනාගතය ඇදයි!

මට ටීවී එක එපා වුණේ කිසිම වැඩ සටහනක් බලන්න නොදෙන තරමට හිරිහැර කරන දැන්වීම් නිසා. "ඩයලොග් කොයි තරම් හොඳද" කියන දැන්වීම් අහල දැකල ම ටීවී එක එපා වුණා. ඊට පස්සෙ ටෙලිෆෝන් එක එපා වුණා. බත්තරමුල්ලෙ ඉඳලා හූවක දුර හිටියත් සිග්නල් නෑ. කතා කරන දේ ඇහෙන්නෙ නෑ. එයින් පස්සෙ ඉන්ටනෙට් එපා වුණා. මෝබයිල් ඩේටා පටන් ගන්නෙම no internet connection කියලා. 3G නැතුවට කමක් නෑ, අපි මස් රාත්තල ම ඉල්ලන එක හරි මදි නේ, ටොන් ගාණක් තියනවා කිය කිය පෙන්නුවත්.
මේ ආදී වූ නොයෙකුත් දුක් ගැහැට පිළිබඳ බැරිම අවස්ථාවල Dialog Customer Care අංශයට පැමිණිලි කළා. එයින් සෑහෙන සහනයක් හිතට ලැබුණා. අපි වෙනුවෙන් කෙරෙන ඔවුන්ගේ සේවය නම් විශිෂ්ටයි. මට අපේ පවුලේ කෙනෙක්වත් ඔය තරම් ආදරණිය විදියට කතා කරලා නෑ. මෛතී්‍ර කරුණාවෙන් යුතුව, සියලු ගැටළු පිළිබඳ උපේක්ෂාවෙන්, පාරිභෝගිකයින්ගේ යහපත ගැන ම සිතන, සතර බඹ විහරණයන්ගෙන් යුත් Dialog Customer Care අංශය මතක් වුනත් හිතට සහනයක්.
ඒත් ඉතින් මේවා තියාගෙන බිල් ගෙව ගෙවා ඉන්න එක මහා කරදරයක්. කිසිම දෙයක් හරි හැටි කරන්න බැරි නිසා මට දැන් ජීවිතෙත් එපා වෙලා. වෙලාවකට හිතෙනවා මේ හැම දේම දමලා ගහලා හිස හැරුණු අතේ කොහේ හරි යන්න. ඒත් ඒක නොකරන්නෙ Dialog Customer Care අංශය ගැන හිතලා. හැමෝම මං වගේ කරන්න පටන් ගත්තොත් Dialog Customer Care අංශයට යන කල මොකද්ද?

ලිපිය දර්ශන කරුණාතිලක

සීගිරි සිතුවම්

ක්‍රි.ව. 459 සිට ක්‍රි.ව 477 දක්‌වා අනුරාධපුරයේ රජ කළ ධාතුසේන මහ රජුට දා ව යකඩ දෝලියක හෙවත් දෙවැනි පෙළ බිසවක ගේ කුසින් කාශ්‍යප උපන් බැව් ඉතිහාසයේ සඳහන් වෙයි. පරිසරයේ සුන්දරත්වය, තාක්‌ෂණය, කලා කෞශල්‍යය එක්‌ කළ රමණීය ස්‌මාරකයක්‌ වන සීගිරිය රට දැයට දායාද වූයේ කාශ්‍යප රජු ගේ සහ දේශීය කලා ශිල්පීන් රැසක ගේ දැඩි අධිෂ්ඨානයක ප්‍රතිඵලයක්‌ ලෙසිනි.

ඉතිහාසය දක්‌වන පරිදි ක්‍රි.ව. 477 සිට මහා කාශ්‍යප රජු සිය අගනුවර කරගත් තැන් සිට අද අප දකින සීගිරිය ඉතිහාසයට එක්‌ වෙයි.

සීගිරිය අද අපට හිමි ලෝක උරුමයකි. ලෝක උරුමයක්‌ ලෙස නම් කිරීමට හේතු වූ කරුණු කාරණා අතර සීගිරි චිත්‍ර සුවිශේෂී තැනක්‌ ගනී. එසේ ම සීගිරි චිත්‍ර පිළිබඳව කියවෙන කුරුටු ගී ද ලෝ පතළ වෙයි. මහා පර්වතයේ බටහිරින් පිහිටි ඇතුළට නෙරුණු නැම්මට ඉහළින් කරවන ලද මේ බිතු සිතුවම් එකල කරවන ලද්දේ අව් වැසි උවදුරුවලින් ආරක්‌ෂා වන පරිදි ය. මුල් යුගයේ දී සීගිරියේ බටහිර පෙදෙස පුරා ම විහිදී තිබුණු මේ රමණීය සිතුවම්වලින් අද ආරක්‌ෂා වී ඇත්තේ චිත්‍ර 21ක්‌ පමණි. මෙයින් චිත්‍ර කිහිපයක්‌ 60 දශකයේ අග භාගයේ දී සිත් පිත් නැති අයකුගේ ගල් උල් පහරකින් හා තාර ගෑමකින් විනාශ විය. මේ විනාශය දුටු එකල ජීවත් ව සිටි ශේ්‍රෂ්ඨ ලංකා පුත්‍රයකු මෙන්ම ශ්‍රෝෂ්ඨ පුරාවිද්‍යාඥයකු වූ මහාචාර්ය සෙනරත් පරණවිතානයන් ගේ දෑසින් උණු කඳුළු කැට කඩා වැටුණේ ඔහුට ද නො දැනී ය. ඒ තරමට ම එතුමා සීගිරි චිත්‍රවලටත් චිත්‍ර ගැන කියවෙන කැටපත් පවුරටත් ආදරය කළේ ය.

මේ සිතුවම්වලට වස්‌තු විෂය වන්නේ අප්සරාවන් හෙවත් දිව්‍යාංගනාවන් යෑයි මතයක්‌ පවතින අතර රජතුමා ගේ මෙහෙසියන් ය යන්න ද මතයකි. මහාචාර්ය මංගල ඉලංගසිංහ විද්වතුන්ට අනුව අප්සරාවන් යනු දකුණු ආසියාවේ ආගමික හා රාජකීය චිත්‍ර කලාවට පොදු වස්‌තු විෂයයකි. කසුප් රජු ගේ අන්තපුර ස්‌ත්‍රීන් යනුවෙන් ද හැඳින්වෙන මේ ලලනාවෝ සීගිරි චිත්‍ර ශිල්පීන් ගේ නිරූපිකාවන් වූවාට ද සැක නැත.

සීගිරි චිත්‍ර පිළිබඳව මේ වන විට විද්වතුන් 13 දෙනකු විවිධ අදහස්‌ පළ කර ඇත. වර්ෂ 1898 ද ලෝ පතළ ශ්‍රෝෂ්ඨ පුරාවිද්‍යාඥයකු වූ එච්. සී. පී. බෙල් මහතා විසින් ඉදිරිපත් කරන ලද මතය කිසියම් පිළිගැනීමකට ලක්‌ වී ඇත. එතුමා ගේ අදහසට අනුව චිත්‍රවල දකින්නට ලැබෙන රතු පැහැය සවස බටහිරින් හිරු බසින විට නැඟෙනහිර අහස රත් පැහැ වීමක්‌ දක්‌වයි. චිත්‍රවල ඉනෙන් පහළ කොටස වැසී ඇතත් ලලනාවන් ගමන් කරන විලාසයක්‌ පෙන්නුම් කරයි. සැම ලලනාවක ගේ ම අතේ මල් වට්‌ටියක්‌ හෝ මල් පොකුරකි.

මේ කරුණු අනුව බෙල් මහතා පෙන්වා දෙන්නේ හිරු බැස යන සැන්දෑවේ දෝතින් මල් ගෙන පිදුරංගල විහාරය වඳින්නට යන රජතුමා ගේ බිසෝවරුන් හා පිරිවර කාන්තාවන් චිත්‍රවලින් පෙන්නුම් කරන බව ය. මේ මතය සනාථ කිරීමට තිබෙන එක ම ප්‍රධාන සාධකය වන්නේ පිදුරංගල විහාරය දෙසට හැරී සිටින ලෙස මේ ලලනා චිත්‍ර නිර්මාණය කර තිබීම ය.

වර්ෂ 1902 දී ආනන්ද කුමාරස්‌වාමි විද්වතුන් මේ සිගීරි ලලනාවන් අර්ථ දැක්‌වූයේ වලාකුළුවල පා වන දිව්‍ය අප්සරාවන් ලෙසිනි. වර්ෂ 1968 දී හිටපු පුරාවිද්‍යා කොමසාරිස්‌වරයකු වූ රාජා ද සිල්වා විද්වතුන් ඉදිරිපත් කළ මතය වූයේ රජතුමා ගේ අග මෙහෙසිය හා සේවිකාවන් ආගමික උත්සවයකට සහභාගී වන අවස්‌ථාවක්‌ මින් නිරූපණය වන බව ය.

මාර්ටින් වික්‍රමසිංහ ශූරින් ද සීගිරි ලලනාවන් පිළිබඳව මතයක්‌ පළ කළ විද්වතෙකි. ඔහු ගේ මතය රජතුමා ගේ බිසෝවරුන් හා සේවිකාවන් ජල ක්‍රීඩා කරන ආකාරයක්‌ මේ චිත්‍රවලින් පෙන්නුම් කරන බවයි. කෙසේ වෙතත් සීගිරි ලලනාවන් පිළිබඳව සම්භාව්‍ය මතයක්‌ ඉදිරිපත් කළ විද්වතා ලෙස මහාචාර්ය සෙනරත් පරණවිතාන ශූරින් හැඳින්විය හැකි ය. මෙතුමා සීගිරි ලලනාවන් වලාකුළු හා විදුලි කෙටීම් සංකේතවත් කරන බැවින් මේඝලතා සහ විජ්ජුලතා යනුවෙන් හැඳින්වී ය. ගල මත ගොඩනැඟූ මාළිගාවේ කුවේර ලීලාවෙන් කාශ්‍යප ජීවත් වූ බැව් අදහස්‌ කෙරෙයි. එහෙයින් මෙය කුවේරයා ගේ හෙවත් වෙසමුනි ගේ ආලකමන්දාව යනුවෙන් ද හැඳින්විණි. සෙනරත් පරණවිතාන මහාචාර්යතුමන්ට සංස්‌කෘත සාහිත්‍යය පිළිබඳව හසළ දැනුමත් තීබීම මෙවන් සම්භාව්‍ය අදහසක්‌ ඉදිරිපත් කිරීමට හේතුවක්‌ වූවා නිසැක ය.

මහාචාර්ය සේනක බණ්‌ඩාරනායක විද්වතුන්ට අනුව දුරාතීතයේ සිට සීගිරිය නැරඹීමට පැමිණි විනෝදකාමීන්ට මෙන්ම අපට ද මේ චිත්‍ර සුන්දර වනිතාවන් පෙළක ගේ ආහ්ලාදජනක සිතුවම් කිහිපයකට වැඩි දෙයක්‌ නො වේ. කෙසේ වෙතත් කුරුටු ගීවලට අනුව සීගිරියේ ලලනා රූප 500ක්‌ තිබී ඇත. මේ රූප අතරින් අද ඉතිරි ව ඇත්තේ රූප 21ක්‌ පමණි. මේ ලෙනේ හැරුණු කොට සීගිරි පර්වතය ප්‍රදේශයේත් අනෙකුත් ගල් ගුහාවලත් සිතුවම් තිබුණු බවට සාක්‌ෂි ඇත. සීගිරිය නරඹන්නකුට චිත්‍ර දක්‌නට නැතත් චිත්‍ර ඇඳි බදාම කැබැලි අදත් ගල් ගුහාවල වහල පෙදෙසේ දැකගත හැකි ය.

දැනට ඉතිරි ව ඇති චිත්‍රවලින් පැරැණි ම චිත්‍ර ලෙස පිළිගැනෙන සීගිරි චිත්‍ර දේශීයත්වයක්‌ පෙන්නුම් කරන බැව් පැහැදිලි ය. ශිලා උද්‍යානයේ ගුහාවල ඉතිරි ව ඇති බොහෝ චිත්‍ර කොටස්‌ ප්‍රධාන චිත්‍ර ගුහාවේ චිත්‍ර තරම් ප්‍රකට නැත. එහෙත් කාල පරිච්ඡේදය සමාන වෙයි. ඉතා සියුම් ලෙස අදින ලද මල් හා සත්ත්ව රූපවලින් පිරි වියන් සිතුවම් ප්‍රධාන චිත්‍ර ගුහාවේ ඇති ලලනා රූපවලට නොදෙවැනි අන්දමින් නිර්මාණය කර තිබේ.

වර්ෂ 1899 දී එවකට ප්‍රසිද්ධ වැඩ දෙපාර්තමේන්තුවේ ඉංජිනේරුවා ද වූ මරේ නමැති අයකු බිතු සිතුවම් ගුහාවලට නැඟ එම සිතුවම් පිටපත් කළ මුල් ම තැනැත්තා ලෙස ඉතිහාසගත වී ඇත. ඉන්පසු 1894 දී පුරාවිද්‍යාඥ එච්. සී. පී. බෙල් මහතා සමග වැඩ කළ මුහන්දිරම් පෙරේරා නම් අයකු මේ චිත්‍ර පිටපත් කර ඇත. මේ සිතුවම් අද ජාතික කෞතුකාගාරයේ දක්‌නට ලැබේ. විදෙස්‌ සිත්තරුන් ගේ අවධානය සීගිරි චිත්‍ර කෙරෙහි යොමු වී ඇති බවක්‌ ද දක්‌නට ලැබේ. වර්ෂ 1935 දී ජපන් චිත්‍ර ශිල්පියකු මෙහි පැමිණ චිත්‍ර ගුහාවට ගොස්‌ ඒ අයුරින් ම පිටපත් කළ චිත්‍ර අදත් ජපානයේ ටෝකියෝ නුවර ජාතික කෞතුකාගාරයේ ආරක්‌ෂා සහිතව තිබෙන බැව් එය දුටු අය සාක්‍ෂි දරති. මේ චිත්‍රවල ඇති සුවිශේෂී ලක්‌ෂණය වන්නේ වර්ෂ 1935 දී චිත්‍රවල තිබුණු වර්ණ පැහැය ඒ අයුරින් ම එම පිටපත් චිත්‍රවල ඇතුළත් වීම ය. මෙහි දී කිවයුතු දෙයක්‌ ඇත. එදා සීගිරි චිත්‍රවල වර්ණ ස්‌වභාවය අධ්‍යයන කරන්නකුට අද එම වර්ණ පැහැය අධ්‍යයන කිරීම වඩාත් ප්‍රයෝජනවත් වන බව කිව යුතු වෙයි. හේතුව අද චිත්‍රවල එදා වූ වර්ණ පැහැය දක්‌නට නොමැති වීම ය. අද මේ චිත්‍ර නැරඹීමේ දීත් කාශ්‍යප රජු දවස චිත්‍ර නැරඹීමේ දීත් දක්‌නට ඇත්තේ පැහැදිලි වෙනසකි. අද පහළ සිට ඉහළ චිත්‍ර ගුහාව දක්‌වා ඉදි කළ පඩි පෙළක නැඟී ගොස්‌ චිත්‍ර අසල ම සිට නැරඹීමට හැකියාවක්‌ ඇත. එහෙත් කාශ්‍යප රජු දවස ජල උද්‍යානයේ සිට චිත්‍ර නැරඹූ බවට සාක්‌ෂි ඇත. මෙහි දී ලෙනේ වූ චිත්‍ර ජල උද්‍යානයේ පොකුණු තුළ ප්‍රතිබිම්බයක්‌ ලෙසින් දිස්‌ වී ඇත. මෙයින් පැහැදිලි වන්නේ බහුතර ජනකායක්‌ සීගිරි චිත්‍ර දුර තියා නැරඹූ බවයි. සමහර විට ජල උද්‍යානයට ඉහළින් කිසියම් ස්‌ථානයක චිත්‍ර නැරඹීම සඳහා වේදිකාවක්‌ හෝ ඒ සඳහා වෙන ම ස්‌ථානයක්‌ හෝ ස්‌ථාපිත කර තිබෙන්නට ඇත.

සීගිරි පර්වතයේ බටහිර පෘෂ්ඨය බැස යන හිරු රැසින් මෙන්ම දහවල දී දැඩි හිරු රැසින් ද රත් වීමෙන් සිදු වන හානිය අවම කර සිතුවම් රැක දුන්නේ සීගිරි පර්වතය වටා පිහිටි දිය අගල ඇතුළත් ජල උද්‍යානයේ දිය පිරි පොකුණු සමූහය යෑයි කිව හොත් නිවැරැදි ය. මෙයට අමතරව සීගිරියට නිරිත දිගින් හා දකුණින් පිහිටි වැව් නැඟෙනහිර දෙසින් පිහිටි, තම්මන වැව, නාලන්දාගම වැව, මහ වැව, කළු ගල් වැව, ගලහිටියාව වැව, කිඹිස්‌ස වැව, බටහිරින් පිහිටි පොතාන වැව, ඊසාන දෙසින් පිහිටි හාගල වැව, කිටිය කොළ වැව, රඹවල වැව, උතුරු දෙසින් පිහිටි පහළ වැව, ඉලුක්‌ වැව, ඉහළ වැව, උඩගොල්ල වැව, පහළ නිකොට වැව යන වැව් හරහා හමා ආ සිසිල් සුළං සිතුවම් සහිත සීගිරි පර්වතයට සිසිලස ලබා දෙන්නට ඇත.

ජල උද්‍යානයේත් ඒ අවට පරිසරයේත් කිසියම් සැලැස්‌මකට අනුව උද්‍යාන විද්‍යානුකූලව විවිධ ශාක විශේෂ වගා කර තිබෙන්නට ඇතැයි සිතිය හැක්‌කේ භූමියේ ස්‌වාභාවික පිහිටීමේ විකෘති කිරීමක්‌ නො කළ බැව් අදත් දක්‌නට ලැබෙන බැවිනි.

එහෙයින් දිය අගල්, ජල උද්‍යානයේ දිය පිරි පොකුණු හරහාත් තුරු වදුළු පිසිමිනුත් සීගිරි පර්වතය දෙසට හමා ගිය සුළඟ පර්වතය සිසිල් කළා පමණක්‌ නො ව බාහිර පරිසරයට නිරාවරණය වුණු සිතුවම් සමූහය ද සිසිල් කර, වැඩි වන උණුසුමින් සිදු විය හැකි හානි අවම කළා විය හැකිය.

සාමාන්‍යයෙන් ගස්‌ සෙවණක හෝ බඩවැටි සමූහයක්‌ ඇති ප්‍රදේශයක්‌ අසල වාතයේ කාබන්ඩයොක්‌සයිඩ් ප්‍රතිශතය අවම මට්‌ටමක පවතී. එමෙන්ම ජල වාෂ්ප ප්‍රමාණය ද යම් මට්‌ටමක පවතී. දහවල දී හමන සුළඟින් වැඩි වන ජල වාෂ්ප ප්‍රමාණය විසිරී යන අතර හිරු එළියෙන් තෙතමනය යම් පමණකට අඩු කරයි. මේ නිසා අවට පරිසරය නිතර ම සිසිල් ස්‌වාභාවයකින් යුක්‌ත වෙයි. එහෙයින් පරිසර උෂ්ණත්වය සමබරව පවතී. මෙවන් ස්‌වාභාවික සංරක්‌ෂණ ක්‍රමවේද සීගිරි සිතුවම් සංරක්‌ෂණය වීමට හේතු වූවා නිසැක ය.

කල් යැමේ දී එම පරිසර තත්ත්ව වෙනස්‌ වීම සමස්‌ත සීගිරි සිතුවම්වලට විවිධ හානි සිදු කිරීමට හේතු වූවා විය හැකි ය. අදින් දශක 4කට පමණ පෙර තිබූ තත්ත්වයත් අද තත්ත්වයත් අතර තිබෙන වෙනස, අධ්‍යයනය කරන්නකුට අවබෝධ කර ගැනීමට අපහසු වන්නේ නැත. අදින් දශක කිහිපයකට පෙර සිතුවම් ලෙනට පහළින් පිහිටි කුඩා ලෙන්වල කළ සිතුවම් සුළු වශයෙන් හෝ දක්‌නට ලැබුණත් සංරක්‍ෂණයක්‌ නො කළ බැවින් එම සිතුවම් ගුහාවල බදාම කැබැලි පමණක්‌ අද දක්‌නට ලැබේ.

බිතු සිතුවම්

අතීතයේ දී සිතුවම් 500ක්‌ පමණ දක්‌නට ලැබුණු නමුත් අද දක්‌නට ලැබෙන්නේ චිත්‍ර 22ක්‌ වැනි ප්‍රමාණයකි. මෙයින් අංග සම්පූර්ණ ලෙස ඉතිරි වූ චිත්‍ර ඇත්තේ 12 ක්‌ පමණි. මෙයින් තනි කාන්තා රූප 6ක්‌ හා යුගල කාන්තා රූප 3ක්‌ ද වන අතර අනෙක්‌ කාන්තා රූපවල විවිධ කොටස්‌ මැකී ගොසිනි. සමහර තැන්වල බදාම ගැලවී ගොස්‌ ඇත. වර්ෂ 1967 ඔක්‌තෝබර් 14 වැනි දින රාත්‍රියේ සිතුවම් ලෙනට රහසේ ඇතුළු වූ සාහසිකයන් පිරිසක්‌ මේ සිතුවම් මත කොළ පැහැති සායම් තවරා උල් තියුණු ආයුධයකින් ඇන විනාශ කර තිබිණි. මේ සිදුවීමත් සමග අද අපට දක්‌නට ලැබෙන්නේ සිතුවම් කිහිපයකි.

කැටපත් පවුරට අඩි 44ක්‌ පමණ ඉහළින් පිහිටි සිතුවම් ලෙනේ දිග අඩි 60ක්‌ පමණ වෙයි. සිතුවම් ඇඳීමේ තාක්‌ෂණය පිළිබඳව විමසීමේ දී ගලේ රළු බිත්තියේ මතුපිට සුමට කිරීම පිණිස සුවිශේෂී බදාමයක්‌ භාවිත කර ඇත. බදාම සෑදීමේ දී මී පැණි, දිවුල් ලාටු, මකුළු මැටි හුණු යනාදිය භාවිත කළ අතර මේ බදාම සුමට කරන ලද්දේ දහයියා සහ පොල් කොහු සමග කිරිමැටි හා මැටි මිශ්‍ර කර සාදාගත් බදාමයකින් බැව් පුරාවිද්‍යාඥ ආනන්ද කුමාරස්‌වාමි මහතා පෙන්වා දෙයි. වර්ණ නිපදවීමේ දී ශාක යුෂ වර්ග උපයෝගි කරගෙන ඇත. චිත්‍ර වර්ණ ගැන්වීමේ දී බුරුසු සාදා ඇත්තේ වැටකෙයියා කෙඳිවලිනි. බිතු සිතුවම් ඇඳීමේ දී තෙත බදාම තාක්‌ෂණයත් වියළි බදාම තාක්‌ෂණයත් භාවිත කර ඇත.

මේ සුමට බදාමය මත රතු හෝ දුඹුරු රේඛා අඳිමින් චිත්‍රය ඇඳි බවක්‌ දක්‌නට ලැබේ. මෙහි දී සිතුවමේ කිසියම් අංගයක්‌ වෙනස්‌ වූයේ නම් එනම් වැරැදි ආකාරයට සටහන් වූයේ නම් හෝ වෙනස්‌ කර සටහන් කළේ නම් වැරදුණු තැන් මකා දැමීමට චිත්‍ර ශිල්පියා උත්සාහ කර නැති බවක්‌ දක්‌නට ලැබේ. සමහර විට එම වරද තෙත බදාමය නිසා මකා දැමීමට අපහසු වන නිසාත්, මැකීමේ දී බදාමය පලුදු වන නිසාත් වරද නිවැරැදි කිරීමට සිත්තරා උත්සාහ කර නැත. එසේ අපහසුතා ඇති ව වුවත් සිත්තරා තෙත බදාමය භාවිත කළේ සිතුවම් දිගු කලක්‌ පැවතීමට හේතුවක්‌ වන බැවිනි. තෙත බදාමයේ අඳින ලද බැවින් මේ චිත්‍ර ඉංග්‍රීසියෙන් ෆ්රෙස්‌කෝ (Fresco) යනුවෙන් හැඳින්වෙයි.

ක්‍රි. ව. 5 වැනි සියවසේ විසූ කලාකරුවා ගේ කලා රසිකත්වය හා නිර්මාණ කුසලතාව මෙන්ම ඉවසීම හා සංයමය ද මේ චිත්‍රවලින් පිළිබිඹු කරයි.

ඉන්දියාවේ අජන්තා බිතුසිතුවම් සමග සීගිරි බිතුසිතුවම් සසඳන විට අජන්තා චිත්‍ර සම්ප්‍රදායට වඩා සීගිරි චිත්‍ර සම්ප්‍රදායේ වෙනසක්‌ දක්‌නට ලැබේ. අජන්තා ගුහා සිතුවම් ආගමික මුහුණුවරක්‌ ගනු ලැබුව ද සීගිරි සිතුවම් ලෞකික සෞන්දර්යය පිළිබිඹු කරන බවක්‌ පෙන්වයි. හේතුව සීගිරිය කාශ්‍යප රජු ගේ රාජධානියක්‌ වූ බැවිනි.

ආනන්ද කුමාරස්‌වාමි විද්වතුන්ට අනුව සීගිරි චිත්‍රවලින් ශ්‍රී ලංකාවේ විශිෂ්ට කලා සම්ප්‍රදායක්‌ පැවැති බැව් පෙන්වා දෙයි. එසේaම චිත්‍ර නිර්මාණය කළ ශිල්පීන් ඉන්දියානුවන් හෝ වෙනත් අය නො ව ශ්‍රී ලාංකිකයන් ම වන බැව් පෙන්වා දෙන්නේ මේ ලලනා රූපවලින් සිංහල කතුන් ගේ රුව පිළිබිඹු වන බැවිනි.

සිතුවම් විනාශය

වර්ෂ 1967 ඔක්‌තෝබර් 14 වැනි දින රාත්‍රියේ දී අනවසරයෙන් සීගිරි සිතුවම් ගුහාවට පැමිණි සාහසිකයන් පිරිසක්‌ සිතුවම් මත කොළ පැහැති වර්ණයක්‌ තවරා තියුණු උල් අයුධයකින් ඇන කඩා දමා විකෘති කර තිබිණි. මේ සිදුවීමට පෙර මේ චිත්‍ර සියල්ල ම පිටපත් කර තිබුණු අතර අද එම චිත්‍රයේ ස්‌වභාවය දැක ගැනීමට හැකියාවක්‌ නැත. එවකට මෙරට පාලනය කළ අගමැති ඩඩ්ලි සේනානායක මහතාත් සංස්‌කෘතික ඇමැති ලෙස කටයුතු කළ අයි. ඇම්. ආර්. ඒ. ඊරියගොල්ල මහතාත් වහාම ක්‍රියාත්මක වී එවකට බිතු සිතුවම් කලාව පිළිබඳව ලෝ පතල විද්වතකු වූ ඉතාලි ජාතික ආචාර්ය ලුසියානෝ මරන්සි ඔක්‌තෝබර් 22 දින ශ්‍රීලංකාවට ගෙන්වා ප්‍රතිසංස්‌කරණ කටයුතු එතුමාට බාර දී ඇත. ඊට පසු දින සීගිරිය බලා යන විට එවකට පුරාවිද්‍යාඥ කොමසාරිස්‌ වූ රාජා ද සිල්වා මහතා තීන්ත ඉවත් කිරීමේ කාර්යයේ යෙදී සිට ඇත. මෙහි දී ආචාර්ය ලුසියානෝ මරන්සි විසින් ගෙනෙන ලද ඩෙකාපෙක්‌ස්‌ නමැති රසායන ද්‍රව්‍යයක්‌ කපු පුළුන්වලින් පොඟවා ඇතිල්ලීමෙන් තීන්ත ඉවත් කර ඇත. ඉන්පසු පැතලියට සාදාගත් කපු පුළුන් කැබැල්ලක්‌ ට්‍රීලෙන් නමැති රසායන ද්‍රව්‍යයෙන් පොඟවා ඩෙකා පෙක්‌ස්‌ ආලේප කළ මතුපිට නැවත පිරිමැද ඇත. නැවත නැවත මෙය කිරීමෙන් පසු කොළ පැහැති තීන්ත හා කහ පැහැය ද ඉවත් විය. එහි දී චිත්‍ර මතුපිට තිබුණු දිලීර මෙන්ම බෙල් මහතා පලුදු වැසීම සඳහා භාවිත කළ තීන්ත ද ඉවත් විය. මෙයින් සිදු වූයේ මුල් ම සිතුවම නැවත මතු වීම ය. එහෙයින් අද අපට කාශ්‍යප රජ දවස අඳින ලද මුල් ම සිතුවම් දක්‌නට ඉතිරි වී ඇත.

එතැන් සිට අද දක්‌වා ම සීගිරි සිතුවම් මහජනයාට නිදහසේ නැරඹීමට අවස්‌ථාව උදා වී ඇතත් සිතුවම් සංරක්‌ෂණයකට කිසිදු මුලපිරීමක්‌ හෝ මේ වන තෙක්‌ කර නැත. මහජනයා, නිදහසේ වැල නො කැඩී සිතුවම් නරඹති. ආරක්‌ෂාවට කියා පුරාවිද්‍යා දෙපාර්තමේන්තුවෙන�� � නිලධාරීන් සිටිය ද ඔවුන් ගෙන් සිදු වන එක ම සේවාව සංචාරකයන් ගේ අවසර පත් පරීක්‍ෂා කිරීමත් සිතුවම් විදුලි ආලෝක භාවිතයෙන් ඡායාරූප ගන්නේ ද යන්න සොයා බැලීමත් ය. ඔවුන්ට මේ සිතුවම් පිළිබඳව හැඟිමක්‌ නැති බව මේ ලිපිය සකස්‌ කිරීම සඳහාත්, ඊට පෙරත් විටින් විට සීගිරියේ කළ ගවේශන චාරිකාවල දී මේ ලියුම්කරුට දක්‌නට ලැබිණි. මහජනයා වැල නො කැඩී එන සිතුවම් ලෙන් බිත්තියත් මඟී පාලමේ කෙළවරත් අතර ඇත්තේ කුඩා ඉඩකි. එය එසේ විය යුතු ය. එම ඉඩකඩ ප්‍රමාණයට දැරිය නොහැකි ප්‍රමාණයක්‌ සංචාරකයෝ එහි රැඳී සිටිති. තිබෙන කුඩා ඉඩකඩේ උණුසුම ඉහළ යන්නේ ප්‍රශ්වාස වාතයෙන් පිට වන කාබන්ඩයොක්‌සයිඩ් ප්‍රමාණය වැඩි වීම හා පිටතින් පිරිසිදු වාතාශ්‍රයක්‌ සිතුවම් ලෙනට නො ලැබීම නිසා ය. දිගු කලෙක සිට මෙය සිදු වන බැවින් සිතුවම් ලෙනේ සිතුවම් අව පැහැගැන්වීම කලක සිට ඉතා සෙමින් සිදු වන්නට ඇත.

එහෙත් පහුගිය දා අප කාගේත් සිත් සතන් මහත් සංවේගයකට පත් කරමින් පැතිරී ගිය ආරංචියෙන් කියවුණේ සීගිරි බිතු සිතුවම් අවපැහැගැන්වී ඇති බව ය.

මේ ආන්දෝලනය පැතිරීමත් සමග මේ ලියුම්කරු සීගිරිය බලා ගියේ ඇති තතු ඒ සැටියෙන් ම දැන ගැනීමේ අටියෙනි. උත්සාහය සාර්ථක විය. අවශ්‍ය ඡායාරූප ගැනීමට ද හැකි විය. ඉකුත් වසරේ දී එනම් වසර 2009 සැප්තැම්බර් මස මුල් සතියේ සීගිරියේ කළ සංචාරයේ දී බිතු සිතුවම් ලෙන ආවරණය කර තිබුණු කාකි ඝන කපු රෙද්දකින් සාදන ලද තිරය ඉවත් කර කළු පැහැති කෘත්‍රීම රෙද්දකින් සාදන ලද තිරයකින් සීගිරි බිතු සිතුවම් ආවරණය කර තිබිණි. කපු කාකි ඝන තිරය ඉවත් කර කෘත්‍රීම රෙද්දකින් සාදන ලද සුමට කළු තිරය සිතුවම් ආවරණය කිරීමට යෙදීම සිතුවම් අවපැහැ ගැන්වීමට හේතුවක්‌ වූවා විය හැකි ය.

කෙසේ වෙතත් පවතින තත්වය යටතේ සිතුවම් ආරක්‌ෂා කර ගැනීමට සාර්ථක විද්‍යාත්මක ක්‍රමවේදයක්‌ යෙදිය යුතු වන්නේ මේ අවපැහැ ගැන්වීම වඩාත් වේගවත්ව සිදු විය හැකි බැවිනි. වගකිවයුතු අමාත්‍යංශයත් ඊට අදාළ නිලධාරීනුත් මේ පිළිබඳව අවබෝධයෙන් තොර මන්දගාමී පිළිවෙතක්‌ අනුගමනය කිරීම අභාග්‍යයකි.

සීගිරි සිතුවම් සංරක්‍ෂණය කිරීමට විදෙස්‌ විද්‍යාඥයන් ගේ සහාය අවශ්‍ය නැත. මෙරට සිටින විද්‍යාඥයන් ගේ දැනුම හා අවබෝධය ප්‍රමාණවත් වන්නේ ය. එහෙත් වැඩි අවබෝධයක්‌ හා නව ක්‍රමවේදයක්‌ යටතේ සිතුවම් සංරක්‌ෂණය කිරීම උදෙසා විදෙස්‌ විද්‍යාඥයන් ගේ සහාය ලබා ගත්තාට වරදක්‌ නැත. ප්‍රමාද වුවත් තිබෙන තත්ත්ව යටතේ සිතුවම් සංරක්‍ෂණය කිරීමට පෙලඹීම අනාගත පරපුර වෙනුවෙන් කරන උදාර මෙහෙයක්‌ වනු ඇත. සොබා දහම මගින් වසර 1500කට වඩා වැඩි කාලයක්‌ රැක දුන් සීගිරි සිතුවම්වලට සොබාදහමට වින කටින්නට යැමෙන් සිදු වී ඇති හානිය බලධාරීන් අවබෝධ කරගත යුතු ව ඇත.

මහජනතාව තවදුරටත් සිතුවම් අසල ගැවසී ඒවා ඡායාරූප ගනිමින් නැරඹීමට තිබෙන අවසරය ඉවත් කළ යුතු ය. සංචාරකයන් ගෙන් බහුතරයක්‌ සීගිරි පැමිණෙන්නේ හුදෙක්‌ විනෝදය සඳහා ම ය. එහෙත් විද්‍යාත්මක හෝ සෞන්දර්යාත්මක ගවේශනයක යෙදෙන්නකුට සැබෑ සීගිරි චිත්‍ර නරඹා අධ්‍යයනය කිරීමට අවසර තිබිය යුතු වෙයි. එසේ නො වුණ හොත් තවත් දශකයක්‌ වැනි සුළු කාලයෙක දී සීගිරි සිතුවම්වල විනාශය වඩාත් වර්ධනය වීම වැළැක්‌විය නොහැකි දෙයක්‌ වෙයි. 

සැ.‍යු. - මෙය අමල් උඩවත්ත මහතා විසින් 2010 වසරේ විදුසර පුවත්පතට ලියනලද ලිපියක් ඇසුරෙන් සකසන ලද අතර අධ්‍යාපනිකව ඉතාමත් වැදගත් ලිපියක් නිසා මිතුරන් අතරේ බෙදාගැනීමේ අරමුනින් පමනක් මෙය මෙහි පල කරන අතර කිසිදු වානිජ පරමාර්තයක් නොමැති බවත් සියලුම ගෞරවයන් මෙහි ලේඛකයාට හිමිවියයුතු බවත් ස්තුති පූර්වකව සිහිපත් කරමි.

නිදහස් වෙළඳපොළ දිනේවා !!

මිනිසාගේ පුද්ගලික නිදහස සතුට මෙන්ම සම්පත් භුක්තිවිඳිමේ ඇති නිදහස දේපොල රැස්කිරීමේ අයිතිය වැනි කරුනු මෙන්ම නවොත්පාදන බිහිකිරීමේ හැකියාව ඇති ලොව එකම ක්‍රමය නම් ධනවාදයයි.
ධනවාදය හෝ වෙළඳපොල යනු සියලු දේ විසඳන සඳුන් ගැටයක් හෝ සුරබිදෙනක් නොව .මිනිසා මෙතෙක් ජීවත් වීමට සොයාගන්නා ලද සාපේක්ෂ එකම සාර්ථක ක්‍රමයයි. පාලනය ප්‍රජාත්ත්‍රවාදය සේම ආර්ථිකය වෙළඳපොල එහි ප්‍රධාන ලක්ෂණයන් වේ.
මිනිසා යනු විවිධ වූ හැකියා ඇති ආශා බලාපොරොත්තු සේම හැකියා ඇති සත්ත්වයෙකි.පුද්ගලික මිනිසාගේ ඇති කැමැත්ත අවශ්‍යතාවයන් දන්නේ ඔහුම පමනකි.එය ඔහුට පිටින් ඇති කිසිම සංස්ථාවකට සංවිධානයකට පක්ෂයකට දත නොහැකි වා සේම එසේ දන්නේ යැයි සිතීමත් විහිලුවකි.
එකිනෙකාගේ කැමැත්ත මත සිදුවන විවිධ වූ හුවමාරු මැදට පැන ඇති භයානක රකුසා නම් රජයයි !! රජයක් ආර්ථිකය තුල මැදිහත් වන ප්‍රමාණයට නිදහස නිෂ්පාදනයන් සේම මිනිස් ජීවිතයද අවුල් වෙන ප්‍රමාණය මහත්ය.
ධනවාදය යනු තරඟකාරිත්වයයි !!.වෙළඳපොලක අතිමූලික සිද්ධාන්තයනම් තරඟකාරිත්වය මිස අන්යමක් නොවේ. රජයන් ආර්තිකය තුල මැදිහත්ව ඇති කරන විවිධ වූ විකෘතීන්ට ධනවාදය හා වෙළඳපොල චූදිතයකු කරන සෑම දෙනාම තරඟකාරිත්වය ගැන මුනිවත රැකීම යනු ධනවාදය කුමක්දැයි අවබෝධ කර නොගත්ත වුන්ය.

ලිපිය  Krishna Ramanayaka

ස්වභාවික කොරල් වැටියක්ද? රාමායනයේ කියවෙන හනුමාන් තැනූ පාලමද?

ස්වභාවික කොරල් වැටියක්ද? රාමායනයේ කියවෙන හනුමාන් තැනූ පාලමද? 

1800ගණන්වල බ්‍රිතාන්‍ය පාලකයින්ගේ කාලයේ සිටම පෝක් සමුද්‍රසන්ධියේ ඉන්දියාව හා ලංකාව වෙන්කෙරෙන සමුද්‍ර තීරය නාවික ගමනාගමනයට සුදුසු වන ලෙස ගැඹුරු කිරීමේ විවිධ සැළසුම් තිබුණා. විවිධ හේතූන් නිසා අතපසු වෙමින් තිබුණු මේ ව්‍යාපෘතිය, 2005 වසරේදී වර්තමාන ඉන්දියානු රජය මගින් "සේතු සමුද්‍රම් ව්‍යාපෘතිය" ලෙස නැවත දියත්කලා.




http://en.wikipedia.org/wiki/Sethusamudram_Shipping_Canal_Project


මේ නවතම ව්‍යාපෘති සැළසුමට අනුව ලංකාව හා ඉන්දියාව අතර තලෙයිමන්නාරම හා ඉන්දියාවේ ධනුස්කොඩි අතරින් රාමසේතු නමින් ඉන්දියානු පුරාවෘත්තවල සඳහන්වන ප්‍රදේශය හරහා නාවික ගමන්මාර්ගය තැනීමට යෝජනා වුනා.


සේතුසමුද්‍රම් ව්‍යාපෘතියට ඉන්දීය හින්දු භක්තිකයින්ගේ දැඩි විරෝධය

ව්‍යාපෘතියේ මුහුදු මාර්ගය ප්‍රසිද්ධ වීමත් සමග ඉන්දියාවේ භාරතීය ජනතා පක්ශය, විශ්ව හින්දු පාරිශාද්, ශිව් සේනා වැනි දේශපාලන පක්ශවල මූලිකත්වයෙන් හින්දු භක්තික ජනතාව දැඩි විරෝධයක් එල්ල කරා.

ඔවුන්ගේ තර්කය වූයේ මෙම මුහුදු මාර්ගය සඳහා වන කැනීම් වලින් හින්දූන් පූජනීයත්වයේලා සලකන රාමායනයේ සඳහන්වන රාමාගේ පාලම විනාශවී යන බවත්, ඒ නිසා මෙම ව්‍යාපෘතිය වහාම නවතා දැමිය යුතු බවත්ය.


නාසා ඡායාරූප පෙන්වන රාමාගේ පාලම?

සේතුසමුද්‍රම් ව්‍යාපෘතියට හින්දූන්ගේ විරෝධය දැඩිවෙද්දි, නාසා ආයතනය මගින් විවිධ අභ්‍යවකාශ ගමන්වලදී ලබාගෙන මහජනතාවට විවෘත (public domain) වෙබ් අඩවවල ගබඩා කොට තිබූ ඡායාරූප ගණනාවක් අන්තර්ජාලය පුරා හුවමාරු වන්නට වුනා. මෙම ඡායාරූප මගින් රාමාගේ පාලම මිත්‍යාවක් නොව, අභ්‍යවකාශයේ සිට පැහැදිලිව පෙනෙන ගොඩනැගීමක් ලෙස තහවුරු වන බව බව හින්දූන් ප්‍රකාශ කරන්නට වූ අතර භාරතිය ජනතා පක්ශය මෙම ඡායාරූපද සාක්ශි ලෙස සටහන් කරමින් ඉන්දීය ශ්‍රේෂ්ඨාධිකරණයේ නඩුවක් ගොනුකලේ සේතුසමුද්‍රම් ව්‍යාපෘතිය නතර කරන නියෝගයක් පනවන ලෙස ඉල්ලා සිටිමින්. 





ඉන්දීය භූවිද්‍යාත්මක සමීක්ශණ ආයතනයේ ස්ථාවරය

ඉන්දීය ශ්‍රේෂ්ඨාධිකරණයේ සාක්ශි දුන් ඉන්දීය භූවිද්‍යා සමීක්ශණ ආයතනයේ (Indian Geological Survey - IGS) විද්‍යාඥයින් පවසා සිටියේ ගිලී ගිය පෞරාණික පාලමක් මෙන් අභ්‍යවකාශ ඡායාරූපවල පෙනෙන මෙම භූවිෂමතාවය මිනිස් නිර්මාණයක් නොව කොරල් පර හා වැලිකඳු දාමයක් බවයි. මෙහි පෞරාණික ගොඩනැගීම් කිසිවක් දකින්නට නොලැබෙන බව ප්‍රකාශකල ඔවුන් ඒ අනුව රාමසේතු ලෙස හින්දු පුරාණයේ සඳහන්වන්නේ මිත්‍යාවක් මිස සැබෑ ගොඩනැගීමක් නොවන බව තම ස්ථාවරය ලෙස ප්‍රකාශකලා.


වාල්මිකීගේ රාමායනයට අනුව රාමසේතු හෙවත් රාමර් පාලම්





සීතා බේරාගැනීමට ලංකාව බලා යන රාම, ලක්ශ්මන හා හනුමාන්හට ධනුස්කොඩියේදී මුහුදින් එතර වන්නේ කෙසේදැයි යන ගැටළුව ඇතිවුනා. රාම කෙරෙහි අතිශය භක්තියෙන් සිටි හනුමාන්, සිය වානර හමුදාව සමග එක්ව රාමගේ නම ලියැවූ විශාල ගල් එකමත එක තබා රාමට හා හමුදාවට මුහුදින් එතරවී රාවනා රජුගේ රාජධානියට ඇතුලුවීමට පාලමක් තනාදුන් බව වාල්මිකී සිය පුරාවෘත්තයේ සඳහන් කරනවා. මෙයට රාමගේ පාලම හෙවත් රාම සේතු (සංස්කෘත භාෂාවෙන් සේතු=පාලම ) ලෙස හැඳින්වූ බව රාමායනයේ සඳහන්.


මේ ප්‍රදේශ පුරාණයේ සිට රාමාගේ නමින් ප්‍රසිද්ධව ඇත්තේ රාමා රාවන යුද්ධය සැබැවින්ම සිදුවූ නිසාද?

මෙම ප්‍රදේශය රාම කුමරා හා ඔහුගේ පාලම ආශ්‍රයෙන් නම්කොට තිබුණු බව පැරණි සිතියම් හා ගවේෂකයින්ගේ වාර්තාවල දැක්වෙනවා.

පර්සියානු දේෂගවේශකයෙකු වූ ඉබන් කොර්දාද්බේ, කි.ව 850දී ලියූ ග්‍රන්ථයක මෙම ප්‍රදේශය "සෙත් භන්දායි - මුහුදු පාලම" ලෙස හඳුන්වා තිබෙනවා.

1747දී ඕලන්ද ජාතික සිතියම්කරුවෙකු විසින් සිය සිතියම්වල මෙම ප්‍රදේශය "රාමන්කොයිල්" ලෙස නම්කොට තිබෙන අතර ඔහු මෙම ප්‍රදේශය එලෙස නම්කරන්නට ඇත්තේ රාමේශ්වරමේ ඇති රාම දෙවිඳුගේ දෙවොලට දෙමළ භාශාවේ හැඳින්වෙන "රාමන් කෝවිල්" යන නාමය අනුසාරයෙන් බව පැවසෙනවා.

1788 ජේ රෙනෙල් නම් නැවියෙකු සැකසූ සිතියමකද මෙම ප්‍රදේශය රාම දෙවොලේ ප්‍රදේශය ලෙස හඳුන්වා තිබෙනවා.

මාකෝ පෝලෝ මෙම ප්‍රදේශය "සේතුභන්දනම්" ලෙස සඳහන්කර ඇති බව පැවසෙන අතර (විකිපීඩියා), රාමායනයේ යම් ස්ථානවල, රාමාගේ පාලම "සේතුභන්දනම්" ලෙස හැඳින්වෙන බව සටහන්වී තිබෙනවා.


රාමාගේ උපත මීට වසර 7000කට පෙර, එනම් අයිස් යුගය අවසන්වී කෙටිකලකින් සිදුවුනිද?

අයිස් යුගය අවසන්වූයේ මීට වසර 10,000කට පෙරය.

ඉන්දියානු පර්යේෂකයින් දෙපොලක් වන පුශ්කාර් භාත්නාගර් හා ඩී.කේ හාරි ගේ පර්යේෂණවලට අනුව, රාමායනය ලියූ වාල්මිකී රාම කුමරුගේ සමකාලීනයෙකි. රාමකුමරු, සීතා නැවත ලබාගැනීම සඳහා කල සටන වාල්මිකී සියැසින් දකින්නට ඇති බව පවසන මොවුන් මෙයට සාක්ශි සඳහා වාල්මිකී විසින් රාමායනයේ විවිධ පරිච්ඡේදවල විස්තර කොට ඇති එදවස අහසේ තරුසලකුණු හා ග්‍රහ පිහිටීම් පිලිබඳ විස්තර උපයෝගී කරගත් බව පැවසෙනවා.

ඔවුන් මෙම ග්‍රහපිහිටීම් අතීතයේ හා අනාගතයේ අහසේ තාරකා හා ග්‍රපිහිටීම් නිවැරදිව පෙන්වාදෙන පරිගණක වැඩසටහනකට (මෙවැනි පරිගණක මෘදුකාංග ඉතා සුලබයි) ඇතුලත් කොට ඒ අනුව, රාමායනය ලියූ දින වකවානුත්, රාමාගේ උපත සිදුවූ දින වකවානුත් ගණනය කරගත් බව පවසනවා.

ඔවුන් මෙම පර්යේශණ වාර්තා සේතු සමුද්‍රම් ව්‍යාපෘතියට විරුද්ධව ඉන්දීය ශ්‍රේෂ්ඨාධිකරණයේ ගොනුකකල නඩුවේ පැමිණිලි කාර පක්ශවල සහයට ඉදිරිපත් කොට තිබෙනවා.

ඔවුන්ගේ ගණනය කිරීම් වලට අනුව රාම කුමරු;

ඉපදී ඇත්තේ ක්‍රිස්තුපූර්ව 5114, එනම් මීට වසර 7000කට පෙර
රාම කුමරු රජකමට පත්වූයේ වයස අවුරුදු 25දීය
රාම, රාවණ රජු හීයකින් විද මරාදමනවිට වයස 39හි පසුවිය

මූලාශ්‍ර : 1 , 2 , 3


රාමගේ හමුදාව ලංකාවට ගෙන යන්නට, "වානර වහලුන්ගේ" ශ්‍රමයෙන් නොගැඹුරු මුහුදේ කොරල්පර යාකොට රළු පාරක් තනාගත්තා වන්නට බැරිද?

රාම රාවණ යුද්ධය සිදුවන්නේ (මේ සියල්ල සත්‍යය යැයි උපකල්පණය කලවිට), අයිස් යුගය අවසන්වී වසර 3000ක් වැනි කෙටි කාලයකින්ය.

අයිස් යුගයේදී, මුහුදුමට්ටම දැනට වඩා ඉතා පහලින් තිබුණු බව පිලිගත් විද්‍යාත්මක සත්‍යයකි (දැන් මුහුදු මට්ටම ඉහල යමින් තිබෙන්නේ ලෝකය වේගයෙන් උණුසුම් වීම නිසා අයිස් දියවෙමින් යන නිසාය)

ඒ අනුව දැන් නොගැඹුරු මුහුදින් වැසී ඇති මේ භූමි තීරුව එකල්හි මුහුදින් ඉහලට මතුවූ කොරල්පර හා වැලිපර රාශියකින් එකිනෙක යාවී තිබෙන්නට ඇතැයි උපකල්පණය කල හැකිය.

කෙනෙකුට හෝ කුඩා නඩයකට පයින් යන්නට හැකි වුවත් හමුදාවක් හා හමුදාවට අවශ්‍යය සැපයුම්, ඇතුන්, අශ්වයින් සිය ගණනක් ගෙනයන්නට තරම් නොසුදුසු, උදම් රළට යටවන, ඇතැම් තැන්වල එරෙන වැලි ඇති භූමිතීරුවක් යයි උපකල්පණය කිරීම එතරම් වැරදි නොවේ.

එසේනම්, මේ නුසුදුසු භූමි තීරුව හමුදාව ගෙනයාමට සුදුසු ලෙස සකසා ගන්නට ඇතැයි උපකල්පණය කරන්නට පුළුවන. එසේනම් වාල්මිකීගේ රාමායනයේ එන රාමසේතු පාලම එතරම් විශ්වකර්ම ක්‍රියාවක් නොව, හමුදාවක් පහසුවෙන් රැගෙනයාම සඳහා කරන ලද ප්‍රායෝගික ක්‍රියාවක් යැයි සිතන්නට පුලුවන.

සන්සන්දනයක් කරනවානම්;

චීනුන් තැනූ සැතපුම් දහස් ගණනක් දිග චීන මහා ප්‍රාකාරය හා සමකරනවිට, හනුමන්තාගේ හැතැප්ම 18ක පාලම කජ්ජක්දැයි කෙනෙකුට සිතෙන්නට පුලුවන.


වාල්මිකි කියන, රාමගේ වානර හමුදාව, රාම විසින් වහල්සේවයේ යොදවාගත් නොදියුණු මනුශ්‍ය කොට්ඨාශයක් වන්නට නොහැකිද?

සුදු ජාතිකයින්, නොදියුණු අප්‍රිකාවට කඩා වැදී ලක්ශ ගණනින් අප වැනිම මිනිසුන් වහල් කමට රැගෙන ගොස් ඔවුන්ගේ ශ්‍රමයෙන් රේල් පාරවල්, පාලම්, බෝක්කු, වරායවල් තනවාගත්තානම්; ඔවුන් තවමත් කලුහම පහත් කොට සලකනවා නම්;

අවුරුදු 7000කට පෙර රජ කුමරෙකු වූ රාමට, එකල නොදියුණු ගෝත්‍රයක ජනකායක් සිය හමුදාව සඳහා වහල් මෙහෙයට යොදවාගන්නට නොහැකි වුනිද?

බමුණු කුළයේ වාල්මිකීට, මේ අසරණ වහලුන් වානරයින් මෙන් පෙනීම හා එලෙසම ලීවීමද එතරම් පුදුමයට කාරණයක් නොවේ!


15වැනි ශතවර්ශය වනතෙක් රාම පාලම මුහුදින් ඉහල තිබුනාද?

Encyclopedia of Hindu World (1992) නම් ග්‍රන්ථය රාමේශ්වරමේ ඇති රාම දෙවිඳුන් සඳහා වන කෝවිලෙහි වාර්තා උපුටා දක්වමින් සඳහන් කරන්නේ රාම පාලම ලෙස හඳුන්වන මෙම භූමි තීරුව ධනුස්කොඩියේ සිට තලෙයිමන්නාරම දක්වාම පයින් යා හැකි තරමට ජලයෙන් ඉහලට තිබූ බවයි. මෙය ජලයෙන් යටවී ගියේ 1480දී ප්‍රදේශය හරහා හමාගිය මහා කුණාටුවකින් රළුවූ මුහුදට සේදී ගිය පසුව බව එම ග්‍රන්ථය සඳහන් කරනවා.

මේ ලිපිය උපුටා ගැනීමකි-:විද්‍යා ගවේෂණ

ආයෙත් අහු වෙනවද?

මීට අවුරුදු කීපයකට කලින් සිහල උරුමය පක්ශය පටන් ගත්තෙත් බොහොම ශ්‍රද්ධාවෙන්. හාමුදුරුවො ඉස්සරහට දාගෙන, බණ කැසට් පටි බෙදල මහා සිංහල නැගිටවීමක් එක්ක ධර්ම රාජ්‍යයකට යන්න තමයි ගියෙ. හැබැයි වයසක උපාසකම්මලගෙ ඉඳං තරුන කොල්ලො වෙනකන් ඔක්කොම රැවටුනා නේද? ඒකට මූලික උන අය තම තමන්ගෙ බඩ වඩාගත්ත හෝ අනිත් පරිනත දේශපාලකයන් ගෙ අතකොලු උනා නේද? 
දැං සිංහළ සහ බෞද්ධ කියන දෙකම ඉස්සරහට දාගෙන තොවිලයක් නටන්න යනව. ආයෙත් අහු වෙනවද?

ලිපිය Sandun Wisidagama

අපේ නිදහස

මානව නිදහස අගයන ලෝකයේ බොහෝ රටවල පොදු ප්‍රවාහණ සේවා තුළ ගීත හෝ වෙනත් ශබ්ධ විකාශනයන් කියාත්මක කිරීම නීතියෙන් තහනම්ය. ඒකට හේතුව එවැනි වාදනයන්ට අකමැති අයට එමගින් සිදු වන හිරිහැරයයි. මේ මගින් ලංකාවේ මිනිසුන් සැළකිය යුතු ගණනක් බස් හිමියන් විසින් දිනපතාම අතවරයට ලක් කෙරුණද ගැමුණු විජේරත්න නම් පුත්තලම් බූරුවා ඒවා ගැන කතා කල බවක් අප අසා නැත

කොල්ලුපිටියෙන් පටං ගන්නා 175 ප්‍රයිවට් බස් එකක් අයිඩීඑච් හන්දියට ලඟා වෙන්න බොහෝ විට විනාඩි 70-75ක පමණ කාලයක් වැය කරයි. අත්දැකීමෙං දන්නා පරිදි කඩල ගොට්ටක් කකා මේ දුර පයිං ගෙවා යන්නෙ නම් ගත වන්නේද විනාඩි 90කට මදක් එහා මෙහා වුණ කාලයකි. බස් එකට ගත වෙන විනාඩි 70ට රාජගිරිය බොරැල්ල හන්දි වල නවත්තා ගෙන ඉන්නා විනාඩි 20- 25 ද ඇතුලත්ය. මේක 175ට පමණක් නොව තවත් බොහෝ බස් මාර්ග වලට අදාළ ප්‍රශ්නයකි. ඒත් ගැමුණු විජේරත්න නම් අළුගුත්තේරු නස්කූනියා මේ ගැන මොකවත් කියනවා අප අසා නැත

මරන්න ගෙනියන හරක්ට කුකුලන්ටත් ලොරියක ගෙනියන්න පුළුවං උපරිම ගණනක් තිබුනද ප්‍රයිවට් බස් වලට මිනිස්සු පටවන්න එහෙම අගයක් නැත. 42 දෙනෙකුට ආසන තිබෙන බස් වල මිනිසුන් 140ක් පටවා ගෙන යන අවස්ථා ඕනෑ තරම් තිබේ. ටිකට් දෙන්නෙ නැති කේස් මාරු සල්ලි නොදෙන කේස් ගැන නං කතා කරලාම වැඩක් නැත. හැබැයි ගමුණු විජේරත්න අසමජ්ජාති තක්කඩියා මේවා මොකවත් ගැන කතා කරනවා අප අසා නැත

කොටිංම කියනවා නං අවම බස් ගාස්තුව අච්චරක් දක්වා වැඩි කලේ නැත්තං අහවල් දවසේ ස්ට්‍රයික් කරනවා කියන එක ඇරෙන්න වෙන මොකක් වත් බස් ගැමුණුවාගේ කටිං කතා කරනවා අප අසා නැත. ඒත් මේකා අර ප්‍රශ්න ඔක්කොම තියෙද්දී දැං කතා කරන්නේ බස් වල අලවා ඇති "සිංහලේ" ස්ටිකර් ගලවන එක ගැනය

"සිංහලේ" ස්ටිකර් එක ගොංපාට් එකක්ද නැද්ද කියන එක වෙනම කතාවකි. ඒත් මේ රටේ ඕනෑම මිනිහෙකුට තමුංගේ වාහනේ තමුන්ට ඕනෑ විදියට ස්ටිකර් අලවාගන්න ගොං ගැමුණුවාගෙං අවසර ගන්න වෙන එක ඊට වඩා අන්ත ගොංපාර්ට් එකකි.

අරුන්දෑ ඇට කටු ටික තලාපු වෙලාවෙ වත් බැරි වුණා නෙ මුගේ දත් දෙක තුනක් ගලවල දාන්න

ලිපිය  Ravisha Thilakawardana

unsure emoticon

කතිකාවට

බෞද්ධ කතාවක මෙහෙම තියනවා මතකයි.
ගෙදරක මුගටි පැටියෙක් ඇති කරනවා. මේ ගෙදර වැඩිහිටියො නැති වෙලාවක මුගටියා දකිනවා ගෙදර පොඩි එකා ගාවට නයෙක් කිට්ටු වෙනවා. ඉතින් මුගටියා අර නයාව කෑලි කරනවා. ලමයව බේරගන්නවා.
මුගටියට හෙන සතුටුයි. ස්වාමි දුව එද්දි ඉස්සරහට දුවගෙන එනවා.
මුගෙ කට පුරාම ලේ. මගේ පුතාව කෑව නේද කියල එතනදිම අර තමන්ගෙ දරුවව බේරපු මුගටියගෙ ඔලුව තලලා මරල දානව. කරුණු තෙරෙද්දි හැමදේම වෙලා ඉවරයි.

මෙකෙන් අපට ගන්න තියෙන්නෙ දෙයක් කරන්න කලින් හිතාබලන්න කියන එක. හැබැයි ඒ මනුස්සයගෙ පැත්තෙන් නෙවේ. මුගටියගෙ පැත්තෙන්.

ඔව්.
මිනිස්සුන්ට උදව් කරන්න කලින් ගොඩක් හිතන්න
උන් මුලින්ම දකින්නෙ ලේ.
නයාගෙ කෑලි දකින්නෙ ගොඩක් පහු වෙලා. සමහරු නයාගෙ කෑලි දකින්නෙම නෑ. තමන්ගෙ හිත පිරිසිදුනම් එයාල කොහොම ගත්තත් කමක් නෑ නෙවේ. මතක තියාගන්න ඕනෙ පොඩ්ඩ වැරදුනොත් කුඩුවෙන්නෙ තමන්ගෙ ඔලුව.

ඉතින් කවුරු වෙනුවෙන් උනත් දෙයක් කරද්දි මේක පිටට වගේම එයාලට පේන්නෙ කොහොමද කියල හිතන එක ගොඩක් වැදගත්.

ලිපිය  Asela Niroshan

බාලිකා පාසල් ළඟ රස්තියාදු අයියලා

2016 ජනවාරි මස 29 17:02:26 | ලංකාදීප කර්තෘ මණ්ඩලය

අගනගරයට නුදුරු ප්‍රදේශයක බාලිකා පාසල් කීපයක් හා ටියුෂන් පංති ආශ්‍රිතව සිද්ධ වෙන තවත් ජාවාරමකි. මේ තොරතුරු කාලයෙන් හෝ මේ ලිපිය කල් ඉකුත්වීමෙන් යටපත් නොකර කාගෙ කාගේත් ඇස් ඇරේවායි අපි ප්‍රාර්ථනා කරමු.
දරුවො කොයි මවුපියන්ටත් තමන්ගේ පණට සමාන වේ. දරුවන් වෙනුවෙන් අම්මලා - තාත්තලා නොකරන දෙයක් නැත. කනකර උගස් තබා හෝ මාපියන් වෙහෙසෙන්නේ ළමයින්ට ඉගැන්වීමටය. උදේ පාන්දර දරුවන් අවදිකරවා ආහාර සකසා කවා පොවා පාසල් වෑන් රථයට ගොඩකරන්නේ දහසකුත් බලාපොරොත්තු මධ්‍යයේය. මේ බලාපොරොත්තු පොදි බැඳන් අග නගරයට හෝ ටියුෂන් නගරයට ඇදෙන පුංචි පැටවුන්ගෙන් එකෙක් දෙන්නෙක් කාමාතුරයන්ගේ ග්‍රහණයට යන කතාවේ එක කොටසක් මෙසේ දිගහරිමු.

දරුවෙක් පාසල් වෑන් එකට ඇතුළු කළාට හුඟාක් මවුපියො හිතනවා, දැන් ඉතින් දරුවා පරිස්සම් කියලා. ආයෙත් මේ දරුවා ගැන අම්මා තාත්තා බලන්නෙ හවසට වෑන් එකේ ගේ ළඟින් ගෙනැත් බැස්සුවාම. මේක නේද ඇත්ත. අතුල මහතා මගෙන් විමසයි.

ඔහුගේ කතාව ඇත්තකි. පාසල් කාලය තුළ ළමයා ගැන කිසිම හෝඩුවාවක් මවුපියන් නොදනිති. ටියුෂන් ගැන ඊටත් එහාය. ඔබේ දරුවන් සියල්ල පාසල් කාලය තුළ පරිස්සම්ද? ඔබ පරිස්සම් බව විශ්වාස කරනවාද? අපි ඔබෙන් අසමු.

“මහත්තයො ළමයි පාසල්වලට ගේන සමහර වෑන් වගේම ත්‍රිරෝද රථ රියදුරන් ගැන ඇත්ත කතාවක් කියන්නම්. අතුල මා කැඳවාගෙන කොළඹට වාහන ඇතුළුවන එක ප්‍රදේශයකට ඇදෙයි.

“මෙන්න එක පාසලක්” උසස් අධ්‍යාපනයෙන් ජය දද බැන්ද බාලිකා පාසලක් ළඟ ඔහු නතර විය.

“රියදුරන් කරන්නෙ වෘත්තියක්. ඒ වෘත්තිය වගකීම, විනය රකින අය විශාල පිරිසක් ඉන්නවා. හැබැයි සල්ලිවලට ඔය සියළු දේ විනාශ කර ගන්න රියදුරෝත් ඕනෑ තරම්. ඒ කියන්නෙ සල්ලි දෙනවා නම් ඕනෑම කුණු බාල්දියක් නා ගනී.

“තරුණ පිරිමි ළමයෙක් වුණත් - ගෑණු ළමයෙක් වුණත් හැඟීම් දැනීම් දැනෙන කොට, දඟකාර වයසට එනකොට ජීවිතේ විඳින්න ඕනෑ කියන හැඟීම් එයාලට මතුවෙනවා. අවුරුදු 14 - 15 පැන්නම ඉතින් ඒක නවත්වන්න බෑ. මේ දරුවො දකින්නෙ යට ඇඳුම් ගලවල ගායකයො අතට විසි කරන ලෝකයක්. ලාංකීය කාන්තාවන් ප්‍රසිද්ධියෙ ගායකයො බදාගන්න දේවල්. යට ඇඳුමක් ඇන්දොත් ඒකෙත් පාට හැඩය විතරක් නෙවෙයි යට ඇඳුමෙන් ඇවිදිනවා වගේ පේන සමාජයක්. මේ සමාජය තුළයි අපේ අම්මලා දරුවන්ට යහ මාවත කියා දෙන්න උත්සාහ කරන්නේ.”

අතුල මහතා කතාවට පූර්විකාවක් දෙයි.

තරුණ රියදුරෝ අවුරුදු 15-16 ගෑණු ළමයි එක්ක යාළුයි. එසේ තියන වයසට සමහර දැරියො තමන් යාළු වෙන්නෙ කවුරු එක්කද කියලා හිතන්නෙ නෑ. විශේෂයෙන් ටියුෂන් යන අවු. 16-17-18 ගෑණු ළමයි හිරට හිරේ කලිසම් ඇඳන් යනකොට මේ අයට දැල දාන සමහරු හන්දියෙ කරක් ගහන රස්තියාදුකාරයො. පච්චකොටාගෙන අත් නැති බැනියම් ඇඳපු අයියලා. ගම්පහ - කුරුණෑගල “ලයින්” කරල බලන්නකො බොරුද කියලා. ඉතින් විසේකාර වයසෙ ගෑණු ළමයි මේ අයියලට රැවටෙනවා. අයියට ලස්සන මෝටර් බයිසිකලයක්, ත්‍රීවීල් එකක් තියනවානම්, පච්චත් කොටාගෙන නම්, අතේ කරේ යකඩ දම්වැල් දාගෙන නම් සමහර ගෑණු ළමයි එයාලට “සෙට්”.

කතාව ඒක නෙවෙයි. ඔය සමහර තරුණ පාසල් රියදුරනුත්, නගරවල සැරිසරණ රස්තායාදුකාර කණ්ඩායමකුත් ගෑණු ළමයි අල්ලාගෙන විකිණීමේ විශාල ජාවාරමක් ගෙනයනවා.

එය පුදුම කතාවකි. දැරියක් හා යාළු වීමට ඔවුන්ට හැකිවීම කාලයේ තාලයටත් සමාජය යන ක්‍රමයටත් අරුම නැත. එහෙත් මේ දරුවන් විකුණන්නේ කෙසේද?

“මෙහෙමනෙ මහත්තයෝ.. පාසල් යන ගෑණු ළමයෙක් අවුරුදු 30-32 ක කොල්ලෙක් එක්ක යාළු වෙනවා කියන එක පුදුම වෙන්න එපා. ඒක ඉතාම සරල දෙයක්. රටේ කොහෙත් කොතැනත් ලක්ෂ ගාණින් වෙන දෙයක්. ටියුෂන් යන ගර්ල් කෙනෙක් එක්කගෙන කොහෙහරි රිංගන එක මේ රස්තියාදුකාර අයියලට කජ්ජක් නොවෙයි. සමහර ටවුන්වල ඔය ඕනෑතරම් කාමර තියෙනවා කියලා බෝඞ් ගහල තියෙනවා. සංචාරකයො එනවද?

හැබෑවටම ඊට පිළිතුරක් නැත. “ගිහිං බලන්නකො.. මේ ටවුන්වල කාමර තියන තරම්. කාටද මේවා. සංචාරකයන්ට නොවෙයිනෙ.”

එසේ නම් මේ කාමර ලැබෙන්නේ අනියම් සබඳතා සහ පාසල් වයසේ ශිෂ්‍ය ශිෂ්‍යාවන් වෙනුවෙනි.

“හුඟක් රස්තියාදුකාර අය ළමයෙක් යාළු කරගෙන ගස් අස්සට රිංගල ඔය ළපටි ළමයින්ගෙ හැඟීම් අවුස්සනවා. කොටින්ම කරන දේවල් - පෙන්වන ඒවා සාමාන්‍ය ඒවා බවට ඔවුන් සපථ කරවනවා. ඊට පස්සෙ ජංගම දුරකතනවලින් වීඩියෝ කරගෙන ෆොටෝ අරගෙන ඔය ගෑණු ළමයි බය කර ගන්නවා. බ්ලැක්මේල් කරනවා.

“ඔයාට කාටවත් කියන්න බෑ. ඔයාගෙ සෙල්ලම් සේරම මම ළඟ. මා කියනදේට කැමති නොවුණොත් මම මේවා සී.ඩී. කරලා ගෙදරට එවනවා!”

ඉන්පසුව මේ ගැහැණු දැරියන් කාමාතුරයකුගේ අත්අඩංගුවට පත්වී හමාරය. ඇයට අත්අඩංගුවේදී වැඩිමහලු පිරිමියා කියන කියන දේ කරන්නට සිදුවේ.
“සමහර රියදුරෝත්, ටියුෂන් පංති අසළ සැරිසරන කණ්ඩායමකුත් මේ ජාවාරමේ ඉහළින් ඉන්න අය. ඒ අය මේ ගෑණු දරුවො යාළු කරගෙන ලොකු ලොකු මහත්වරුන්ට විකුණනවා. සමහර ලොකු මහත්වරුන්ට ලස්සන නෝනල හිටියට එයාලා ඒ නෝනලට කැමති නෑ.

යන්න ෆ්‍රාඩෝ, බෙන්ස් තිබුණට ජීවිතේ “රසය” විඳින්න විදිහක් නැතිව හිතෙන් දුක් විඳිනවා. ඒ සමහර මහත්තුරු තරැවුකාරයො දාලා මේ පාසල් වාහන රියදුරන්ගෙන්, ටියුෂන් ආශ්‍රිතව ඉන්න රස්තියානු කාරයින්ගෙන් ළපටි ගර්ල්ස්ලා මිලට ගන්නවා. එහි ප්‍රධානම සැපයුම් ක්‍රමවේදය තමයි ගෑණු ළමයකු සමග යාළු වී ඇයව විවිධ අසභ්‍ය දේට යොමු කරනවාගෙන බ්ලැක්මේල් කර තිබීම. මේ වාහන රියදුරන් ළඟට එන තැරැවුකාරයො මල්ලි සර්ට අලුතෙන් මොකුත් කෑල්ලක් නැද්ද අහනවා.
23-rasa-P1--(2)

ඉන්නවා අවුරුදු 16යි. එහෙම කිවුවම ඉහේ මල් පිපෙනවා.

කීය වුණත් මේ වගෙ පුංචි පැටවු අර මහත්වරුන්ගේ තුරුළට යනවා. ලස්සන ගණිකාවක් හයර් වෙන ගාණට වඩා හතර පස් ගුණයකට මේ දැරියො හයර් වෙන්නෙ. අවසානෙ මේ දැරියන්ගෙ තාත්තලටත් වඩා බොහොම වයස පිරිමි එක්ක මේ දරුවො එකට ඉන්නවා.

අර රියදුරු අයියල, රස්තියාදුකාර සෙට් මහත්තයගෙ ගෙදරටම ගිහින් ගර්ල්ව බස්සනවා. නැත්නම් ළඟම කාමරයකට එන්න කියලා එතැනට සේවාව සපයනවා. ගර්ල්ව ගෙනිච්චහම මුදලෙන් භාගයක් ඔවුන්ට. ඉතිරි භාගය අර අවුරුදු 15-16-17 ගෑණු ළමයි අතට.!

“මේ ගර්ල් එක්කන් එන්නෙ පාසල් ඇඳුම පිටින්නම් ගෙවන ගාන තවත් වැඩියි. ළමයාගෙ වයස 18 න් අඩු වෙන තරම අනුවත් ගාණ තීරණය වෙනවා.
ඒ අනුව ළපටි ගැහැණු ළමයි වෙනුවෙන් මෙවැනි ජාවාරමක දැලක් එළී තිබේ.

සල්ලිකාර මහත්වරුන්ගේ ලොකු ලොකු මුදල්වලට අසරණ වූ දැරියෝ සිය අනාගතය රහසේම කෙළෙස ගනිති. මේ සියල්ල ගේ දොරට “වහං” වී ඇත. දෙමාපියන්ට “වහං” වී ඇත. මේ දරුවන් අවසානයේ නතර වෙන්නේ කොතැනද? අවුරුදු 15-16-17 දී දහස් ගණන් මුදල් අතගාන ඔවුන්ට අධ්‍යාපනයෙන් එහා ගිය අලුත් ලෝක මැවී පෙනේ.

ඔය සමහර ගෑණු දරුවන්ට සිගරට්, මත්වතුර පොවනවා. සමහර මැදිවයස් පුද්ගලයො විකෘති ආශාවන්වලට ඔවුන් යොදවා ගන්නවා. මේක බරපතළ ජාවාරමක්. වගකිවයුතු අය මැදිහත් වෙලා ටියුෂන් පංති නගර හා ජනප්‍රිය කාන්තා පාසල් අවට ලැගුම්හල් පරීක්ෂා කළොත් මේ රහසේ කොටසක් හෙළිකරගත හැකිය. පළවෙනි දේ වයස් සීමාව. අවුරුදු 18 අඩු ගෑණු දරුවෙකුට කොහොමත් කටුයහන තහනම්. නමුත් එවැනි දරුවෙක් අවුරුදු 40-45 ක කෙනෙක් සමග සිටිනවා නම් එතන යම් ජවාරමක් තියෙන්න පුළුවන්. ඒ නිසා කවුරුත් අවධානයෙන් ඉන්නවා නම් පාසල් ගිය දරුවා, ටියුෂන් ගිය දරුවා එහි ඉන්නවාද කියල දෙමාපියන්ට සෙවිය හැකිනම් එය තමයි ලොකුම දේ. හොයන්නෙ නැති බව දන්න දරුවන් මේ වැඬේට පහසුවෙන් ඇදී යනවා.”

“කාම වෙළෙඳපොළ” වහන්න පියවර ගනිමු

අඩු වයස් ගැහැණු දරුවන්ට වැඩි ඉල්ලුමක් පැවතීමත්, වැඩි වයස් කාන්තාවන්ට අඩු ඉල්ලුමක් පැවතීමත් පසුගිය දශකය තුළ සීඝ්‍රයෙන් ව්‍යාප්ත වෙන කාම රාගය පිළිබඳ වෙළෙඳපොළේ එක්තරා පැතිකඩකි. පොදු ජනතාව හිතනවාට වඩා කාම වෙළෙඳපොළ වෙනස් වී ඇත. ගණිකාවන් සැපයීම යන මාතෘකාව තුළ විශාල වශයෙන් අවුරුදු 15-16-17 ගැහැණු දැරියන් කොටු කරමින් පවතින සමාජයක මාපියන් හැටියට ඔබට ඔබේ දරුවන්ට රැකවරණය දීමට සිදුවී ඇත. මෙතැනදී දෙමාපියන් සිහි කටයුතු කරුණු කීපයක් ඇත.
sdg
ඉන් එකක් නම් “ටියුෂන්” සංස්කෘතිය දෙස කවුරුත් මීට වඩා අවධානය යොමු කළ යුතුව ඇත. පාසලේදී ආවරණය නොවන විෂය නිර්දේශය ටියුෂන් පන්තියේදී ආවරණය කිරීම යන තැනින් ඔබ්බට දේවල් මවුපියන් සිතිය යුතු කාලය උදාවී ඇත. එයට හේතුව අමතර පන්ති හරහා බරපතළ සමාජ ව්‍යසන රැසකට දරු පරම්පරාව සීඝ්‍රයෙන් ඇදී යාමේ ප්‍රවණතාවක් උදාවී ඇති හෙයිනි.

විශේෂයෙන් ටියුෂන් ගමන හරහා ළමයින්ගේ කාමුක හැඟීම් උද්දීපනය වෙන ආකාරයට ඒවාට පවතින දොරටු, කාමය සඳහා ටියුෂන් ව්‍යාපාර හා ඉන් පිටත සමාජය විවෘත වී ඇති ආකාරය පිළිබඳව මවුපියන්ගේ මනා අවධානය අත්‍යාවශ්‍ය වේ.

අවුරුදු 14-15-16-17 වැනි සංක්‍රාන්ති විය ගෙවන දැරියන්ගේ අදහස් - සිතුම් පැතුම් විලාසයන් මවුවරු තේරුම් ගත යුතුය. එය හුදෙක්ම විය යුත්තේ තමන්ගේ ළමා කාලය හා ගළපා සංසන්දනය කර නොව, වත්මන් සමාජීය දැනුමට සාපේක්ෂවය. ඊට හේතුව එදාට වඩා අද ළමයින්ගේ මානසික ස්වභාවය සම්පූර්ණයෙන් වෙනස් වී ඇති හෙයිනි.

එසේම එම වයස්වල සිටින තරුණ දියණියන්ට සමාජයේ පවතින කාම රැල්ල දෙමාපියෝ තේරුම් කර දිය යුතුය. නූතන තරුණයා අන්තර්ජාලය හා ත්‍්ජැ ඉදදන හරහා, කාම චිත්‍රපට හරහා, සමාජයට අතිශය විවෘතව බැසගෙන ඇත. එම සමාජය තුළ ඔවුන් හා ගනුදෙනු කරන ගනුදෙනුකාර භවතුන් විවිධ වියෙහි පසුවන්නෝය.

සමහරු විවාහ වී සිටියද රහසේ අනියම් සබඳතා හතර පහ පවත්වති. පසුගිය දිනවල එක්තරා මාධ්‍යක පළවුණු ප්‍රවෘත්තියකින් කියැවුණේ පසුගිය වසරේ කොළඹ නගරයේ විවාහ ලියාපදිංචි කළ ප්‍රමාණයට වඩා දික්කසාද වූ ප්‍රමාණය ඉහළ ගිය අන්දමය.

එවැනි සිදුවීම් හරහාද අනියම් අන්දමින් ඔබගේ දියණිවරුන් මිල මුදලට, හා වෙනත් බලහත්කාරකම් - රැවටීම් මත ග්‍රහණය කරගන්නා පසුබිමක් නිර්මාණය වී ඇත.

මේ කාමුක වෙළෙඳපොළ ගැන දරුවන්ට හිතන්නට මාපියන් කතා කළ යුතුය. අධ්‍යාපනය හා වෙනත් දේම නොව විවෘතව ඔබේ දරුවා මුහුණ දෙන සමාජයේ පළිබෝධ දරුවාට තේරුම් කළ යුතුය.

ලාබාල දරුවන් ඉලක්ක කළ කාමුක වෙළෙඳ පොළ වේගයෙන් පැතිර යන තත්ත්වයක් උදාවී ඇත. එවැනි පසුබිමක ආදරය - ප්‍රේමය මුවාවෙන් එන පළිබෝධ-ආරාධනා ලෙස බාර නොගත යුතුය යන මානසිකත්වය ඉතා ඉක්මණින් තරුණ දූවරුන් තුළ ගුරුවරු - මාපියන් ස්වෙච්ඡා සංවිධාන විසින් ඇති කළ යුතුය.

එවැනි කිසිවක් අනුගමනය නොකොට අමාරුවේ වැටුණු දැරුවන්ට ඇඟිල්ල දිගු කිරීම සුදුසු නැති බව අපගේ විශ්වාසය වේ.

අසංක ආටිගල ~