රුවක් ඇදෙනවා කවුදෝ එනවා ගැන පුංචි විචාරයක් මගෙන්

ඉතා අලංකාර ගීයක් ගැන මට හැඟෙන දේ ලියන්නයි මේ සුදානම.. රචකයා කුමක් සිතේ තියාගෙන ලිව්වද කියන්න මන් දන්නේ නැහැ. නමුත් මට මෙය හැඟෙන්නේ මේ ආකාරයට. මෙය සමලිංගික ප්‍රේමයක් ගැන කියවෙන ගීතයක් යන මතයට නම් මා විරුද්ධයි. මා මෙය දකින්නේ බේබද්දෙක් සහ බේබද්දෙක් වෙන්න යන කෙනෙක් අතර වෙන දෙබසක් විදියට.

*බීපු කෙනා - කවුදෝ එනවා පේනවා එත් හරියට පෙන්නේ නැහැ පොඩ්ඩක් වැඩි වෙලා නිසා. (බොන උන් දන්නවනේ බිව්වම පෙනීම ගැන)
" රුවක් ඇදෙනවා කවුදෝ එනවා
මීවිත ඇතිරිය දෑස වසනවා"

*බොන්න යන කෙනා - ඔව් කෙනෙක් එනවා, මට පේනවා ඔයා සතුටු ලෝකෙක ඉන්න බව, පොඩ්ඩක් ඉන්න මගේ හිතේ තියෙන දුක මන් ඉක්මනට පා කරනවා. ඊට පස්සේ මමත් ඔබ වගේම සතුටු ලෝකෙට එනවා (බීපුවම ඉන්නේ මොන ලෝකෙද කියල බේබද්දන් දනී)
"හද පොදි බැදි රුව දියකර පා කර
ඔබේ ලොවට මා..මොහොතින් එනවා..."

*බීපු කෙනා- (මිනිහ ටිකක් වයසක ඩයල් එකක්) තුරුණු වියේ හිනිපෙත්තම ඉන්න මේ කාලේ උබ මොකටද බොන්නේ? මොකක්ද උබේ ප්‍රශ්නේ?
" සොදුරු යොවුන්විය මල් මඟ මුල හිද
කිම තොල මීවිත පොඟවන්නේ...//"

*බොන්න යන කෙනා- (නුරා විරහ ගැන දැන ගන්න නම් ඉතින් බූටක් කන්නම ඕනේ) ආදරයේ වේදනාව අමතක කර ගන්න තමයි තොලකට තෙමන්නේ සුරාවෙන් මන්
" නුරා විරහ ගිනි නිවා දමන්නයි
සුරා වෙතින් මා දෙතොල තෙමන්නේ"

රුවක් ඇදෙනවා...//

*බොන්න යන කෙනා- හිතේ නැගුනු කේන්තිය දුක ඔක්කොම දැන් පොඩ්ඩ පොඩ්ඩ වැස්සට හේදිලා යනවා. (මන් හිතන්නේ දැන් ෂොට් එකක් දාල. ඒකයි)
" නැගුනු නුරා ගිනි මි පොද වැටිලා
හතර අතින් දළුලා එනවා...//"

*බීපු කෙනා- ඔන්න ඔය බෝතලේ තියල වරෙන් මලේ යන්න. බිව්ව ඇති දැන්..
" අවන්හලේ මීවිත තනිකරලා
වරෙන් මලේ පියවර නගලා.."

රුවක් ඇදෙනවා.../