පැන්තෙරා පාර්ඩුස් (Panthera pardus) (අපි දන්නේ කොටියා/දිවියා කියලනේ)

පැන්තෙරා පාර්ඩුස් (Panthera pardus)
----------------------------------------------------------

පරිණාමය නැමැති ක්‍රියාවලියෙ අසිරිමත් නිර්මාණ රැස අතුරින් එක් විශිෂ්ඨ නිර්මාණයක් වන්නෙ පැන්තෙරා පාර්ඩුස් විශේෂයයි. කොටියා/දිවියා ලෙස සිංහල භාශාවෙන් හඳුන්වන, ඉංග්‍රීසි බසින් Leopard ලෙසත්, දමිළ බසින් චිරුත්තයි ලෙසත් හඳුන්වනු ලබයි. විවිධ පරිසර තත්වයනට අනුවර්තනය වීමේ හැකියාව අතින් අනභිභවනීය ස්ථානයක් උසුලන දිවියන් ලොව පුරා නිවර්තන වැසි වනාන්තර, කාන්තාර, සැවානා ආදි නොයෙක් පරිසර තත්වයනට විශිෂ්ඨ ලෙස අනුවර්තනය වී ඇති ආකාරය දැක ගත හැකි වේ.

කාර්නිවෝරා (carnivora) ගෝත්‍රයේ පැන්තෙරා (Panthera) ගණයට අයත් වන මෙම සත්ව විශේෂය‍ෙ අනුවර්තන හැකියාවට හොඳම නිදසුන ලොව පුරා විහිදි ඇති විවිධ උප විශේෂ ආකාරයි. 1794 වර්ශයේ සිට 1956 තෙක් ස්වභාව විද්‍යාඥයන් විසින් පැන්තෙරා පාර්ඩුස් උප විශේෂ 27ක් පමණ හඳුන්වා තිබුණ මුත් වර්තමානයේදි පිලිගත් උප විශේෂ 9 කට පමණක් සීමාවී ඇත.

1. අප්‍රිකානු දිවියා (Panthera pardus pardus)

උප සහරා කලාපය නිජබිම කරගත් මෙම උප විශේෂය අප්‍රිකාව තුල පමණක් දැකගත හැකිවේ. අප්‍රිකානු කලාපය තුල අනෙකුත් සුපිරි විලෝපිකයන් හා තරඟයේ යෙදෙමින් සැවනා පරිසර තත්වයනට අනුවර්තිත දිවියක් ගත කරයි. ‍‍පෞරාණික වාර්තා අනුව මුල් නිජබිම උප සහරා කලාපයෙන් ඔබ්බට විහිදී තිබුන නමුත් මේ වන විට එය උප සහරාවට පමණක් සීමාව ඇත

2. ඉන්දියානු දිවියා ( Panthera pardus fusca)

ඉන්දියානු උප මහද්වීපය තුල දැකගත හැකි උප විශේෂයයි. 2008 වර්ශය තුල වඳව යෑමේ තර්ජනයට ලක්වූවන්ගෙ ලැයිස්තුවට IUCN වර්ගීකරණය මඟින් ලැයිස්තු ගත කර ඇත. වාසස්ථාන අහිමි වීම සහ දඩයම මොවුන්ට ඇති ප්‍රධාන තර්ජන වේ. එමෙන්ම උප මහද්වීපය තුල ව්‍යාඝ්‍රයන්, සිංහයන් ආදි සුපිරි විලෝපිකයන් හා තරඟයක් පවතී. ඉන්දීය රජය මොවුන් සංරක්ෂණය කිරීම සඳහා විවිධ වැඩපිළිවෙළ දියත් කොට ඇත

3. අරාබියානු දිවියා (Panthera pardus nimr)

අරාබි අර්ධද්වීපයට සීමාව ඇති මෙම උප විශේෂය වියලි කාන්තාර දේශගුණයට අනුවර්තනය වු උප විශේෂයකි. දැඩි වඳව යාමේ තර්ජනයට මුහුණ පා ඇත. 2006 වර්ශය වන විට සමස්ථ ගහණය 200 පමණ විය. අරාබියානු දිවියා සියළු උප විශේෂ අතුරින් කුඩාම උප විශේෂයයි. ජානමය ලක්ෂණ අතින් වඩාත් සමීප වන්නෙ අප්‍රිකානු උප විශේෂයටයි.

4. පර්සියානු දිවියා ( Panthera pardus ciscauccasia syn. Panthera pardus saxicolor)

දකුණු තුර්ක්මෙනිස්ථානය, උතුරු ඉරානය, ඇෆ්ගනිස්තානයේ ඇතැම් ප්‍රදේශවල වාසය කරයි. මඳක් විශාල උප විශේෂයක් වන අතර සමස්ථ ගහණය 800 -1200 ත් අතර වේ.

5. උතුරු චීන දිවියා ( Panthera pardus japonensis)

උතුරු චීනය නිජබිම කරගත් උප විශේෂ ය. සංඛ්‍යාත්මක දත්ත මඳ සත්වයෙකි

6. අමූර් දිවියා (Panthera pardus orientails)

ගිණිකොණ දිග රුසියාව, චීනයේ ජීලින් ප්‍රාන්තය වාසභූමිය කරගත් උප විශේෂයයි. දැඩි ලෙස වඳව යෑමේ තර්ජනයට ලක්වු විශේෂයකි. වර්තමානයේදි සමස්ථ ගහණය 60 ක් පමණ ඉතිරිව ඇත. දුර්ලභම උප විශේෂය මොවුන් වේ.

7. ඉන්දු චීන දිවියා ( Panthera pardus delacouri)

ගිණිකොණ දිග ආසියාව සහ දකුණු චීනය ආශ්‍රිතව වාසය කරයි. අදික දඩයමට ලක්වන විශේෂයකි. සමස්ථ ගහණය 1000 -2500 අතර අගයක් ගනී.

8. ජාවා දිවියා ( Panthera pardus melas)

මෙම උප විශේෂය ඉන්දුනීසියාවේ ජාවා දූපතට සීමාව ඇත. අලස් පූරවෝ රක්ශිතය තුල උපරිම ගහණය වාර්තා වේ. සමස්ථ ගහණය 250 අාසන්න අගයක් ගනී. නිජබිම අහිමි වීම මොවුන්ට ඇති විශාලතම තර්ජනයයි

9. ශ්‍රි ලංකා දිවියා ( Panthera pardus kotiya)

ලංකාවට පමණක් ආවෙණික උප විශේෂයයි. වඳව යැමේ තර්ජනයට ඇතුලත්ව ඇත. ලංකාව තුල දැකිය හැකි උපරිම විලෝපිකයා බැවින් ප්‍රමාණයෙන් සාපේක්ෂව විශාල උප විශේෂයකි. 1956 වර්ශයේදි මෙම විශේෂය හඳුන්වා දෙන ලද්දේ දැරණියගල මහතා විසිනි.

ලිපිය 

Don Supz

කොටස් වෙළදපලේ සමාගම් ගැන විස්තර හොයාගන්නේ කොහොමද?

ඊයේ (2016/09/03) අපේ ෆේස්බුක් ගෘප් එකේ ( ආයෝජනය කරමු ) පළමු වැඩමුළුව පැවැත්වුවා... එතැනදී කීපදෙනෙක් ඇහුවනේ සමාගම් ගැන විස්තර හොයාගන්නේ කොහොමද? සමාගම් ලාභාංශ ගෙවන්නේ කොහොමද වගේ  ගැටළු ටිකක්.  

ඒ ගැන මම හොයාගන්න විදිය කියන්නම්.. හරිද වැරදිද කියන්න මම දන්නේ නැහැ. නමුත් මම බලන්නේ මෙන්න මේ විදියට.

ඒ තමයි CSE වෙබ් අඩවියෙන්, (http://www.cse.lk/home.do)

 මෙන්න මේ වෙබ් අඩවියේ "SEARCH" බාර් එක තුල ඔබට අවශ්‍ය කරන සමාගමේ සම්පුර්ණ නම හෝ එහි කෙටි නම ( උදා :

JOHN KEELLS HOLDINGS PLC = JKH.N0000 ) සටහන් කර එම සමාගමේ අදාළ විස්තර ලබා ගත හැකියි.


මම උදාහරණයට JKH.N දෙන්නම් .. වෙබ් අඩියේ ජෝන් කීල්ස් සමාගම්  මෙන්න මෙහෙම පෙන්නේ..

මේ විදියට ඔබට සියලුම සමාගම් වල විස්තර ලබාගන්න පුළුවන්. තව ඇහුව නේද ලාභාංශ ගෙවන ඒවා දැනගන්නේ කොහොමද කියල.. මේ ඉහත රුපයේ "Announcement" කියල තියෙනවා නේද? අන්න එතන ක්ලික්  කරන්න 

ඔබට පෙනෙනවාද කහපාටින් පාට කරපු ටික?DIVIDEND ANNOUNCEMENT   

24 May 2016

Date of Announcement: - 24.May.2016 
Rate of Dividend: - Rs. 1.50 per share / Final Dividend 
Financial Year: - 2015/2016 
XD: - 02.Jun.2016 
Payment: - 13.Jun.2016 
Share Transfer Book Open 

2016 මැයි මාසේ දාහතර වෙනිදා තමා නිවේදනය කරේ. XD දිනය ජුනි 02,  ජුනි 02 වෙනිදා වෙනකොට ඔබ සතුව තිබෙන සෑම JKH.N කොටසකටම රුපියලයි ශත පනහක් ලැබෙනවා ජුනි 13 වෙනිදට. පැහැදිලිද?

මට මතක විදියට ඒ දවස් ටිකේ එක ශෙයා එකක් 160ක් වගේ උනා. (මමත් ටිකක් ගත්ත :p ),  

ඔබ රුපියල් 1600ක් වියදම් කරලා කොටස් 10ක් අරගෙන තිබ්බොත් ජුනි 13 වෙනිදට රුපියල් 15ක් චෙක් එකකින් හරි බැංකු ගිණුමට හරි (එය ඔබ CDS ගිණුම හදනකොට කියපු විදියට) බැර වෙනවා.

සමාගම් ලාභාංශ ගෙවන විදිය ගණන  හැම  වෙලේම එක වගේ නෑ.. ඒ නිසා මම කිහිපයක් උදාහරණ විදියට දෙන්නම්.  තව දෙයක් අපි ඉතින් සුළු ආයෝජකයෝනේ.. ඒ නිසා පොඩි පොඩි ගණන් චෙක් වලින් ආවට බැංකුවට  යන්නත් කරදරයි  ඕව මාරු කරන්න. ඉතින් CDS ගිණුම හදනකොටම කියල තියන්න ලභාංශ කෙලින්ම බැංකුවට යවන්න කියල. 

DIVIDEND ANNOUNCEMENT (DIST.N0000)  

01 August 2016

Date of Announcement: - 01.Aug.2016 
Rate of Dividend: - Rs. 3.35 per share / Final Dividend 
Financial Year: - 2015/2016 
Shareholder Approval: - Required 
AGM: - 06.Sep.2016 
XD: - 07.Sep.2016 
Payment: - 19.Sep.2016 
Share Transfer Book Open  මේකේ එක කොටසක් මේ මොහොතේ 267.10 ක් වෙනවා (මේ ලියන්නේ ඉරිදා නිසා ගාන හෙට වෙනකම් මෙහෙමයි )
DIVIDEND ANNOUNCEMENT (LALU.N0000)

15 August 2016

Date of Announcement: - 15.Aug.2016 
Rate of Dividend: - Rs. 2.00 per share / First & Final Dividend 
Financial Year: - 2015/2016 
Shareholder Approval: - Required 
AGM: - 22.Sep.2016 
XD: - 23.Sep.2016 
Payment: - 03.Oct.2016 
Share Transfer Book Open 

මොකක්ද මේ ගී රස පලස "2" හැබෑවටම?

හැබෑවටම ගී රස පලස "2" කරන්නේ ගී රස පලස එකට පස්සේ. එකේ ලින්ක් එක ඉවෙන්ට් පොස්ට් එකේ කමෙන්ට් විදියට දාන්නම්. 

බුකියේ තියෙනවා සමාජ සේවා වැඩ කරන සංවිධානයක් එකමුතු වෙමු උදව් කරමු. මේ සංවිධානයේ අරමුදල පොඩ්ඩක් වැඩි කරන්න හිතාගෙන බුකියේම තියෙන ගීතයක අරුත සොයා යමු... ගෘප් එකේ කට්ටිය සෙට් වෙලා තමා මේ පාර දෙවෙනි පැදුර එලන්නේ ගියපාර පැදුර එලපු තැනම.. 


**************මේ පැදුරේ විශේෂත්වය මොකක්ද?*************** 
බුකිය පුරා ඉන්න සිංදුවක් කියන්න පුළුවන් අයට, වාදන භාණ්ඩයක් වයන්න පුළුවන් අයට අපි ආරාධනා කරනවා එන්න ඔබේ හැකියාව එළිදක්වන්න කියල. එයාලට විතරක් නෙමේ තාලයට අත්පුඩියක් ගහන්න පුළුවන් අයටත් අපි ඒ විදියටම ආදරෙන් ආරාධනා කරනවා එන්න කියල අපිත් එක්ක එකතු වෙන්න. 

****************පිරිවැය කොහොමද?*************
ඔව් වියදමක් තියෙනවා. හෝල් එකට, සංගීත කණ්ඩායමට, එන අයට ප්ලේන්ටියක් දෙන්න බනිස් ගෙඩියක් කන්න දෙන්න අපිට වියදමක් යනවා. ඉතින් ඒ වියදම හොයාගන්න අපි අපේ වැඩේට අනුග්‍රාහකත්වය දරන්න කැමති ව්‍යාපාරික මහත්ම මහත්මීන් සොයනවා මේ ටිකේ. කැමතිනම් පුද්ගලිකව දායක වෙන්නත් පුළුවන්... 
කතා කරන්න අපිට 0757996680

*************අරමුදල තර වෙන්නේ කොහොමද?*************
අරමුදල තර කරන්නේ ඔබ සැම දෙනාගෙන්, අපි ඔබෙන් බලාපොරොත්තුවෙනවා එක් අයෙකුට රුපියල් 500ක මුදලක්. ඒ රුපියල් 500 කෙලින්ම යන්නේ එකමුතුවෙමු අරමුදලට..... ඉතින් එහෙනම් ඕනෑම ගැටළුවක් අහන්න අපේ ඉවෙන්ට් වෝල් එකේ.. :)

https://www.facebook.com/events/1293149370725090/

ගිලන්රථ හා ත්‍රිරෝද රථ

පසුගියදා ගාල්ලේ සිදුවූ රිය අනතුරකින් ළමයෙක් හම්බෙන්න ඉස්පිරිතාලෙට රැගෙන යමින් ගිය අම්ම කෙනෙක් මිය ගියා..  එත් කුසේ  සිටි දරුවා බේරා ගන්න ලැබුන. අද හෙට ඒ ළමය උස මහත් වෙන්නේ මවක් නැති  ළමයෙක් විදියට. හැමදාම ඒ  ළමයට බලන්න තියෙන්නේ ඒ අම්මගේ ෆොටෝ එක  විතරයි.

ඒ අනතුර උනේ කොහොමද කියල මට තේරුනේ නම් නිව්ස් වල  හැටියට අම්මගේ හිස ත්‍රිරෝද රථයෙන් එළියේ තිබුන නිසා  කියල. බස්  එකේ ඔලුව  හැප්පිලා  තමා අම්ම මිය ගියේ, එතකොට මේ රටේ ත්‍රිවිල් තියෙන්නේ ලෙඩ්ඩු  ගෙනියන්නද? උත්තරේ නම් නැහැ වෙන  වාහනයක් නොතිබ්බ නිසා ඒ විදියට ගෙනිච්ච.

ඊයේ නිව්ස් වලදී මාධ්‍යවේදියෙක් අහනවා ඇමති/නි.ඇමති කෙනෙක්ගෙන් රජයේ වෛද්‍යවරුන්ගේ සංගමය කිව්වා කියල 1990 ගිලන්රථ වලින් එන රෝගීන් බාරගන්නේ නැහැ කියල. ඒ කතාව සත්‍යද? ඒ කතාව සත්‍ය නම් අවන්කවම ඒ සංගමයේ සිටින්නේ මේ අපි වගේ ලේ මස් නහර වලින් හැදුන මිනිස්සුද නැතිනම් වෛද්‍යවරු වෙනකොටම ඔවුන්ගෙන් මොනයම් හෝ විදියකින් මනුෂ්‍යත්ව ඉවත් කරලද?

මේ රටේ ක්‍රමවත් ගිලන්රථ සේවාවක අවශ්‍යතාවක් තියෙනවා. ඒ අවශ්‍යතාවට පිළිතුර 1990 නොවන්න පුළුවන්. එත් ඉදිරි වසර සදහා හෝ ඒ සේවාව මේ රටේ නොමිලේ ක්‍රියාත්මක වෙනවා. ඉන්පසුත් එයට විසදුමක් තියේවි. විසදුමක් සෙවිය යුතුයි. එම පිළිතුරු සෙවීම පසෙකලා රෝගී ජිවිත එක්ක සෙල්ලම් කරනවා නම් ඔවුන් හට මනුසත් ගුණ කියාදෙන්න වෙනවා. ඉදිරියේදීත් මහමග රෝගී ජිවිත අවසන් හුස්ම හෙලීම නවත්වන්න අවශ්‍යයි. හදිසි ලෙඩෙකුට උනත් ප්‍රයිවට් චැනලින් එකේ බෙහෙත් දීලා සල්ලි ගන්න දොස්තර මහත්තය ගිලන්රථ වලින් නිකන් ගේන රෝගියා ඉස්පිරිතාලෙට බාරගන්න බෑ කියනවනම් කල යුත්තේ කුමක්ද?

ඉන්දියන් ත්‍රිවිල් එකේ එන රෝගියාගෙයි ඉන්දියන් ගිලන්රථය ගේන  රෝගියාගෙයි  වෙනස කුමක්ද?

වීඩියෝව 15.50 වෙනි විනාඩියේ සිට

කොටස් වෙළදපල ගනුදෙනු ගෙදර ඉදන් කරමු.

හොදයි ගොඩක් කට්ටියට උනන්දුවක් තියෙනවනේ කොටස් වෙළදපලට සම්බන්ද  වෙන්න. ඉතින්  මන් කලින්  කියල දුන්න කොහොමද සම්බන්ද  වෙන්නේ  හා මොනවද  කරන්න  ඕන  කියල.  හැමෝටම තේරුනා  කියල හිතනවා.. නොතේරුනා  නම්  කමෙන්ට්  මගින්  ඒ  පොස්ට්  එකේ  අහන්න  කියල  දෙන්නම්  දන්න  දෙයක්  තියේ  නම් ..  ඒ  පොස්ට්  එකට මෙතනින්  යන්න 


හරි මගේ ලිපි බොහොම පොඩියි  හරිද, ඔයාල CDS  ගිණුමක් හැදුවට පස්සේ  ප්‍රශ්නය  තම දැන්  මන් මොකද කරන්නේ කියල. සරලවම ඔබට ඔබේ බ්‍රෝකර් හරහා ඒ ගැන විමසන්නත් පුළුවන්. මන් කියන්නම් මම කරපු  විදිය. CDS  එක  හැදුවට පස්සේ මට ලැබුන මගේ ඊමේල්  එකට username එකක්  හා password එකක්, ඒවා මගින් ලොග් වෙලා  මගේ ගනුදෙනු කරන්න ඕන නිසා  මම මගේ බ්‍රෝකර් කම්පනියේ අන්තර්ජාල පහසුකම ලබා දෙන DirectFn කියන සොෆ්ට්වෙයා එක  ඉන්ස්ටෝල් කරගත්ත මගේ කම්පියුටරයට. (ඉදිරියේදී එය වෙනස් වීමට නියමිත බව බ්‍රෝකර් ආයතනය මගින් දැනුම් දුන්න)

එතකොට එන්නේ නම් නිකන්ම කළු පසුබිමක් සහිතව. watch list එක තුලින් වෙළදපලේ ඔබට අවැසි විදියට සමාගම් ඇතුලත් කර හදා  ගන්න  පුළුවන් මේ වගේ ලැයිස්තුවක්.

වෙළදපල තුල සමාගම් වල නම් දක්වන්නේ  සංකේත අකුරු වලින්. බලන්න පහත පින්තුරය




CSF.N / TESS.N / ASIY.N වගේ සංකේත.  ඊළගට සමාගමේ නම තියෙනවා. කොටස්  මිල ඉල්ලපු ගණන්  සහ  ප්‍රමාණය , විකුනන්න තියෙන ගාන  හා  ප්‍රමාණය. අවසානෙට විකුනපු  ගාන, කොටස්  ගාන ,  ඔය  විදියට  විස්තර ඇතුලත් වෙනවා.

සාමාන්‍ය කොටසක මිලකට  පරාසයක් නැහැ. සමහර සමාගම් වල  කොටසක් ශත ගණනක්  වනකොට තවත් සමාගමක කොටසක්  දාහක් වගේ  වෙනවා. උදාහරණයකට බලන්න  TESS.N කොටසක මිල හා ASHO.N  කොටසක මිල.

අදට ඔච්චරයි.. :) ඇතිනේ ආයේ ප්‍රතිචාර වල  හැටියට ලියන්නම්.. එකතුවෙන්න අපේ ෆේස්බුක් සමුහය එක්ක මෙන්න මෙතනින් 

~~ ළඳුනේ ගිතයට කතාවක්.. ~~

"මචන් අර කෙල්ල.. අර කෙල්ලව මට හොදට දැකල පුරුදුයි.."
"කොයි කෙල්ලද බන්" චරිත්ගේ කීමට අසේල දළදා මාලිගාව වටේටම
බෙල්ල කරකවමින් ඇහුවේ... "අර බන් මල් ගොට්ටක් අතේ
තියාගෙන සුදු බ්ලව්ස් එකයි දිග සායයි ඇඳගෙන ඉන්නේ" "අර කනුව
ගාව ඉන්න කෙල්ලද?" "ඔව් ඔව් ඒ කෙල්ල තමයි" "උබට ඉතින්
හැම කෙල්ලම දැකල පුරුදුයිනේ.. කොහේදී හරි බස් එකකදී නම්බරේ දෙන්න ගිහින් කන අතගාව ගන්න ඇති" කන නෙමේ අතගාව ගත්තේ කියල අසේලයට උත්තර දෙන්න කට ඇරියත් චරිත් ඒ වචන ටික එලියට දැම්මේ නැහැ. ඒකට හේතු ගොඩාක් තිබ්බ. "මෙන්න මෙහෙ වරෙන් යකෝ ඔය කෙල්ල දිහා බලාගෙන ඉන්නේ නැතුව එකී උබට වඩා වැඩිමල්" කියලා අසේල චරිත්වත් ඇඳගෙන දළදා වහන්සේ වඳින්න යන පෝලිමට එකතු වුනා..

"බලපන්කො අර කොල්ල උඹ දිහා බලාගෙන ඉන්න හැටි. උබ ඒ  කොල්ලව අදුරනවද?" ශානිකාගේ ප්‍රශ්නෙන් ගැස්සුනත් පබෝදා මුකුත් නොකියා හිටියේ තමන්ගේ අතීතය හෝ හිතේ තියෙන දේවල් ශානිකා නොදන්නා නිසා.. "අපි දිහා බලන හැම එකාම අපි අදුරනවද බන්" කියල යෙහෙළියගේ කකුල පෑගු පබෝද බිම බලාගෙන පෝලිමට එකතු වුවත් ඇගේ හිත හුගක් ව්‍යාකුල වෙලා තිබුනේ 'ඒ මල්ලි ටිකක් ලොකු වෙලා, දැන් අවුරුදු හතරක් පහක් ඇතිනේ' වගේ සිතුවිලි වලින්. පැමිණි කාරියටත් බාදා එල්ල වෙලා ඇය බොහෝ අපහසුතාවයට පත් වෙලා හිටියේ..

"දේවිය.., මේ මිනිසුන් වුවෝ තේරුම් ගැනීමට හෝ අපහහු බොහේ සෙයින් එකිනෙකාට වෙනස් වූ සත්වයෝ ජාතියක් වෙති.." "එසේ පවසන්නේ කිමද මා දේවතාවුනි..." "මා මේ මාලිගාවට අධිගෘහුත දේවතාව වෙච්චි මේ වෙනකන් මා හට මෙවැනි සිදු වීමක් නම් දැකගන්න ලැබිල නෑ දේවිය... අර සිටිනා තරුණයට බිරිදන් අට දෙනෙකු ඇත්තේය... අර තරුණියට සැමියන් ගණන ඇයටත් මතක නැත්තේය දේවිය...." "ඉතින් දේවතාවුනි මේ පහල සිටින බොහෝ මිනිසුන් හා ගැහැනියන්ට එහෙමනේ..." "ඒ එසේ වුවාට දේවිය මේ තරුණයාගේ පළමු බිරිඳ අර තරුණියයි, නමුත් අර තරුණිය මේ දක්වා කල්පනා කරන්නේ ඒ තරුණයා තමාගේ කි වෙනි සැමියාද කියල.." "අහෝ දේවතාවුනි මේ මිනිසුන්ට කුමක් සිදුවීද..." "දේවියට මතකද අපි මේ වාසලේ සේවයට පැමිණීමට පෙර වෘක්ෂ දේවතාවුන් තත්වයේ සිටිද්දී පහල වාසනාව විකුනන්න කෑ ගහපු මනුස්සයාගේ කුටියෙන් අලංකාර ගීතයක් ගැයුවා ගායකයෙක්.." "කිමෙක්ද ඒ දේවතාවුනි" "දේවියට මතක නැතිද රන්බණ්ඩා සෙනෙවිරත්න කියල මනුස්ස ලෝකේ ගීත රචකයෙක් ලියපු අමරසිරි පීරිස් කියල ගායකයෙක් ගායනා කල ගීතය.. ඔන්න අහගන්න දේවිය..."

ළඳුනේ //
ඔබේ දෑස දැකගත්තෙමි
සැඳෑ කලෙක ළඳුනේ..
දෙනෝදහක් අතගත්තද
සැමියකු නැති ළඳුනේ.....

නෑයෙක් නෑකම නොකියන
වීදි සරණ ළඳුනේ
තෙල් මල් ගෙන දෝතපුරා
මුනිකුටියට පියමං වන
ඔබේ දෑස දැක ගත්තෙමි
සඳෑ කලෙක ළඳුනේ..

බුදුන් දැක නිවන් දකිමැයි
දෙව්-රම යන පාර අහන
ඔබද පටාචාරවකි
ඔබද කිසා ගෝතමියකි...

පිරිමින්ගේ පාප කන්දට
දෝස විඳින ළඳුනේ
අඳුරේ පව් කරන දනා
එළියේ රවන ළඳුනේ

ළැම පමනක් ලොවට පෙනෙන
ළය නොපෙනෙන ළඳුනේ
කුහුඹුවකුට වරදක් නැති
වැරදිකාර ළඳුනේ.....

මෙන්න මේ ගීතය මට මතක් වුනා දේවිය මේ සිදුවීම දැකල... "
නිමි..!

මහන්සියි කොටලම

මගේ මළගම

කන පෑලෙන්නට ගසා සිටි මිතුරන් දෙදෙනා අවසන් ගෞරව දක්වනුවස් මගේ මළමිණියට එබෙත්ම එකෙකුගේ උඩ සාක්කුවේ රඳවා සිටි nokia 3310 දුරකථනය හෙමින් රූට්ටා මිණී පෙට්ටියට වෑටුනේය. ඒ ගෑන වගක් නෑති ඔවුහු "අපරාදෙ සෙට් වෙන්ඩ හිටපු රත්තරං කකුලක් නෑතිඋනා " යෑයි පවසමින් වෑනි වෑනී මිදුලේ බූරු පලේ වාඩි විය. 
කාලය පෑමිනියේය, අවසන් ස්තූති කතාව කිසිදිනක මා දෑක හෝ දෑන නොසිටි මංත්‍රීවරයා විසින් පවත්වනුවස් , ඔහු කියනුයේ මාගේ වියෝව ගමට දරාගත නොහෑකි පාඩුවක් සේම මා ගමට මෙතෙක් කල අමරණීය සේවය කිසිදිනක අමතක කල නොහෑකි බවකි. ඌ එසේ කීවද ,මා අහල පහල එකෙකුගේ පොල්ගෙඩියකුද කිසිදිනක අහුලාදීමට ගොස් නෑති අතර වෙන එකෙකුට වතුර උගුරක් දුන් බවක්ද මගේ මතකයේ නෑත.

"ඈයි මගෙ සුදු අයියේ
අපිව දාල යන්නේ "

කියමින් මිණිය පසුපසින් එන සමහරෙක් ඉඳ හිට Selfie ගෑනීමටද එක ක්ෂනයකින් upload Fecebook ගත කිරීමටද වගබලාගත් අතර ජීවත්ව සිටින කාලයේ මා පෙන්වන්නට බෑරිව උන වයසක පහේ නෑදෑ කාන්තාවන් කෑ ගසා හඬන්නටද හඬමින් හොටු සූරන්නටද නෑවත එවා ඔසවාගෙන යන පෙට්ටියේ කාටත් නොදෑනෙනසේ පිහදමන්නටද විය.

අවමඟුල් පෙරහෑටට ඉදිරියෙන් අඩි දහයෙන් දහයට නාද කරන්නට අන කරමින් කොළුවෙකුට දී තිබූ සීනුව ඌ සාක්කුවේ ඔබාගෙන සිටි අතර දුරකථනයක් අතට ගෙන ගේම් රික්වෙස්ට් යවන අතරවාරයේ ඉඩක් ලද වහාම සීනූව හෑඬවීමටත් මිණිය පරක්කුවෙන අතරවාරයේ කඩපිලක හිඳ ගේම් එකක් play කිරීමටත් උත්සුක වූහ. අති විශාල ජනගංගාවක් අවමඟුල් පෙරහෑරේ ගමන් කරන අතර වෑඩි දෙනෙක් කතා වූයේ මෛත්‍රීගේ ජර්මන් ගමනෙන් ලෑබෙන ප්‍රථිලාභ සහ අභයාරාමයේ දේශපාලන කටයුතු තහනම් කිරීමට ඈති හෑකියාව සම්භන්ධයෙන් වීම කෑපී පෙනුනෙකි.

මිණියට කර ගෑසූ වම්පෑත්තේ හතරදෙනා , මූ මොන ජරාවක් කාල මෙච්චර බර වෙලාද මන්ද? යි සෙමින් පවසනුවස් දකුණුපස හතරදෙනාගේ අදහස වූයේ මහළු මඩම් හෝ ලමා නිවාසවලට දානය නොදී අවමඟුලට සහභාගී වූ සියලුම දෙනාට හත්දොහේ සහ තුන් මහේ දානය දීමෙන් මගේ ආත්මයට නිවන් යාහෑකි බවකි.
ඉන් අනතුරුව වලට දෑමූ පෙට්ටිය දෑමූ වේගයට ගසා තිබූ කම්බි ඈන මගේ සිරුර පසා කරගෙන බහින්නට වූ අතර වික්ෂෝප වූ සියලු දෙනා වල වහන්නටද පෙර කනත්තෙන් නික්මී යනු දෑක වල වසාදමන්නට පෑමිනි කම්කරුවන් දෙදෙනා , දෑන් ඉතිං වෑඩේ ඉවරයි සල්ලි ගන්ඩ පස්සපාරෙ යන්ඩයි වෙන්නෙ' යයි හීන් හඬින් මුමුනන්නට විය.

රාත්‍රිය උදා විය කළුවර කෙමෙන් ලඟා විය. හදිසියේම මගේ පිටට යටවී තිබූ දුරකථනය නාදවන්නට විය. මිතුරාගේ ringtones හොඳින් හඳුනන මම මේ ඈමතුම ඔහුගේ බිරිඳගෙන්ම බව පසක්වී පස්වනක් ප්‍රීතියෙන් පිනාගියද ඒ වනවිටත් මිණී කපන්නා මගේ අත් දෙක එක්කර කම්බියකින් බෑඳ අත්මේස් දෙකක් හිරකර මෑරී ගියපසු හෝ කාන්තාවක් සමඟ හොර රහසේ Chat කිරීමට තිබූ අවසන් අවස්ථාවද මගෙන් උදුරාගෙන තිබුනි.............
.

‎කතෘ  Avis Noel S‎ 

එක්ටා එපා සීපා එපා

ඔන්න අපේ ලංකාවෙ ඉස්සර බස් බොඩි ගැහුවා

ඒකල - වේරහැර - කැප්පෙටිපොල - කහගොල්ල වගෙ වැඩපොලවල් තිබුනා

මේවායෙ මාසෙකට බස් 10-15 ව බොඩි ගැහුවා
විජේතුංග වේරහැර රවී වෙත්තසිංහගෙ ලටෙක් එකට දුන්නා

ඒකල සෙලින්කෝ ද කොහෙද දුන්නා

ඒ අස්සෙ ඩිමෝ එකත් පටන් ගත්තා

ලටෙක් එක මාසෙට 10 ක් විතර බොඩි ගහපු වැඩ පොලේ දවසට 10 - 15 ව එලියට දාන්න ගත්තා

දැන් අපේ උන්ට වැඩ වැඩියි
OT තිබ්බට හුස්ම ගන්න බැරි වෙන්න වැඩ
දැන් කෑ ගහනවා ලටෙක් විකුනුවා කියලා ජාතික වස්තු රවී වෙත්තසිංහලට දුන්නා කියලා
රාවය වගෙ පත්තර පිටු ගනන් ලියනවා - අර පරන ඇල්බියන් බස් වල අමතර කොටස් පංචිකාවත්තට විකුනපුවා ගැන
ඒවත් ජාතික වස්තු වෙලා

කොහොම හරි 94 රෙ ආණ්ඩු පෙරලීමටත් මේ ලටෙක් එකේ වැඩියෙන් නිශ්පාදනය කරවීම හේතුවක් උනා

ඊට පස්සෙ නොනවත්වා ස්ට්‍රයික් කලා
ලටෙක් යන්න ගියා
ආපහු වේරහැර ලංගමට අයිති උනා
අන්තිමටැ එක බස් එකක් බොඩි ගහන්නෙ නැතුව ගියා

අද 100% ක් ඉංදියාවෙ බොඩි ගහපු බස් එන්නෙ

-----------------------------
දෙවැනි කතාව

සිසිල් ෆ්‍රිජ් එක ලංකා නිශ්පාදනයක්
ඒකට ඉස්සර වේටින් ලිස්ට් ඉන්න ඕන ගන්න
77 දිත් ෆ්‍රිජ් ගේන්න අවසර දුන්නෙ නෑ
සිසිල් තියා ගන්න
වේටින් ලිස්ට් එක මාස 6 උනා
සිසිල් නිශ්පාදනය වැඩි කලා
OT වැඩි උනා
සේවකයො ඩිමාන්ඩ් කලා
පඩි වැඩි කලා
OT එක්ක ගානට වඩා පඩි වැඩි උනා
දැන් ඌ ටී වැඩක් නැති උනා
දවසට 20 ක් විතර ගහපු කොම්පැනියෙ - නිශ්පාදනය බාගෙට බැස්සා
මිල ඉහල ගියා
පෝලිම අවුරුදු 2 ක දක්වා වැඩි උනා
ආණ්ඩුවට පියවරක් ගන්න උනා
සිංගර් එකට ෆ්‍රිජ් හදන්න දුන්නා
උන් ඉංද්යාවෙ ගොඩ්‍රිජ් එක කෑලි දෙකට තුනට ගෙනත් මෙහෙ හයි කලා
අන්තිමේ ඒකත් මදි වෙලා - ආනයනය විවෘත කලා
අන්තිමේ
සිසිල් වැහුනා - සිගර් නම ගත්තා
අද පිටින් ගෙනත් සිසිල් නම ගහනවා

----------------------------

ඔන්න ඔහූමයි අපේ වෘත්තීය සමිති ඉස්සර සීපා ක්‍රියාත්මක කෙරෙව්වෙ...

ලිපිය  Subhaga Herath‎

 

ලෝකේ පුරා යන නැව් ලිපි අංක 1

නැව් ටෝක්.. (1)

ඉස්සරම කාලේ දවසක මිනිස්සු ලොකු ගස් කඳන් වතුරෙ පාවෙන බව හොයාගත්තා.ඉතින් ඊට පස්සේ ඔවුන් ගඟ ගලන පහත්බිම් වලට ඒක පාකරගෙන ඉතා පහසුවෙන් ප්‍රවාහනය කරන්න පුළුවන්වුණා..

පස්සෙ කාලෙක බිහිවුණු අධිරාජ්‍ය වල (ගැලී,රුවල් නැව් වගේ) නාවික බලය ප්‍රධානම අංගයක් වුණා.ග්‍රීක,රෝම අධිරාජ්‍ය හරහා හිරු නොබසින අධිරාජ්‍යය වුණු බ්‍රිතාන්‍ය අධිරාජ්‍ය දක්වා මේ තත්ත්වය දිගටම පැවතුණා.බ්‍රිතාන්‍යයින් ඇතිළු අනෙක් යුරෝපානුවන් මෙහෙම දිග් විජය කරන්න පෙළඹුනේ වෙලඳාම සඳහා ඇතිවුණු තරඟය හේතුවෙන්.

වතුර කියන්නේ ප්‍රවාහන මාධ්‍යක් විදිහට ගත්තොත් ප්‍රතිරෝධය අඩු,ලොකු බරක් පහසුවෙන් ප්‍රවාහනය කරන්න පුළුවන් මාධ්‍යක්.අද ගෝලීයකරණය වුණු ලෝකයේ ප්‍රවාහනය රැඳී පවතින්නේ නැව් වලින්.රටක වරායක් පිහිටීම වැදගත්ම දෙයක් වෙන්නෙත් මේ හේතුව නිසා.

ඉතින් ප්‍රධාන වශයෙන් ගත්තහම මේ නැව් වර්ගීකරණය කරන්නේ ඒ මඟින් ප්‍රවාහනය වන භාණ්ඩ වර්ගයට අනුව.මේ භාණ්ඩ කියන එකට පාවිච්චි කරන්නේ කාගෝ(cargo) කියන වචනය ව්‍යවහාරයේ.ඔන්න එහෙනන් ප්‍රධාන වශයෙන්ම මේ නැව් වර්ග සම්බන්ධව හැඳින්වීමක්.

General Cargo Ships

මේකෙ නම වගේම තමයි,ගෙනියන්න පුළුවන් කාගෝ පුළුල් පරාසයක විදිදෙනවා.උදාහරණ කිව්වොත් පුරවාපු ගෝනි,අඳුම් බන්ඩල්,පුරවපු පෙට්ටි වගේ ගොඩක් දේවල් අරන් යන්න පුළුවන්.ඒත් මේවා වර්තමානයේ භාවිතයේ අඩුයි.මොකද කාගෝ වෙන් කිරීම,කාගෝ පැටවීම,බැහැර කිරීම අපහසු වෙලා යන දෙයක් නිසා.වෙලාව කියන දේ ඉතාමත්ම වැදගත් දෙයක් මේ ක්ෂේත්‍රයට.

Container Carriers

මේක තම සුලභවම දකින්න පුළුවන් නැව් ජාතිය.කන්ටේනර් වල තියන ප්‍රධාන වාසි තමා පටවන්න,බැහර කරන්න ලේසි වීම,කාගෝ සුරක්ෂිතව වීම මේ කන්ටේනර් ආවරණයෙන්,සුළු කාලයකදී ඉක්මණින් බැහරකිරීම,පැටවීම කරගත හැකිවීම, (ක්‍රේන් භාවිතයෙන් අර කොන් වල තියන සිදුරු වලට අගුල් වගේ දාගෙන තමා පටවන්නේ,එළියට ගන්නේ.මේක ඉතා ඉක්මන්) වගේ කාරණා.ඒ වගේම කන්ටේනර් නැව් අධිවේගී කාණ්ඩයට ඇතුලත්.

Bulk Carries

මේවගෙ අරන් යන කාගෝ ආකාරයකට බෑග්,උර වගේ දේවලින් වහන්නේ නෑ.ඒ කිව්වේ ධාන්‍ය ජාති,සිමෙන්ති,ගල් අඟුරු වගේ දේවල් එහෙම්මම මේ කාගෝ හෝල්ඩ් ඇතුලට පටවනවා.ඊට පස්සේ ඒ හෝල්ඩ් වහල දානවා සම්පූර්ණෙන්ම.(මේ පියන්(hatch cover) සෑහෙන්නම ලොකුයි ඒවා අරින්නෙ වහන්නේ යාන්ත්‍රිකව..)

Ro-Ro(roll on-roll off/Car Carriers)

මේ රෝ රෝ කියන වචනෙ තේරුම රෝල් ඔන් රෝල් ඕෆ්.ඒකට හේතුව මේ නැවේ ඇතුලේ ඉඳන්ම එළියට වාහනයක් පදවාගෙන යන්න පුලුවන් තරම් පථයක්(ramp) දොර විදිහට පාවිච්චි කරන හින්දා.මේවගෙ තමයි ඔය වාහන අරගෙන එන්නේ.සෑහෙන්න උස නැව් ජාතියක්.හරියට පාවෙන ගොඩනැගිල්ලක් වගේ.ඕනෙම වාහන ජාතියක් අරන් එන්න පුළුවන්.

Tankers
මේ ඉතා පුළුල් වපසරියකට යන නැව් ජාතියක්.මේ නැව් ඒවා ගෙනියන ප්‍රභේද අනුව එහි ගොඩනැංවීම වෙනස් වෙනවා.උප ප්‍රභේද පහත විදිහට දක්වන්න පුළුවන්

අ )Crude Oil and Product tankers

බොරතෙල්,පෙට්‍රල්,ඩීසල් වගේ කාගෝ ගෙනියන්න හදපු නැව්.සාමාන්‍යයෙන් බොරතෙල් ගෙනියන ඒවා සෑහෙන්න විශාලයි.Product කියන්නෙ බොරතෙල් පිරිපහදුවෙන් ගන්න පෙට්‍රල් ඩීසල්..

ආ )Chemical Tankers
රසායනික ද්‍රව තමා මේවගෙ අරන් යන්නේ.තෙල් වර්ග(පාම් තෙල් වගේ),පැරෆින් (ඉටි පන්දම් හදන ඒවා) වුණත් අරන් යන්නෙ මේවගේ.

ඇ )Gas Carries

මේ සුවිෂේශී ප්‍රභේදයක්.ස්ව්භාවික වායු (මීතේන්) වගේම ද්‍රවීකරණය කළ පෙට්‍රෝලියම් වායු අරන් යන්නේ මේ නැව් වල.මේවා අරගෙන යන්නේ ඒවාගේ ද්‍රව තත්වෙදි මොකද එතකොට අරන් යන්න පුළුවන් ප්‍රමාණය වායු තත්ත්වයෙ තියෙද්දි වඩා 200 ගුණයකටත් වැඩියි සාමාන්‍යයෙන්.
ඒත් සාමාන්‍ය උෂ්නත්වයේ මේවා වායු තත්ත්වයේ තියන නිසා ද්‍රව තත්වයෙන් තියාගන්න එක්කෝ අධික ලෙස සිසිලනය,නැත්තන් අධික සම්පීඩනය එහෙම නැත්තන් මේ ක්‍රම දෙකම යොදාගන්නවා.මීතෙන් ද්‍රවයක් බවට පත්වෙන්නේ සෙල්සියස් අංශක සෘණ 160 දි විතර.ඒ තත්වෙන්ම තියාගන්න ඕනේ ද්‍රවයක් වෙන්න පොඩ්ඩක් උෂ්නත්වය ඉහළ ගියොත් වායු තත්ත්වයට එනවා.පීඩනය වැඩි වෙනවා.ඉතින් හිතාගන්න පුලුවන්නේ කොහොම අමාරු වැඩක්ද කියල මේක.

Live Stock Ships

ඔය ගවයින් වගේ පණපිටින් මහාපරිමාණයෙන් අරන් යන නැව් තම මේ.දකින්නත් කලින් දැනගන්න පුළුවන් මොකද ගඳ ගස්සනවා පළාතක්ම.

Passenger/Cruise Ships

මේවගෙ රූපනම් බොහෝ දෙනෙක් දැකලත් ඇති...මේ තමා ලෝකෙ භයානකම කාගෝ ජාතිය අරන් යන නැව්... ඒ කියන්නේ මිනිස්සු...

Heavy Lift ships

ඉතා බර සහිත දේවල් විශාල දොඹකර,තවත් යාත්‍රා වගේ බර දේවල් ප්‍රවාහනය කරන්නේ මේ නැව් වලින්.වරකට එක බැගින් තමා ප්‍රවාහනය කරන්නේ.

Reefer Ships

මේවගේ කාගෝ අරන් යන හෝල්ඩ් සම්පූර්නෙන්ම ශීත කරල තියෙන්නෙ..හරියට විශාල Deep freezer එකක් වගේ.දැන්නම් අඩු වශයෙන් භාවිතා වෙන්නෙ මොකද container තියනවා ශීතකරණ වගේ ප්ල්ග් කරන්න පුළුවන් ඒවා අරන් යන්නේ container ship වල..




ලිපිය Prabath Withanage

රාගය යනු ආදරය නොවේ...

කෙල්ලෝ 400ක් එක්ක සැතපුණු කොල්ලට වුණු වැඩේ!

ෆේස්බුක් ට්විටර් වලින් කෙල්ලෝ හොයන කොල්ලෝ ඕනි තරම් ඉන්නවා. සමහර වෙලාවට හැන්ඩියා වගේ ෆොටෝ දාලා ඒවට රැවටෙන කෙල්ලෝ ඉතින් අන්තිමේ ජීවිතෙත් එපා කියලා මැරුණු කතාත් අපිට අහන්න ලැබෙනවා.

මේ කියන්න යන්නේ ඒ විදියට ට්විටර් එකෙන් කෙල්ලෝ 400ක් එක්ක යාලුවෙලා එයාලා එක්ක කරන්න ඕනි නරක වැඩ ඔක්කොම කරපු කොල්ලෙක් ගැන කතාවක්. සමහරුනම් මෙයා වැඩ්ඩෙක් කියලා කියයි. හැබැයි එයානම් කියන්නේ තමන් මේ කරපු වැඩේ ගැන දැන් ඉන්නේ කළකිරිලා කියලා.

ඔහුගේ නම බෙනී, ජීවත් වෙන්නේ එංගලන්තේ. ට්විටර් එකේ Followers 9000ක් මෙයාට ඉන්නවා. වයස අවුරුදු 22ක් වුනාට ඔහුගේ පෙනුම නිසා වගේම කියන කතාවලට අහුවුණු තරුණියෝ 400ක් මෙයා එක්ක එකට ඉඳලා තියෙනවා. හැබැයි ඒකේ සීමාව ඉක්මවලා යන්න වැඩි කාලයක් ගිහින් නෑ,

මේ විදියට පවත්වපු සම්බන්ධතා නිසා මෙයාට කෙල්ලෝ එපා වෙලා, ඇත්තටම ඒ විදියට කෙල්ලෝ තමන්ගේ පස්සෙන් ආවේ කාමුක හැගීමකට මිසක් හදවතට දැනුණු ආදරේ නිසා නෙවෙයි කියලා ඔහු කියනවා. ඒ වගේම සමහර සම්බන්ධතා එක දවසින් ඉවරවුණු අවස්ථා ඕනි තරම් තියෙනවා කියලා බෙනී කියනවා.

යාළුවෝ හොයාගන්න කියලා ආව ට්විටර් එකෙන් තමන්ගේ ජීවිතය මේ වගේ විනාශ වෙලා යයි කියලා ඔහු කවදාවත් හිතුවේ නෑලු. ඒ වගේම කෙල්ලෙක් එක්ක ඉන්නකොට තියෙන හැඟීම දැන් ඔහුට නෑ කියලා තමයි බෙනී කියන්නේ.

අපේ අයත් ඕනි තරම් ෆේස්බුක් ඇවිත් කෙල්ලෝ ගැන හොයනවා, යාලුකරගන්න විදි ගැන හොයනවා. ඒ කරන්න කලින් මේ වගේ දෙවල් ගැනත් පොඩ්ඩක් හොයලා බැලුවොත් හොඳයි, මොකද කෙල්ලෝ පස්සෙම ගිහින් ජීවිතේ නැතිකරගන්න එක නෙවෙයි වෙන්න ඕනි.

Source: Ada derana

ලොව විශාලතම ගුවන්යානය ලගදීම අත්හදා බැලීමේ පියාසැරියට...

ලොව දැනට භාවිත කෙරෙන සියලූම ගුවන් යානාවලට වඩා විශාල දැවැන්ත ගුවන් යානයක් බ්‍රිතාන්‍යයේදී ලබන මාර්තු මාසයේ අත්හදා බැලෙනවා. එයාලෑන්ඩර් 10 ලෙස නම් කෙරුණු මෙය ගුවන් යානයක සහ හෙලිකොප්ටරයක තාක්ෂණය එක්කොට නිපදවා ඇති අතර, සාපේක්ෂව පහළින් සහ අඩු වේගයකින් ගමන් කරනු ඇති. 

ප්‍රධාන වශයෙන් භාණ්ඩ ප්‍රවාහනය සඳහා යොදා ගැනීමට නියමිත මෙම යානය තුළ නිදහසේ සැරිසැරීමට අවකාශ සහිත මගීන් 40 කට පමණ ගමන් කිරීමටද හැකි බවයි නිෂ්පාදන සමාගම සඳහන් කළේ. 

මීටර් 92 ක් දිගැති, මීටර් 43.5 ක පළලකින් සහ මීටර් 26ක උසකින් යුත් මෙම ගුවන් යානය දැනට ගුවනේ සැරිසරන විශාලතම ගුවන් යානය වන ඒ -380 එයාර්බස් යානයට වඩා විශාල බව සඳහන් හිරුනිව්ස් වෙතින් :)  යුටියුබ් වීඩියෝ https://www.youtube.com/watch?v=mssH3zKrhRQ https://www.youtube.com/watch?v=A_UBUlNJfZ0

ජාත්‍යන්තර සම්මාන සහ ක්‍රිෂානි

"අපේ කම කන film එකක් හැදුවොත් ඒකට සම්මාන හම්බෙනවා" යනු සමාජයේ ප්‍රචලිත කතාවකි..

පසුගිය චන්ද්‍රිකා-රනිල් පාලන සමයේ 1994-2005 මෙරට අයිතිහාසික සංස්කෘතියට විරුද්ධ සහ ශ්‍රීලංකා යුධ හමුදාවේ ප්‍රතිරූපයට හානි වෙන සහ යුධ සෙබළුන්ගේ මානසිකත්වය දුර්වල කරන සිනමා පටයක් හැදුවොත් එයට ජාත්‍යන්තර සම්මාන යැයි කියන ඒවා ලැබීම අනිවාර්ය කරුණකි..

අම්මා පුතා සමග ලිංගික ක්‍රියා කරන , කාන්තාවන්ට දුම්බීම පුරුදු කරන , දෙමව්පියන්ට දරුවන් සමග එකට සිට නැරඹිය නොහැකි ගනයේ සිනමා පටයක් හැදුවොත් ජාත්‍යන්තර සම්මාන කියන ඒවා දෙන්නේ හදනකන් බලාහිටියා මෙන්ය..
හමුදා සෙබලාගේ මිනිය වෙනුවට කෙසෙල් කොට මිනී පෙට්ටියෙන් හමුවන, හමුදා සෙබල ජීවිතය යනු කාලකන්නි කමක්ය යන්න පෙන්නන සිනමා පට වලටද එසේමය..
නමුත් 2005 න් පසු බිහිවුණු දේශමාමකත්වය වැඩි කරන, අයිතිහාසික කතා ඇතුලත් කිසිදු චිත්‍රපටයකට එලෙස සම්මාන ලැබුණු බවක් දැනගැනීමට නොමැත..

යථෝක්ත සමයේ යුද්ධයක් නැති ඉන්දියාවේ බලන් ඉන්න විට දේශමාමකත්වයෙන් ඇඟ කීරි ගැහෙන "Border" වැනි සිනමා කෘති බිහි වන විට මෙරට හැදුවේ "මේ මගේ සඳයි" "පුර හඳ කළුවර " වැනි වචනයේ පරිසමාප්ත අර්ථයෙන්ම මුසල සිනමා පටය ..
මාධ්‍ය වල ප්‍රචාරය කලේ ඊනියා සාම ගීතයි..
සිංහල ප්‍රජාව අතර මෙවැනි චිත්‍රපට පෙන්වන විට උතුරේ කොටි සංවිධානය විසින් ඔවුන්ට ප්‍රදර්ශනය කලේ හමුදා කඳවුරු වනසන, සෙබළුන් ඝාතනය කරන ඔවුන් සතුව තිබු දර්ශනය..

ප්‍රතිපලය කුමක්ද? අලිමංකඩ ආදී හමුදා කඳවුරු වැනසී මාස 5-6ක කාලයක් තුල ඉතිහාසයේ දරුණුම පසුබෑම් වලට ශ්‍රීලංකා හමුදාව ලක්වීමයි.. දහස් ගණනක් සෙබළුන්ට ජීවිත අහිමි වීමයි..
ඒසමයේ අලුතින් හමුදාවට බැඳීම තබා ඉන්න සෙබළු ප්‍රමාණය වත් රැක ගැනීමට නොහැකිවිය..
ලංකාවේ තත්වය එසේ වුවද වරෙක පාකිස්තානය සමග සුළු යුධ ගැටුමක් ඇති වූ අවස්ථාවක සෙබළුන් බඳවා ගැනීමට කැඳවූ විට පැමිණි පිරිස පාලනය කර ගැනීමට නොහැකිව විසුරුවා හැරීමට ඉන්දියානු පොලිසියට කඳුළු ගෑස් පවා ගැසීමට සිදුවිය..

2009 යුධ ජයග්‍රහණය ලැබුවේ කෙසේ දැයි බලමු..
මාවිල්ආරු ගැටුම ආරම්භ වීමත් සමග "අපි වෙනුවෙන් අපි" නමින් විශාල, හමුදාවල ප්‍රතිරූපය ඔප් නංවන, චිත්ත ධෛර්යය වැඩි කරවන ප්‍රචාරක ව්‍යාපාරයක් සියලු මාධ්‍ය හරහා රටේ ඇරඹිණි..
නව රණගී විශාල ප්‍රමාණයක් නිර්මාණය වූ අතර ඒවා මාධ්‍ය හරහා නිතර ප්‍රචාරය කෙරිණි..
රටම යුධ සුදානමක තැබිණි..
ප්‍රතිපලය කුමක්ද? 2009 අයිතිහාසික විජයග්රහනයයි..

ජාත්‍යන්තර සම්මාන නමැති අයිසින් එක උඩින් දමා අපට එදා එවුවේ ගූ ගොඩක් බව හරි පැහැදිලිය..
අන්තර්ජාතිකව පිළිගත් ගායිකාව කියන අයිසින් එක යොදා අද එවන්නේද එවැන්නක්මය..
සංස්කෘතිකමය වශයෙන් යටත් කර ගැනීම රටක් යටත් කර තබා ගැනීමට පහසුම මගයි ..

නැවතත් රනිල්-චන්ද්‍රිකා පාලනයම ලැබී ඇත..
ඕනෑම රටක දියුණුවට හේතුව දේශීයත්වය සහ ජාතිකත්වයයි.. ඉන්දියාව ගමන් කරන්නේ Be Indian Buy Indian යන ප්‍රතිපත්තිය මතය.. ජපානයේ දියුණුවට පදනම දේශීයත්වයයි .. උදාහරණ ඕනෑ තරම් දිය හැක.. අවශ්‍ය අපත් එම ප්‍රතිපත්තිය අනුගමනය කිරීම සහ සතුරන් හරි හැටි හඳුනාගැනීමයි..
ලිපිය Dhanushka Heshan Premarathna

වත්මන් කොටස් වෙළදපල

වර්තමානයේදී කොටස් වෙළෙඳ පොළ තුළ ඇති වී තිබෙන තත්ත්වය පිළිබඳව බොහෝ පාර්ශ්ව විවිධ ප්‍රශ්න ඉදිරිපත් කරනු ලබයි. එමෙන්ම, සමහර ව්‍යාකූල තත්ත්වයන් පිළිබඳවද ඔවුන්ට නිරාකරණය කරගැනීම සඳහා කරුණු රැසක් පවතී. එබැවින්, මෙම සතියේ ලිපිය මගින් බොහෝ දෙනා යොමුකරන ප්‍රශ්න කිහිපයකට පිළිතුරු දීමට අපි බලාපොරොත්තු වෙමු.

01. කොටස් වෙළෙඳ පොළ කඩා වැටී ඇත්ද?

බොහෝ දෙනා මේ දිනවල යොමුකරන ප්‍රධාන ප්‍රශ්නයක් නම්, කොටස් වෙළෙඳ පොළ කඩා වැටී ඇතිද යන්නයි. වර්ෂ 2016 ආරම්භ වූ දිනයේ පටන්, කොටස් වෙළෙඳ පොළ යම්කිසි ආකාරයකට පහළ වැටීමක් දක්නට ලැබුණි. මේ වනවිට කොළඹ කොටස් වෙළෙඳ පොළ මේ වර්ෂයට 7෴ ක පමණ පහළ වැටීමක් පෙන්නුම් කර ඇත. මෙහිදී සඳහන් කළ යුතු ඉතා වැදගත් කරුණක් වන්නේ මේ පහළ වැටීම ශ්‍රී ලංකාවට පමණක් පොදු වූ කාරණයක් නොවන බවය. ලොව බොහෝ කොටස් වෙළෙඳ පොළවල් ජනවාරි මාසයේදී ඉතා විශාල කඩා වැටීම් පෙන්නුම් කර ඇත. ඒ හා සසඳන විට අපගේ කොටස් වෙළෙඳ පොළේ පහළ වැටීම අනෙකුත් රටවලට සාපේක්ෂව යහපත් මට්ටමක පවතී. උදාහරණයක් වශයෙන් චීනයේ කොටස් වෙළෙඳ පොළ මේ වනවිට 2016 වසරට 14෴ ක් පමණ පහළ ගොස් ඇති අතර, ඉන්දියානු කොටස් වෙළෙඳ පොළද 8෴ ක් පමණ පහළ ගොස් ඇත. අප මේ රටවල් දෙක සංසන්ධනය කරනු ලැබුවේ ඒවා ආසියානු කලාපයේ රටවල් නිසාවෙනි. අනෙකුත් කලාපවල රටවල කොටස් වෙළෙඳ පොළවල් මෙයටත් වඩා පහළ ගොස් ඇත. එබැවින් වර්තමාන තත්ත්වය අපට පමණක් සීමා වූවක් නොවේ. එය ලොව කොටස් වෙළෙඳ පොළ තත්ත්වයකි. එනමුත්, සමහර පාර්ශ්ව උත්සාහ කරනු ලබන්නේ මෙම පහළ වැටීම අපගේ කොටස් වෙළෙඳ පොළේ සිදුවූ පහළ වැටීමක් පමණක් ලෙස හුවා දැක්වීමටය. එය කොටස් වෙළෙඳ පොළේ ආයෝජකයන් සහ රටේ මහජනතාව මුලා කිරීමට කරන උත්සාහයකි.

02. කොටස් වෙළෙඳ පොළේ පහළ වැටීමට පසුගිය වසරේ හඳුන්වා දී ඇති නීතිරීති බලපා ඇත්ද?

මෙම කාරණාවද සමහර පාර්ශ්ව විසින් කොටස් වෙළෙඳ පොළේ හැසිරීම නිර්වචනය කිරීම සඳහා යොදාගන්නා කරුණකි. එනම්, අලුතින් හඳුන්වාදී ඇති නීතිරීති හේතුවෙන් කොටස් වෙළෙඳ පොළ පහළ වැටී ඇති බවය. පසුගිය වසර එකහමාරක පමණ කාලය තුළ කොටස් වෙළෙඳ පොළට බලපාන කිසිම නව නීතිරීතියක් හඳුන්වාදී නොමැති අතර, පසුගිය අයවැය මගින් කොටස් වෙළෙඳ පොළේ පැවැත්මට හිතකර වන යෝජනා රැසක් ඉදිරිපත් කරනු ලැබුණි. ශ්‍රී ලංකා සුරැකුම්පත් හා විනිමය කොමිෂන් සභාව විසින් කාලයෙන් කාලයට කොටස් වෙළෙඳ පොළේ සිටින ආයෝජකයන්ගේ අයිතීන් ආරක්ෂා කිරීම සඳහා විවිධ නීතිරීති හඳුන්වා දුන් අතර, පසුගිය කාල වකවානුව තුළ කොටස් වෙළෙඳ පොළේ පැවැත්මට අහිතකරව බලපාන කිසිම නීතිරීතියක් හඳුන්වා දී නොමැත. කොටස් වෙළෙඳ පොළේ වර්තමාන පහළ වැටීමට හේතු කාරණා රැසක් ඇත. අප එය අපගේ පසුගිය ලිපියේදීද සාකච්ඡා කරනු ලැබුණි. ප්‍රධාන වශයෙන් කොටස් වෙළෙඳ පොළවල පහළ වැටීමට බලපා ඇති ප්‍රධාන කාරණා වන්නේ වර්තමානයේ චීනයේ ඇති වී තිබෙන ආර්ථික අර්බුදය, ලොව අමුද්‍රව්‍ය මිල ගණන් දිගින් දිගටම පහළ වැටීම, ලොව තෙල් මිල නොකඩවා පහළ වැටීම, යුරෝපයේ ඇති වී ඇති සංක්‍රමණික ගැටලු ඇතුළු නොයෙකුත් ගැටලු, මැදපෙරදිග ඇති වී ඇති ISIS ප්‍රශ්නය, ඇමෙරිකාව විසින් තම පොලී අනුපාත ඉහළ දැමීම සහ ලෝක ආර්ථික වර්ධනය අපේක්ෂිත මට්ටම් මූල්‍ය අරමුදල විසින් මේ වසර තුළ නැවත වතාවක් අඩු කිරීම යන කාරණා ප්‍රධාන වේ. මෙම සියලුම කාරණා විදේශීය කාරණා වන අතර, කොටස් වෙළෙඳ පොළේ පහළ වැටීමට සුළු වශයෙන් බලපෑ දේශීය කාරණා අතරට පොලී අනුපාත සුළු ප්‍රමාණයකින් ඉහළ නැගීම, රුපියල අවප්‍රමාණය වීම සහ කොටස් වෙළෙඳ පොළේ ඇති සමහර සමාගම් සඳහා බලපෑ සුපිරි බද්ද යන කාරණාද වේ. එනමුත්, ප්‍රධාන වශයෙන් කොටස් වෙළෙඳ පොළේ පහළ යෑමට බලපා ඇත්තේ විදේශීය කාරණාය.

එමෙන්ම, කොටස් වෙළෙඳ පොළේ පහළ වැටීමට තවත් එක් කාරණාවක් ලෙස සමහර බ්ලොග් අඩවි මගින් දක්වා ඇත්තේ ශ්‍රී ලංකා සුරැකුම්පත් හා විනිමය කොමිෂන් සභාව විසින්, සමහර අවස්ථාවලදී ආයෝජකයන් අමතා සිදුකරනු ලබන නිරීක්ෂණයන්ය. මෙහිදී, පැවසිය හැක්කේ යම්කිසි ආකාරයක අක්‍රමවත් ගනුදෙනුවක් සිදුවූ විට ඒ පිළිබඳව අධ්‍යයනයක් කර, ඒ පිළිබඳව එම ආයෝජකයන්ගෙන් විමසීම ලොව සියලුම නියාමකයන් විසින් සිදුකරන කාර්යයක් බවය. කිසියම් පාර්ශ්වයක් විසින් කොටස් ගනුදෙනුවක් තුළ මොනයම් හෝ ආකාරයක අක්‍රමිකතාවක් සිදුකර නොමැති නම්, ඒ පිළිබඳව ගැටලුවක් ඇතිකර ගැනීමට අවශ්‍ය නැත. මෙවැනි නිරීක්ෂණ තුළින් සිදුවන්නේ ආයෝජකයන්ගේ අයිතීන් ආරක්ෂා කිරීමක් වන අතර, එමගින් කොටස් වෙළෙඳ පොළේ පැවැත්මට යහපත් ආකාරයේ පණිවුඩයක් ලැබෙනු ඇත.

එමෙනම්, තවත් සමහර පාර්ශ්ව පවසන්නේ සමහර මහා පරිමාණ ආයෝජකයන් වර්තමානයේ කොටස් වෙළෙඳ පොළේ ආයෝජනය නොකරන බැවින් සුළු පරිමාණ ආයෝජකයන්ට යම්කිසි ආකාරයක මගපෙන්වීමක් ලබාගැනීමට නොහැකි බවය. මෙහිදී, ආයෝජකයන් සිදුකළ යුතු වන්නේ තමන්ගේ මගපෙන්වන්නා, තමාම කරගැනීම වන අතර, අප දිගින් දිගටම 'අද ව්‍යාපාරික පිටුවේ, දැනුමෙන් ආයෝජනයට' ලිපි මාලාවෙන් පෙන්වා ඇති පරිදි මහා පරිමාණ ආයෝජකයන් පසුපස ගොස් ඔවුන් මිලදී ගන්නා කොටස්වල ආයෝජනය කිරීම නොවන බවය. තමා ආයෝජනය කරන ආයෝජන අරමුණ තේරුම් ගෙන ඒ අනුව ආයෝජනය කරන්නේ නම් ආයෝජකයන් හට කොටස් වෙළෙඳ පොළෙන් ඉහළ ප්‍රතිලාභයක් ලබාගැනීමට හැකිය.

03. අන්තර්ජාලය හරහා කොටස් ගනුදෙනු සිදුකිරීම වඩාත් ගැළපෙන්නේ කා සඳහාද?

වර්තමානයේ ශ්‍රී ලංකාව තුළ අන්තර්ජාලය ඉතා වේගයෙන් ප්‍රචලිත වන බැවින් බොහෝ ආයෝජකයන් උත්සාහ කරනු ලබන්නේ කොටස් ගනුදෙනු ආරම්භයේදීම තමන් හට අන්තර්ජාල පහසුකම් ලබාගෙන අන්තර්ජාලය හරහා ගනුදෙනු කිරීමට උත්සාහ කිරීමය. ඔබ කොටස් වෙළෙඳ පොළට නවකයෙක් නම් වඩාත් හොඳ කාරණය වන්නේ කොටස් තරැව්කාර ආයතනයේ ආයෝජන උපදේශක හා සම්බන්ධ වී කොටස් ගනුදෙනු කිරීමය. අන්තර්ජාලය හරහා ගනුදෙනු කිරීමේදී සිදුවන්නේ තමන් විසින්ම තීරණ ගෙන තමාම එම ගනුදෙනුව ක්‍රියාත්මක කිරීමය. එහිදී, සියලු තීරණ ගනු ලබන්නේ ආයෝජකයා වන අතර, එහිදී ඔහු කොටස් තැරැව්කාර ආයතනයේ ආයෝජන උපදේශක සමග සම්බන්ධ නොවේ. කොටස් ගනුදෙනු පිළිබඳව නවකයෙකුට එය එතරම් හිතකර කාර්යයක් නොවනු ඇත. මක්නිසාද යත්, ඔහුගේ හෝ ඇයගේ කොටස් වෙළෙඳ පොළ පිළිබඳව ඇති දැනුම අඩු බැවිනි. එබැවින් නවක ආයෝජකයෙකු සිදුකළ යුතු වන්නේ තමන් හට කොටස් වෙළෙඳ පොළ පිළිබඳව යම්කිසි ආකාරයක දැනුමක් ලැබෙන තුරු අන්තර්ජාලය හරහා ගනුදෙනු සිදුනොකර කොටස් තැරැව්කාර ආයතනයේ ආයෝජන උපදේශක සමගද සාකච්ඡා කර තීරණ ගැනීමය. එමෙන්ම, නවක ආයෝජකයෙකු ණය මත පිහිටා ගනුදෙනු කිරීමද සිදුනොකළ යුතු අතර, තමන් වෙනුවෙන් ගනුදෙනු කිරීමේ සම්පූර්ණ බලය තමන්ගේ කොටස් තරැව්කාර ආයතනයට ලබාදීමද සිදු නොකළ යුතුය. සෑම ගනුදෙනුවක් සඳහාම ආයෝජකයා හට සම්බන්ධ වීමට හැකි නම්, එය තමන්ගේ දැනුම වර්ධනය කරගැනීමට උපකාරයක් වනවා මෙන්ම, සිදුවන්නේ කුමක්ද යන්න පිළිබඳවද පැහැදිලි අවබෝධයක් ලබාගත හැකිවනු ඇත.

මේ අනුව, අප සඳහන් කළ යුතු වන්නේ නවක ආයෝජකයෙකු හට තමන්ට අවශ්‍ය දැනුම ලැබෙන තුරු අන්තර්ජාලය හරහා ගනුදෙනු නොකර කොටස් තැරැව්කාර ආයතනයේ ආයෝජන උපදේශක සමග සාකච්ඡා කර, ආයෝජනය කිරීම ප්‍රයෝජනවත් විය හැකි බවය.

04. වඩා වැදගත් වන්නේ ගනුදෙනු කිරීමද ආයෝජනය කිරීමද?

මෙය තවත් සමහර ආයෝජකයන් හට ඇති ප්‍රශ්නයකි. ආයෝජනය කිරීම යනු දිගුකාලීනව සිතා බලා කොටස් මිලදී ගැනීමය. අයෝජනය කරන පුද්ගලයා කොටස් මිලදී ගනු ලබන්නේ නැවත පසුදින කොටස් විකිණීමේ බලාපොරොත්තුවෙන් නොවේ. ඒ සඳහා ඔහු දීර්ඝ කාලීන සැලැස්මක් යොදා ගනු ලබයි. එහිදී, ඔහු සිතනු ලබන්නේ අනාගතය පිළිබඳවය. එය අනාගතය සඳහා මුදල් යෙදවීමකි. සමහර අවස්ථාවලදී එය මාස කිහිපයක් හෝ වසර කිහිපයක් විය හැකිය. නමුත්, ගනුදෙනුකරුවා විසින් සිදුකරනු ලබන්නේ ඉතා කෙටි කාල පරාසයක් තුළ කොටස් මිලදී ගෙන විකිණීමය. ලොව සියලුම කොටස් වෙළෙඳ පොළවල් තුළ ආයෝජකයන් මෙන්ම ගනුදෙනුකරුවන්ද සිටී. කොටස් වෙළෙඳ පොළක පැවැත්මට මෙම පාර්ශ්ව දෙකම අත්‍යවශ්‍ය වේ. එහිදී, කොටස් වෙළෙඳ පොළේ මුදල් යොදවන්නා විසින් සිදුකළ යුතු වන්නේ, තමන් යොදවන මුදලින් කොපමණ ප්‍රතිශතයක් ආයෝජනය කිරීම සඳහා යොදාගන්නවාද, කොපමණ ප්‍රතිශතයක් ගනුදෙනු කිරීම සඳහා යොදාගන්නවාද යන්න තීරණය කිරීමය. ඔබ නවක ආයෝජකයෙකු නම්, වඩාත් වැදගත් වන්නේ ගනුදෙනු කිරීමට වඩා ආයෝජනය කිරීමට යොමු වීමය. ඔබ පළපුරුදු ආයෝජකයෙකු නම්, ඔබ හට මෙම අවස්ථා දෙකෙන්ම ප්‍රයෝජන ගත හැකිය.

Article : ADA E-Paper